DANIELI 6:16 - Bibliyeeda Ghaydit

¹⁶ Ng'ata gwarukuta sugoocheanda gideaba, ayeani, ak geeyeadu Danieli ak geejaksa jeeda shoomanda mida ng'anyeeka. Ak gwayeesha sugoocheanda Danieli, “Gagasa gwalealneey ASEETA ibadayi.”

DANIELI 6:16 Referans Kwoze

AYUBU 5:19

Niny gayghaweadaneey sawanaduut lah, ak deaba ispwa ea manda gidamuy jea ghwasanyi.

DANIELI 3:28

Ghwalamda Nebukadinesa ak gwayeesha, “Gagasa eebadiischeesa ASEETA Shadraki, ea Meshaki, ea Abedinego, ajeagu malaykajeandaanyi ghaweat fugaaschi bea gadiyeeda, was gea ghus niny, ak gafool ng'asheanda rugu sugoocheanda, ak ghoaghaashta sasanuuka nyaawa measaamwa gideaba gayghoaghu ak ghabwat aseeta wassean geaghus ASEETA nyaawa.

ISAYA 43:2

Inyas giighaawi beega gulda aniini ea ang'iing'i gajeendeayeean, ama inyas giighaawi eeniga ea mayghwaanyi, nea eara iiwi jeeda beasta ea maymurjana, nea eara ng'ushapta beasta ea mayghwaaknyi.

2 SAMWELI 3:39

Nea askweareani geawooschi ng'arng'ar, earapeadi simwaaran doaw sugoocheandean; nea fiisu was orjooga Seruyaan ea hang'oonyi aba heedeanyu. Dawalda NG'UTAMIIDA munyinda siida muy gawuurji giteena giidiinyeandaanyi!”

DANIELI 3:17

Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

DANIELI 6:20

Damanda neekiisiina shoomanda mida jeeda Danieli, hean goojuur muuchi ak gwayeesha Danieli, “Ea Danieli, siida gadiyeeda bea ASEETA mideawa eaweega, ASEATAANG'U ibadayi ghoamu gwalealnaneey heedeaba ng'anyeeksu?”

Gadiyeeda Giijasoodiga 25:11

Ama naaramwaschi deaweeda ghana iineasinyi ng'asheanda muy wassean miisa miyeeda, ea mwaaheawani miyeeda; ama ng'asheesu siirgweaksiinaneaniin ii mii huumwa ea manda siida jea ghwaadan, gaydaang'aata girgweageedeanyu heeda Gaysari.”

GHWASIILDEANGA 29:25

Gheawalmeeda buuneeda gaygweadu ghasooda, nea siida ghus NG'UTAMIIDA gaygaba seayu.

Ruumi 13:3

Aba gideaba sugoodiga iissa ea mwanung' ghabeal fuga miyaas, iissa ghwanung' ghabeal fuga sina ng'asheega munyas. Asi gigasayi eamiiwali fuga ahaaghwa ng'eanyiida? Sina ng'asheega miyaas, ak abeeda gay ghaghwarnyi,

DANIELI 6:7

Nea sugoodiga hees sean bea jeeda ng'eanyiida, sea sugoodiga manang'i, ea fuga hees ea gweargwa girgweageeda ea sugoodiga hees hidu goombal ng'eanyiida ak gwaneajeesa gideaba darada sugoocheanda diigheanda ak goomajeek, gideaba siida wassean jea ghabwat aseeta wassean ghana siida, aba jeemba askwearjooji diktam ea damanamughuush, nea mwaghusnyi, Ea ng'utamiida, gajeejaksa jeeda shoomanda ng'anyeeka.

DANIELI 3:15

Asi ghamneawa iyoayiinyi ghuuta durumbeati, ea furiimbu, ea igeambooda, ea bayiiga, ea gidoondooriida, ea bundiida, ea gilinyoo eesarmaniida, abeeda gootkunyi ak ghoabwachi sanaamoodida sisna dahaabu ghayi easinyiin, abeeda ghwahit; ama moabwadi, abeeda gajeehisaneegwa jeeda duwayda yeat ng'waan; ak gajea ana aseet gil jea gageandeawaneegwa jeeda geatindeanyu?”

YEREMIYA 38:5

Ng'ata ghwalamda Sedekiya was sugoocheanda ak gwayeesha, “Ng'ula siisi gwanda geatingeagwa, aba gideaba sugoocheanda maygwasin gidamoogasi agooga.”

YEREMIYA 26:14

Ak aniini, goong'ulayi geandi geatingeagwa. Asimanean gidoadaayi gideaba ghwadoabiiw aba heedeang'wa.

Gadiyeeda Giijasoodiga 25:9

Festo abeeda gagasa ghoamiidu geaw aba heeda fuga Yahudi, hean ghoanyaash Bawlo nea gwayeesha, “Gigasayi una Yerusalemu ak geergweakseey aba ng'asheesu nea gindi madeedeanyu?”

Gadiyeeda Giijasoodiga 24:27

Muchu nea ning'ata gweanyeew iyeenya, ghoaghiis hoorgeeda Feliksi siisi siguura Barkiyo Festo; ak gagasa gooduupchi geaw fuga Yahudi, muchu Feliksi ghwanung'wa Bawlo ghealooniga.

2 Goriinto 1:10

niny ghoaghuuhaneasa jeeda washta haw bea miyeeda, ak gaygabiikta ghoaghuuheasa; nea aseasa ea sirarji niny gideaba gaygabiikta ghoaghuuheasa.

ISAYA 41:10

Adibeali aba gideaba geendeayi, adihirbiban aba gideaba geawooschi ASEATAANG'U; gaydagoonyi uurda, ak gaydaweanyi, nea gaydaahaaghwaneey aba geatindeanyu bea dugwa doabiiwaat.

YEREMIYA 38:6

Hean geang'waay Yeremiya ak geapuuta jeeda healadeeda Malkiya orjeeda sugoocheanda, healadeeda gwanda doodooda furiischoodiga, nea geapuutaawa mareamarooda. Ak jeedeaba healadeedida ea manda beega geaghus sheang'weeda ak Yeremiya gwalik sheang'weedida.

YEREMIYA 39:17

Ak eaweecheanji gaydanung' ghuha, gwarugu NG'UTAMIIDA, ak ea majeayiinyi geatinga fugiga iiwaliin.