DANIELI 8:12 - Bibliyeeda Ghaydit

¹² Hean gwasin buuneeda riing'eeda ak ghwanung'waada giidaydeayda lukghumajeega doabiiw; ak geejaksa huumeanda ng'eanyi, hean gagadiiy gujaweeda aba haleanjeeda sean sin ak ghwanyagaada.

DANIELI 8:12 Referans Kwoze

YEREMIYA 12:1

Ea NG'UTAMIIDA, ang'iing'i guwoosi doabiiwaat, Earapeadi eaniikseeyiin; Gaydabassa ng'asheegeasu madeadaang'u. Ghwasaan anda naweeda fuga munyas ghwanyagaada? Ghwasaan anda fuga sean gwaneadi gaba seayu?

ISAYA 59:14

Ak girgweageeda doabiiwaat ea sijaksa bwadaw, nea doobiiwnata easheagi muuchi; aba gideaba huumeanda niibisa ghuuta naweeda bareanda, ak doobiiwnata ea mayghwahidu jeeda.

Giidaheechta 13:7

Ak geesiksa gang'uchi sea fuga ghaydidi ak ghwajoar. Ak geataw gheambalmeeda aba badayda gilinyoo ea eemoochean gil ea buuneeda ea iita ea eemoojiga,

DANIELI 11:28

Amadu gaygabiikta ng'eanyiidaanyi nea ghwaat haleanjeeda geanda, nea gurooroadaanyi gayghwasit neajeeda ghaydit. Ak gaygwasin gidagasa, ak gabiikta ng'eanyiidaanyi.

DANIELI 8:4

Ak ghaadaayi lagweenda nea gweagu nea gwarakta ea wiilooda ng'eanyiida ghayeawa ea wiilooda ng'eanyiida biyeara; ak ea manda diyeayda ammu ghamiinaada aba madeadaanyi, ak ea manda gidammu gwalealna aba uurdaanyi; ak iissa gwasinda ng'asheega gidagasiida nea goodiing'u geaw.

NYIIGHEEGA 119:142

Doobiiwnataang'u ea doabiiwaat damanda manda muudeanooda nea deaweedeadaang'u gaba huumwa.

NYIIGHEEGA 119:43

Adigeandeawi ghuuteanyu ng'asheanda huumwa earahay, aba gideaba gidaaghuschi gwanda jeeda huumeanyekaagu.

AYUBU 12:6

Maheemajeega mareanghooga gaba seayu, nea gea sassat ASEETA gaba seayu, uurda nyaawa aseeta nyaawa gil.

1 SAMWELI 23:9

Hean gwajeeng'u Dawdi gideaba Sawli gabada ng'asheega munyas aba badaydaanyi; ng'ata gwayeesha Abiyatari was ashoohoocheanda, “Eani hiji hang'da siratiisa hamarjoojiga ashoohoocheanda.”

NYIIGHEEGA 28:5

Aba gideaba mwanala gadiyoojiga NG'UTAMIIDA, ghana gadiyeeda geatingaaschi, gaygwahirja saawa ak ea mayghwadeas gicha.

DANIELI 7:21

Hean nea geang'ulayi, gang'uchi gujaweeni was fuga ghaydidi, ak ghwajoar,