DANIELI 7:25 - Bibliyeeda Ghaydit

²⁵ Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 7:25 Referans Kwoze

Giidaheechta 12:14

Ng'ata geataw gatmoodida meang'i iyeenya bea rabearda haw ak ghang'eata gawa dareapcheeda sheageewa ichiboodida, ak gawa heeda jea gweagiischi gheadi nuwaas, sheeh haradam ea iyeenya.

2 Desaloniikke 2:4

diida heewachiin ak goodiing'u geaw aba badayda gili wasean siguuriideawa aseeta ghana gilinyoo eebada, ea eeyi bwak ea gageanu hoorgeadaanyi aba jeeda gheeda sibata ASEETA, ak ghoahiimu geaw gideaba niny ASEETA.

DANIELI 12:7

Iidu siidida akwa hang'weaka miyaas, nea ghamiinaada aba badayda beega ghealoodean, gagatkat geatindaanyi bea dugwa ea geatindaanyi ghaadaam nea googeal humng'eeda; ak ghayiinyi nea gweaksa habeawooda dea mida damanda manda muudeanooda, gideaba gaygwanda damanda, ea damanyooji iyeenya, ea gidamwahita damanda; nea iidu nea sihirja uurda fuga ghaydidi ak gamuudean, abeeda ng'asheesu seaniin gajeahiit.

Giidaheechta 12:6

iidu gamng'aw gatmoodida gawa dareapcheeda, nea nisissa ASEETA heechea goobiida, ak geerear ak goobiida hoowa eawooji sagalama ea bughalaji iyeenya ea laadam.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

Giidaheechta 18:24

Nea jeadaanyi geenyasa foojeanda sibanga ea gea fuga ghaydidi, ea gea fuga ghayi sinuus aba badayda ng'eanyiida.”

DANIELI 7:20

ak geagasayi danal iiteaba gujakiga atamanamughuush mida uhuudaanyiin, ea gujaweedida ridu ak goobeedeaysa gujaka asamwagu madeadaanyiin, was gujaweeda mideawa gheanyanga ea ghuuta rukuuna ng'asheega hees, nea iising'ula eahaweewa suurja.

ISAYA 37:23

‘Ghayi niing'eawayi ng'eaha ak ea nirukusi ng'eaha ng'asheega munyas? Ak ea nijaadi ghuutaang'u ajuursiina ng'eaha, nea gimachiidi ng'eaha aba ghwarjeeda, mii Deaghaydit bea Israeli!

DANIELI 7:8

Hean geang'ulayi gujaka, ak ging'ulayi, ak gwarina dageascheeda nyaawa gujaweeda nuut, mwanang', nea madeeda gwanda gujaw samwagu bea gea gwachi bea madeeda ak geelootu gumsheaka; ak ging'ulayi, gujaweeni gwandeawa gheanyaga uurji gea siida, ea ghuuta rukuuna ng'asheega hees.

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus aba badayda Yesu. Hean nea ghaadaayi gatmoodida ghahamwan ng'eanyi gidahaw.

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

DANIELI 11:28

Amadu gaygabiikta ng'eanyiidaanyi nea ghwaat haleanjeeda geanda, nea gurooroadaanyi gayghwasit neajeeda ghaydit. Ak gaygwasin gidagasa, ak gabiikta ng'eanyiidaanyi.

Giidaheechta 16:6

Aba gideaba buuneeda niihiida foojeanda fuga ghaydidi ea gea Sibanga, ak ea niidawi saawa foojeanda ghwali. Ak ea gidamiisa!”

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 4:32

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' aga nyeega uurjeewana deeda; ak gayghang'ata gweanyeew ispwa aba headaang'u, ak gaynala gideaba ASEETA Haw bea humng'eeda goombal sugoodiga buuneeda ak iissa ghoadaw siida gasa sugoocheanduumeeda.”

2 Desaloniikke 2:3

Asi adagwareenganeegwa sih aba gida wassean; aba gideaba eaweedida mayghwahidu, ea ghanyi gooshoohu mwadi heeheeweega, ak abeeda geatahaach siidida was roodaneeda, was orjeeda roodaweegean,

2 Desaloniikke 2:8

Abeeda diita mandeawana deaweedean gajeatahaach, ak abeeda gaygwanuus Ng'utamiida was Yesu aba aroosta ghuutaanyi ak gwanyarja niny aba deaktaanyi ea hinoadaanyi.

DANIELI 3:26

Hean gawa Nebukadinesa ea gwaneekiisa ghuuta duwayda yeat muuchi ak gwayeesha, “Shadraki ea Meshaki ea Abedinego was fuga gadiyeeda ASEETA Haw bea humng'eeda, abeeni, ak ghoapkaanyi hiji!” Hean gwarina jeeda beasta Shadraki ea Meshaki ea Abedinego.

DANIELI 4:2

Ooleeysiina iit ng'asheega miyaasiin deamdeameadi ea gwadeagwajeega ahiimnaan ASEETA Haw bea Humng'eeda.

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 7:18

Nea fuga ghaydidi bea ASEETA Haw bea Humng'eeda gayghwanyas sugoocheanduumeeda, ak goombal ng'eanyiida damanda manda muudeanooda, maygamuudean.’

DANIELI 8:14

Ak gwayeesha niny, “Gaygageanu sakteawuut sagalamnyooji iyeenya, ea bughalaji samwagu shing'aduutka ea sakteawuutka, abeeda heeda ghaydit gaygabiikta ghamiitaayda gidaghayi bea mwadi.”

HOSEYA 7:16

Niyamsa geat Baali; niwuurji ghuweang'da bealbeal, fuga nyaawa hees gayghabwar ng'uta aba ghwarjeeda ghuusiga nyaawa. Ng'asheanji gayghoah gichea eefoola aba ng'eanyiida Misri.

DANIELI 8:9

Ng'ata gwarina jeedeaba gujakiga gujaweeda mwanang', ak gwaheedu muuchi nea gagal wiilooda ng'eanyiida biyeara, nea gagal heeda ghayeawa, nea gagal ng'eanyiida ghaambiidaat.

DANIELI 8:11

Iissa goodiing'u geaw ak gafool eara fuga ambaliischi bea lugooda humng'eeda; ak geegeandeawa haleanjeeda sisabwa geadi bea ghadooweeda, nea heeda abiita ghaydit geenyarja.

DANIELI 9:27

Ak gaygwasin neajeeda majeek sea fuga saang'a aba jeeda wiikajeanda; ea aba eawoojiga mwahita wiikajeanda gaygwaduulu lukghumeeda ea haleanjeeda ghadooweeda; ak gajeayiin gidamuy deageaw was uhuuda gheeda sibata ASEETA ak gaygoobiida hoowa gwaroonyi siida jea gweadu nyariida, ea muudeanooda ghayi sissa ASEETA niny.”