DANIELI 8:17 - Bibliyeeda Ghaydit

¹⁷ Ng'ata ghwaan ea gwaneekiisa heeda eamiinaadawi; hean nea ghwahidu, ghaabeali ak ghaabeadi ak ghaabwadi jih ng'eanyi. Ng'ata gwayeeshiinean, “Nala, Ea orjeeda siida, aba gideaba giirgweatka gaba damanda huuydean.”

DANIELI 8:17 Referans Kwoze

DANIELI 8:19

Ak gwayi, “Ng'ula, gaydanung' nala gichea ghwahidu aba huuydeanda was nyarasta; aba gideaba gaba badayda damanda huuydean jea ghwahidu.

DANIELI 12:4

Asi ang'iing'i, Danieli, rada ng'asheega, ak giyiini gitaabu giirooraneeda, ea ghwahita damanda muudeanooda. Gaygwasalda fuga saang'a nea gagal hiji ea hoowa nea gayghoahaada fughareenga.”

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

HABAKUKI 2:3

Aba gideaba gisiihiimu gudughoamuughu damandaanyi; nea ghwalamwajaada ghwahita muudeanooda–ak ea maygwanda ng'uyeega. Nea iyajiilean, giimuughu; nea aba huumwa gayghwahidu, nea mayghwashing'da.

DANIELI 12:13

Asi una heechea una ea ghwahita huuydeanda; ak gayfuufa, ak gaymiinaada aba headaang'u siloat ea ghwahita muudeanooda askwearjoojiga.”

DANIELI 11:40

“Hean hita damanda huuydean gayghang'eat sugoocheanda mida wiilooda ng'eanyiida biyeara ak gang'uchi sea niny; ak gayghafwaja badaydaanyi sugoocheanda mida wiilooda ng'eanyiida ghayeawa nea ghabeada shaarara, nea ghwaat mutukwajeega ea faraasajeega, ea maleambajeega saang'a; ak gaygawa jeesinga ng'eanyoojiga ea ghoanyiit guldeayda beega ea ghang'ata.

Giidaheechta 22:8

Aniini Yohana ghaayiinyi nea ghaadaayi ng'asheesu. Damandida aayiinyi nea ghaadaayiin, hean geabeedeaysi ng'eanyi ak ghaghadoawanyi aba madeeda malaykajeanda ahiimnaan ng'asheesuun;

ESEKIELI 1:28

Nea iisidaa gawuurji gidaghuweang'da sheagiitka aba jeeda shamooghuutka damanda roopta. Ak ea giduurji weeshindida gil aba meadajeega sean nea giduurjeata giigheambiita NG'UTAMIIDA gil iisidaa. Hean nea ghaadaayi ghaabeadi nea ghaabwadi jih ng'eanyi, ak ghaayiinyi ghuuta siida nea gabalool.

Mattayo 17:8

Gatgat gheanyanga nyaawa, ea mwadaaha sih geaghus Yesu nea gaba geaw.

DANIELI 10:16

Ak ging'ulayi, siyagi uurji sea orjooga buuneeda ak ghawaas ghuuteanyu; ak ghaajaachi ghuuteanyu ak geabalooli. Ak geayeeshi niny was siida miinaada aba madeedeanyu, “Ea ng'utamiideanyu, giirgweatsu gwasawanan ak ghwanung' dang'arng'ariit ak gooshealanean uurda.

DANIELI 10:11

Ak gwayeeshiinean, “Ea Danieli, siida sibwariiy muuchi, ang'waanya muuchi ng'asheega earukuneey, ak gimiinaadi, aba gideaba aniini geecheaknean headaang'u.” Damanda abaloolanean, ghaang'eachi nea ghaabwaadanyi.

DANIELI 9:27

Ak gaygwasin neajeeda majeek sea fuga saang'a aba jeeda wiikajeanda; ea aba eawoojiga mwahita wiikajeanda gaygwaduulu lukghumeeda ea haleanjeeda ghadooweeda; ak gajeayiin gidamuy deageaw was uhuuda gheeda sibata ASEETA ak gaygoobiida hoowa gwaroonyi siida jea gweadu nyariida, ea muudeanooda ghayi sissa ASEETA niny.”

DANIELI 9:23

Heeda iing'eadi giidaydeayda haleanjeeda ghadooweeda ghwahidu ng'asheanda ak ghaawunyi darukuneey, aba gideaba geabwariinyi muuchi; asi sikteawana ng'asheanda ak ginali giirgweatka.

DANIELI 8:15

Hean aniini, Danieli iyaadaayi giirgweatka, geagasayi danal gidawas; ak ging'ulayi, ghamiinaada aba madeedeanyu akaleala uurji siida.

DANIELI 2:46

Hean ghoabeada sugoocheanda was Nebukadinesa ak ghang'uda gheamamdaanyi ng'eanyi, ak gwasissa Danieli mureeda, ak gwarukuta gideaba gajeatayda haleanjeeda sisabwa geadi bea ghadooweeda ea geediga ng'andidi aba badaydaanyi.

ESEKIELI 6:2

“Ea orjeeda siida, gala meatkweeda giijeega Israeli ak giramwaari giijasteanyu aba heeda fuga nyaawa.

GIING'EETA 17:3

Hean ghoabeada Abramu ak gwatkuy ak gwayeesha ASEETA Abramu;

ESEKIELI 44:4

Hean gweanean nea goosiiknean dooshta mida wiilooda ng'eanyiida ghayeawa, bea madeeda gheeda sibata ASEETA. Ama aang'weardi ghaadaayi giigheambiita NG'UTAMIIDA nea ghwanyiit jeeda gheeda sibata ASEETA bea NG'UTAMIIDA, hean ghaabeadi ak ghaabwadi jih ng'eanyi.

DANIELI 7:16

Ak geaneekiisi siyagi aba jeedeaba fugiga miinaada aba hooweaniin ak ghaanyaashchi niny iita huumwa bea ng'asheesu seaniin. Ak gwarukunean, ak ghwanung' danal gidawas ng'asheesu.

DANIELI 8:27

Nea aniini, Danieli, abeeda gealili nea ghaamnyaanyi ea ghwahita eawoojiga; ak ghaahaapchi ak ghaang'eachi sinooda gadiyeeda sugoocheanda; nea gwasawana jeedeanyu aba gideaba mwaanali gidawas giirgweatka.

ESEKIELI 2:1

Ak gwayeeshiinean, “Orjeeda siida miinaada aba geeshangaagu, ak gaydeabaloolnyi.”

DANIELI 11:27

Abeeda gaygoobiitpiit sugoodi iyeenya ak goombuuchi aba hijagi; nea jeesinga nyaawa ea munyas ak gaba siisi reengani niirja. Ak ea mayghwanyas gidagasa; aba gideaba muudeanooda miighoah damanda hit.