DANIELI 7:7 - Bibliyeeda Ghaydit

⁷ Iidu ghaadaayi eawa aba giirgweatka, ak ging'ulayi, diyeaydeaba ang'wan ak ea muy nea ng'waan ak gwandeawa uurda; ak gwandeawa geeshatka gharinga; ak gweakiida nea gwanyarjeaweada, ak iissa gwadeambiirsa ak ghwadas aba geeshangaaschi. Ak ea sajaadawaat mawuurji diyeanga suurja sean mida madeadaanyi; ak gaba gujaw damanamughuush.

DANIELI 7:7 Referans Kwoze

Giidaheechta 13:1

Hean ghaadaayi diyeayda nea ghwadaambiir aba jeeda basooda, nea gwandeawa gujaw damanamughuush ea iheeni ispwa, ak gwanda shiip damanamughuush uhuuda gujakaaschi ak gwandeawa gheawunga giing'weaka aba iheenga gujakaaschi.

Giidaheechta 12:3

Ng'ata geadaah gwadeagooda nuut aba humng'eeda, ng'ula, hararjooda haw areara, mideawa iheeni ispwa ea gujaw damanamughuush, nea iheenga nyaawa gaba nih mideawa shiip ispwa.

Giidaheechta 17:12

Ak gujakiga atamanamughuush idaahiin ea sugoodiga atamanamughuush gil, was gea miighoang'waay uurda sugoocheanduumeeda, ak ea ninyas gheambalmeeda gawuurji sugoodiga aba aseadeanagi, sea diyeayda.

Giidaheechta 17:7

Hean gwayeeshiinean malaykajeanda, “Ghwasaan anda gihami ng'eanyi? Gaydarukuneey makcheameedeaba gatmooni, ea dea diyeayda mideawa iheeni ispwa ea gujaw damanamughuush aat gatmooniin.

DANIELI 8:10

Ak gwaheedu muuchi, ea gang'uchi lugooda humng'eeda; ea lugooda mwaatkwa bea miinga ak gwahisa ng'eanyi, ak gooleapsa ng'eanyi.

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

DANIELI 7:2

Gwayi Danieli, “Ghaadaayi eawa aba jeeda giirgweatka, ak ging'ulayi, jeameeda gooyuuk meadajeega sean bea ng'eanyiida ak gooyuuk basooda.

2 SAMWELI 22:43

Hean ghaabwarji gawuurji birjeanda ng'eanyiida, ak ghaadatasti sheang'weeda jeeda naweeda.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

ESEKIELI 40:2

Ak damanda duu dandeewa jeeda gidahiimnaan ASEETA, hean gweanean ea ghwaahiinaan jeeda ng'eanyiida Israeli. Ak ghwayiinan uhuuda giijeeda geaw muuchi, nea wiilooda ng'eanyiida biyeara abeeda gwanda giduurji mujiini.

DANIELI 2:19

Ak geehiimsa ng'asheanda Danieli aba jeeda giirgweatka eawa. Ak gabadiischeesa Danieli ASEETA humng'eeda.

AYUBU 41:14

Ak ghoamu ng'eaha ghwajaat gidaghuudajeega mida madeadaanyi, geeshatkaachi mida meadajeega sean ghang'uda buuneeda muuwda.

DANIELI 8:22

Nea gujaweedida sihirja, ak gwarina hoorgeadaanyi gujaka asang'waniin, ea sugoodi ang'wan jea gwarina jeeda ng'eanyiidaanyi, ak ea maygwandeawa uurda uurji daanyi.

SAKARIYA 2:1

Ng'ata geagatkachi gheanyangeasu ak ghaadaayi siida mideawa ghealooda siiteeniida aba geatindaanyi.