DANIELI 7:10 - Bibliyeeda Ghaydit

¹⁰ Gwarina madeadaanyi eenda beasta; ak gagadiiyeesa fuga nyiit sagalamnyooji sagalama niny, ak ghamiinaada aba madeadaanyi fuga nyiit sagalamnyooji damanamughuush; ak ghang'eat ghuuta girgweageeda, ak geayaawaada gitaabwajeega.

DANIELI 7:10 Referans Kwoze

ISAYA 30:27

Ng'ula, NG'UTAMIIDA ghwahidu nea gwaleabu deasheagi, nea gaba nyarasta ng'waan, nea ghuutaanyi gwarina aroosta haw, ak ghuutaanyi ghwanyiit nyarasta, nea ng'ushaptaanyi gawuurji beashta.

GIIPKEATA DIIGHEANDA 33:2

Nea gwayeesha, “NG'UTAMIIDA gwaleabu Sinayi, ak gabusseasa aba Seyiri, ak ghoaboang'u aba giijeeda Barani, ak ghwahidu nea gwaleabu heeda sagalamnyooji damanamughuush bea Deaghaydit, mida meatkweeda geatindaanyi bea dugwa beasta yeat.

Giidaheechta 5:11

Deagheata ghaang'weardi, ak ghayiinyi aba murdeeda hoorgeeda gheambalmeeda ea dea diyeangiga majeekcheewiin ea dea gweargwa ghuusiga malaykajeega saang'a mwoamu eeyiida,

NYIIGHEEGA 50:3

ASEETEANYA gayghwahidu, nea mayghwasiinda, ghoajeada beasta aba madeadaanyi, nea ghwanya shaarareeda ng'waan neaweesa aba meadajeega sean.

NYIIGHEEGA 68:17

Nea gwandeawa mutukwajeega ng'ucheeda, sagalamnyoojiga ea sagalamnyoojiga saang'a, NG'UTAMIIDA ghwaan headaang'u ghaydit nea gwaleabu Sinayi.

Yuuda 1:14

Aba badaydeaba suh Enoki aba seaygeedeaba ispwa ng'eada Adamu gayghwaramoaran, nea gwayi, “Ng'ula, Ng'utamiida ghwaan nea goodeana malaykajeagaaschi mwoamu eeyiida, gwanuuseada aba girgweaksiinda,

Mattayo 25:31

“Damanda jea ghwahina Orjeeda Siida aba jeeda giigheambiitaanyi, nea goodeana malaykajeega, hean gaygoopteada aba uhuuda hoorgeeda giigheambiitaanyi.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

1 SUGOODIGA 22:19

Ak gwayeesha Mikaya, “Ghamneawa aleaydiit ng'asheanda NG'UTAMIIDA: Ghaadaayi NG'UTAMIIDA nea goopteada aba hoorgeadaanyi, ea giijasoodigaaschi bea humng'eeda nea ghamiinaada aba meadajeagaaschi sean;

DANIELI 7:22

ak ghwahidu siida mideawa eaweega manda muudeanooda ak gwasin girgweageeda fuga ghaydidi bea ASEETA Haw bea Humng'eeda, ak ghwahidu damanda jea gheang'waanya fuga ghaydidi sugoocheanduumeeda.

Ebraniya 12:22

Ak ea noapkaanyi Giijeeda Sayuni ea mujiineeda ASEETA majeek, Yerusalemooda humng'eeda, ea heeda malaykajeega saang'a, bwat geat aba ghweelmeeda,

SAKARIYA 14:5

Ak agooga gajasalda nea ghoayaachi naweeda moangoachiyda giijeegeasu. Aba gideaba moangoachiydida bea giijeegean gayghwadarda ea ghwahita Aseli. Ak gajasaldeayda gidaghayi oosaldeaydi aba damanda sawooda ng'eanyiida, bea damanda Usiya was sugoocheanda Yuda. Ak gayghwahidu NG'UTAMIIDA was ASEETEANYU, gayghwahidu nea goodeana fuga ghaydidi sean.

DANIELI 7:26

Ak gaygoobiitpiit girgweageeda ak gooji girgweageeda, ak gheambalmeadaanyi gajeegeanda, ak geenyarja ea gwaduulean.

Ebraniya 1:14

Neada malaykajeega gadiiyi ghayi siicheagu gagadiiyeesa, aba badahuuka fuga jea ghwanyas lealeanoodean?

Giidaheechta 11:18

Ak gwanyareesi eemoojiga, ak ghwahidu nyarastaang'u, nea ghwahidu damanda jea eergweaksiina fuga nimeewa, nea geamwaar soomjoagaagu was sibanga ea gea ghaydidi, ea fugiga awali gheawungaaguun, was gea manang'i ea gea hees, ak geedatas suh datas ng'eanyiidean.”

2 DAMANYOOJIGA 18:18

Ng'ata gwayeesha Mikaya, “Asi aleaydiit ng'asheanda NG'UTAMIIDA: Ghaadaayi NG'UTAMIIDA nea goopteada aba badayda hoorgeadaanyi, nea shirikarajeagaaschi sean bea humng'eeda goobiitpiit aba meatkweadaanyi bea geatinda dugwa ea geatinda ghaadaam;

NYIIGHEEGA 18:8

Ak gwardu aroosta aba sareenuukaaschi, nea gwarina ghuutaanyi beasta ajeada; ak ghwayeat ghuurga was rarayga leabu headaanyi.

DANIELI 12:1

“Damandida gayghwahidu malaykajeanda siguura Mikaeli, was malaykajeanda haw ahaaghwa buuneadaang'u ak gaygwanda damanda jea eeng'uchi, manda dea uurji aba dea ning'eada eemeeda ea ghoah damani; abeeda damandida buuneadaang'u gajeelealu, was fuga sing'oorsa gheawunga nyaawa jeeda gitaabu.

AYUBU 25:3

Nea gwanda mooneeda lugweagaaschi? Ghoamu ng'eaha gwayiida mooneeda malaykajeega gadiyeesa niny?

NYIIGHEEGA 103:21

Abadiischeesiina NG'UTAMIIDA, agoogeeda oowooschi lugoadaanyi sean, agoogeeda oowooschi fugaaschi bea gadiyeeda oosinayi ng'asheega bwariiyiin!