DANIELI 7:1 - Bibliyeeda Ghaydit

¹ Aba gweayda madeeda bea Belshasa was sugoocheanda Babeli, goorgweadi Danieli ak geahiimu aba jeeda uhuudeanyu damanda eali aba bulaliida, hean ghang'oar giirgweatka, ak gwarugu ng'asheega daah.

DANIELI 7:1 Referans Kwoze

AMOSI 3:7

Aba huumwa Ng'utamiida was ASEETA maygwasin gil nea mii goodaheachsa makcheameadaanyi fugaaschi bea gadiyeeda was sibangaaschi.

YOELI 2:28

“Iimuchu nea ning'ata ng'asheesu, abeeda gaydeadalealsa gurooroodeanyu badahuuka buuneesean; nea diibigeagwa was orjooga ea haweega, gayghwaramwaar, gweargweagwa gaygoorgweadi, gheareemangeagwa gayghwadaah gisiihiimsa;

DANIELI 5:1

Iimuchu gwasissa sugoocheanda siguura Belshasa ghweelmeeda haw fuga nyiit sagalama was ng'utamoojigaaschi, ak ghwali difaayi aba madeeda fuga nyiit sagalama.

DANIELI 4:5

Aniini geargweadayi giirgweatka nung' dabeal; damanda ealeewi aba bulaliida ak ghwanung' giirgweatkeasu dabeal.

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

YEREMIYA 23:28

Sibaneeda mideawa giirgweatka daramoorana, aba dea mideawa ng'asheegeasu ginung'waadi gwarukwiida aba doobiiwnata. Heapi seendooda ghajaam ghoamu gabareanyi sea ngaano. Gwarugu NG'UTAMIIDA.

Giidaheechta 1:19

Asi ng'oara haleanjeeni idaahiin, ea gea ghamneawa mida, ea gea iidu jea gabassa iing'ata suh.

HABAKUKI 2:2

Ak gwayeeshiinean NG'UTAMIIDA: “Ng'oara gisiihiimu; nea giidaajiidi aba badahuuka lagheanga, ak ghoamu ghoasoamwa siida fwach.

DANIELI 7:15

“Nea aniini Danieli, ghahamng'eanyi guroorooda mida jeedeanyu ak ghwanung' giirgweatka mida uhuudeanyu dabeal.

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

DANIELI 2:1

Gweaydeaba iyeenya bea gheambalmeeda Nebukadinesa, goorgweadi Nebukadinesa; ak gwasawana gurooroadaanyi, ea gwarooda ruweangaaschi.

IITOODA 12:6

Ng'ata gwayeesha, “Asi ayiinya ng'asheegeasu; iimida sibaneeda jeedeang'wa, abeeda, aniineeda was NG'UTAMIIDA, gaydeahiimsa geaw niny aba jeeda giirgweatka, ak gaydeabalool niny aba jeeda giirgweatka.

GIING'EETA 46:2

Ak goobalool ASEETA Israeli aba giirgweatka eawa, ak gwayeesha, “Yakobo, Yakobo.” Ak gwayeesha, “Aniini geandi hiji.”

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”

2 Goriinto 12:1

Asi gaydaghwar geaw; earapeadi manda gichea danyagaadawa, ak gajeahiimnaan nea geatahaach Ng'utamiida.

Ruumi 15:4

Aba gideaba ng'asheega sean ghayi sing'waar aba askwearjoojigeaba mwadiin geang'waar ak abeeda ghoadoabiiweasa, ak aba alooheeda ea gidamajeektaneasa ng'ooruutka abeeda geanyaschi gidasirarji.

DANIELI 8:1

Hita gweaydeaba samwagu bea sugoocheanduumeeda Belshasa geargweaday aniini, Danieli, iing'ata giirgweatka ghayi bea madeeda.

DANIELI 7:7

Iidu ghaadaayi eawa aba giirgweatka, ak ging'ulayi, diyeaydeaba ang'wan ak ea muy nea ng'waan ak gwandeawa uurda; ak gwandeawa geeshatka gharinga; ak gweakiida nea gwanyarjeaweada, ak iissa gwadeambiirsa ak ghwadas aba geeshangaaschi. Ak ea sajaadawaat mawuurji diyeanga suurja sean mida madeadaanyi; ak gaba gujaw damanamughuush.

DANIELI 5:30

Jeedeaba eaweedida geabwar Belshaseeda was sugoocheanda Galdayo.

DANIELI 5:22

Ak ang'iing'i orjeedaanyi, Belshasa, ea mii hiing'ni gurooroadaang'u, nea ginali ng'asheesu seaniin,

ESEKIELI 1:1

Gweaydeaba diktam ea damanamughuush bea sheedeaba ang'wan gil eaweedeaba muut bea sheeda, damanda eandeewi bugusta fuga siipaleak, nea geandi ghuuta eenda Gebari, hean ghwajaada humng'eeda ak ghaadaayi gidahiimnaan ASEETA.

YEREMIYA 36:4

Hean ng'ata gaguursa Yeremiya Baruku orjeeda Neriya, hean ghang'oar Baruku ng'asheega sean bea NG'UTAMIIDA leabu ghuuta Yeremiya ghayi rukusa NG'UTAMIIDA niny.

YEREMIYA 27:7

Nea eara eemoojiga sean gaygagadiyeesa niny sea orjeedaanyi ea diibigeaba gaaschi, bwak ea gagul damanda jea ghoabeada ng'eanyiidaanyi; ak abeeda eemoojiga saang'a ea sugoodiga hees gayghwanung' ghoah niny soomjeanda nyaawa.

ISAYA 30:8

Asi una ak ging'waari aba madeanyaawa, ng'oorsiina badayda beehiida ak ging'oorsi jeeda gitaabu ak ghoah muuwuunooda jea ghwahidu damanda manda muudeanooda.

ISAYA 8:1

Hean gwayeeshiinean NG'UTAMIIDA, “Geani beehiida haw ak ging'oorsi badaydaanyi aba galaamu ng'asheesu, ‘Gaba Maher-shalal-hashbasi.’”

AYUBU 4:13

Nea abeeda geandi jeeda giirgweatkeaba eawa, nea abeeda buuneeda gwanda jeeda ruweanga saang'a.

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

YEREMIYA 36:32

Ng'ata gageanu Yeremiya gitaabwajeanda nuut ak ghoadaw Baruku orjeeda Neriya was ng'oorshoocheanda, ak ghang'oar ng'asheega sean leabu ghuuta Yeremiya was gea ghayi ghwarda aba beasta Yehoyakimu was sugoocheanda Yuda, ak geahaat ng'asheega saang'a uurji gea ghayi bea mwadi.

ESEKIELI 40:2

Ak damanda duu dandeewa jeeda gidahiimnaan ASEETA, hean gweanean ea ghwaahiinaan jeeda ng'eanyiida Israeli. Ak ghwayiinan uhuuda giijeeda geaw muuchi, nea wiilooda ng'eanyiida biyeara abeeda gwanda giduurji mujiini.

DANIELI 2:26

Ghwalamda sugoocheanda ak gwayeesha Danieli, siguura gheawungaaschi Belteshasa, “Ang'iing'i giimuusi nung' danal gidarugu giirgweatka aadaayi ea gidawasi?”

DANIELI 4:13

“Ak ghaadaayi aba jeeda giirgweatkeasu damanda eali aba bulaliida, ak ging'ulayi, ghwararang'aana humng'eeda malaykajeanda ghaydit.