DANIELI 6:20 - Bibliyeeda Ghaydit

²⁰ Damanda neekiisiina shoomanda mida jeeda Danieli, hean goojuur muuchi ak gwayeesha Danieli, “Ea Danieli, siida gadiyeeda bea ASEETA mideawa eaweega, ASEATAANG'U ibadayi ghoamu gwalealnaneey heedeaba ng'anyeeksu?”

DANIELI 6:20 Referans Kwoze

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

1 DAMANYOOJIGA 16:11

Agasa NG'UTAMIIDA ea uurdaanyi; Agasa gheamamdaanyi galeaga sean.

DANIELI 6:16

Ng'ata gwarukuta sugoocheanda gideaba, ayeani, ak geeyeadu Danieli ak geejaksa jeeda shoomanda mida ng'anyeeka. Ak gwayeesha sugoocheanda Danieli, “Gagasa gwalealneey ASEETA ibadayi.”

DANIELI 3:17

Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

Yakkobo 1:25

Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoah siida iing'shi ramasoot gagasa ea siida sina gadiyeeda gil, siisi aba sinoadaanyi bea gadiyeeda.

2 Goriinto 1:10

niny ghoaghuuhaneasa jeeda washta haw bea miyeeda, ak gaygabiikta ghoaghuuheasa; nea aseasa ea sirarji niny gideaba gaygabiikta ghoaghuuheasa.

Lukka 18:1

Hean gwarukusa ng'asheega nea gagala geat nea gagasa gideaba gaygamiisa saawa mooshta ASEETA galeagasean nea mapura.

Lukka 1:37

Aba gideaba manda ng'asheanda jea ghwaraay ASEETA.”

HOSEYA 12:6

“Asi ang'iing'i, biikni aba weeta ASEATAANG'U, ang'waanya bariinyeega ea doobiiwnata ASEATAANG'U.”

DANIELI 3:15

Asi ghamneawa iyoayiinyi ghuuta durumbeati, ea furiimbu, ea igeambooda, ea bayiiga, ea gidoondooriida, ea bundiida, ea gilinyoo eesarmaniida, abeeda gootkunyi ak ghoabwachi sanaamoodida sisna dahaabu ghayi easinyiin, abeeda ghwahit; ama moabwadi, abeeda gajeehisaneegwa jeeda duwayda yeat ng'waan; ak gajea ana aseet gil jea gageandeawaneegwa jeeda geatindeanyu?”

YEREMIYA 32:17

‘Ea NG'UTAMIIDA was ASEETA, ng'ula ang'iing'i gibwadi humng'eeda ea ng'eanyiida aba uurdaang'u haw ea aba geatindaang'u doabiiwaat manda ng'asheanda hang'waay miimuusi.

NYIIGHEEGA 73:23

Eara gwasa aniini geendeayi sea ang'iing'i Ea ASEETA, ang'iing'i niing'waanyi geatindeanyu bea dugwa.

IITOODA 11:23

Gwayeesha NG'UTAMIIDA Musa, “Neada geatinda NG'UTAMIIDA ea nuwaasi? Asi ghamneawa gaydaaha ng'asheandeanyu ea jea ghoah huumwa aba headaang'u ghana manda.”

GIING'EETA 18:14

Neada gwanda ng'asheanda hang'waay aba heeda NG'UTAMIIDA? Iihita damandida gaydabiigu headaang'u gweanyiin doomeelda, abeeda Sara gajea ninyas baleanda.”

Yuuda 1:24

Asi ghamneawa aba heeda ninyeeda ammu ghwanung' ea moopeadani ak ghwaadeagwa nea meeyeateeweegwa ghuusi aba madeeda giigheambiitaanyi aba hooseaneega,

2 Dimoteo 1:12

Ak aniini ghaanyaschi sawanadeeda aba badaydeaba ng'asheesu ak geawooschi hidaat aba gideaba ghaanali niny dea aamwaschi ak ghaanali gideaba ghoamu gafur gidida ghayi goonaniini bwak ea ghwahita damandida.

Golosaayi 4:2

Oopiidana muuchi jeeda mooshta ASEETA, nea ghoang'wearu aba ng'asheanji nea goobadiischeesi;

Ruumi 2:7

aba heeda fuga milikghta aba sinooda gadiyoojiga miyaasiin gagaseadayi giigheambiita ea mureeda ea ng'asheega maygameewa, gayghoadaw eaweega manda muudeanooda;

Gadiyeeda Giijasoodiga 6:4

Ak aseasa gajeamwaasha ASEETA nea geesinyi gadiyeeda ng'asheanda.”

NYIIGHEEGA 146:2

Gaydaduumsheesa NG'UTAMIIDA aba damanda sean eandeayeewi eaweega; gaydasarman duumsheesiinda ASEETEANYU damanda duu dandeewa.

NYIIGHEEGA 119:112

Neageali gurooroodeanyu sinooda deaweedajeagaagu damanda manda muudeanooda.

DANIELI 6:19

Iimuchu, ghang'eat sugoocheanda ak ghwahal geaw gawa heeda shoomanda mida ng'anyeeka.

DANIELI 6:26

Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.