DANIELI 6:10 - Bibliyeeda Ghaydit

¹⁰ Iidu nea ghwadaah Danieli gideaba sing'waar barawajeanda, gawa jeedeaba gheanyi ak ghwajaat seawuutka ghooriida mida humng'eeda duukusa Yerusalemu; ak gwatkuy aba gutung'weakaaschi niba samwagu aba jeeda askwearda ak ghamwaash ASEETA nea gabadiischeesa ASEATAANYI, gawuurji gidasiniida.

DANIELI 6:10 Referans Kwoze

NYIIGHEEGA 55:17

Shing'ada ea sakteayda ea askweari ghaaniikghchi nea geayeawdi, ak gayghwayiiy ghuuteanyu.

Gadiyeeda Giijasoodiga 5:29

Ghwalamda Betaro sea giijasoodiga ak gwayeesha, “Gamiiseasa gideaba gajeawala gheang'da ASEETA mwasamwa siida.

NYIIGHEEGA 95:6

Apkaani, eamwaasha nea geetkunyi, anung' eetkunya aba madeeda NG'UTAMIIDA, was dea sinneasa!

Ebraniya 13:15

Asi aba niny eegala mwadi nea geataydi lukghumeeda duumsheesiinda ASEETA, nea haghweega ghuuta gil gea mwas gheawungaaschi.

Filippi 4:6

Adoodeawiichi geat aba ng'asheanda wassean, geaghus aba mooshta ASEETA nea ghoamwaschi ghawooda, nea ghoabwachi ASEETA ak ghwanal ASEETA gidoogasayi wassean.

NYIIGHEEGA 34:1

Gaydaaghaambiit NG'UTAMIIDA damanyoojiga sean, giigheambiitaanyi gwanda ghuutaanyi galeaga sean.

NYIIGHEEGA 5:7

Nea aniini aba giteena hawunda bariinyeagaagu gaydawa jeedeaba gheang'u, gaydamwaashnyi aba gheawalmeadaang'u nea geagali gheang'u ghaydit sibata ASEETA.

Gadiyeeda Giijasoodiga 9:40

Hit gooruuta Betaro buuneesean jarooda ak ghang'uda gutung'weaka ng'eanyi ak ghamwaash ASEETA; ak gwayamsa geaw mustida ak gwayeesha, “Dabita ng'eada.” Ng'ata ghwajaat gheanyangaaschi, ama ang'wearda ghwadaah Betaro ak ghang'eat goopteada.

YONA 2:4

Hean geayeenyi, ‘Sijaktanean aba madeeda gheanyangaagu; abeeda gaydang'uliidaan gicha gheadaang'u ghaydit?’

1 SUGOODIGA 8:54

Ng'ata iinea ghoahiit Sulemani musiischooda aba heeda NG'UTAMIIDA, ghang'eat aba madeeda heeda wagiida bea NG'UTAMIIDA, damanda dugunya nea ghamiinda geatingaaschi;

1 SUGOODIGA 8:44

“Inyas gaweay fugaagu gang'uchi sea weajoodiga nyaawa, aba naweeda nyooh ajeakteawana, ak ghamwaash NG'UTAMIIDA nea googeal iheenga mujiineeda ghayi ighwali ea gheeda ghayi aadeaschi aba gheawungaagu,

Efeeso 3:14

Ak aba sareani geatkunyi aba madeeda Bwaabwa,

Gadiyeeda Giijasoodiga 10:9

Iimuchu nea gwanda naweeda nea abeeda ea niriiksa mujiini, ng'ata gwading'da Betaro uhuuda gheeda ghamwaash ASEETA nea gaba aseeta lah.

DANIELI 6:13

Hean ghwasha saawa aba madeeda sugoocheanda, “Danieleedida was siida siipaleakna ng'eanyiida Yudahiin moawala gheang'daang'u, Ea sugoocheanda, ghana diigheanda ghayi iradi, niny iissa ghabwat ASEETA niba samwagu aba jeeda askwearda.”

Ebraniya 4:16

Asi gagasa eeneekiida aba gidasirarji eapkaana heeda hoorgeeda ghaambiidaat bea dagheerjeanduumeeda, ak abeeda geanyaschi baydeayda ak geanyaschi dagheerjeanduumeeda jea ghaweat fih damanda sigasseewa.

1 SUGOODIGA 8:38

aleeysiina iit musiischoodeaba siyagi ghana gea buuneeda sean bea Israeli, gilba siisi nyooh ghwanal geeyooda bearji aba gurooroadaanyi ak ghamiinda geatingaaschi googeal heeda gheawi;

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Golosaayi 3:17

Nea gili wasean oosinyi, aba ng'asheanda ghana sinooda, asina sean aba gheawunga Ng'utamiida was Yesu, nea goobadiischeesi ASEETA was Ghweanda aba naweedeaba niny.

Filippi 1:20

ak ea gidaararji gil gideaba ghaaghuschi muuchi ak ea maydabwaspwas earahay, ak geawooschi majeek gawuurji gideaba eawoojisu ak ghamneawa gwasunu Gristo gajeesissa mureeda aba badaydeanyu, iinaameayi ghana iiduudanda.

Gadiyeeda Giijasoodiga 20:36

Iing'ata rukunoodeaba ng'asheesu, gwatkuy ak ghamwaash ASEETA sean.

NEHEMIYA 6:11

Ak geayeenyi, “Heapi siida uurjeewean gaygamng'awi? Ak ea ng'eaha dea uurjeewean jea gawa jeeda gheeda sibata ASEETA ghoaghu eaweagaaschi? Aniini maydawa jeeda.”

2 DAMANYOOJIGA 6:38

inyas gaygwaduukuuna aba jeesinga nyaawa eara aba gurooruunatka nyaawa aba jeeda ng'eanyiida ghayi siipaleaksa, heeda ghayi siyaat eanung' ghoah giing'oonyanga, ak gamusiischi nea gwayamsa geat ng'eanyiida nyaawa, ghayi iidawi ghweaniga nyaawa, mujiineeda ghayi niloadi, ea gheeda ghayi aadeaschi aba gheawungaagu,

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Filippi 1:14

nea orjooga saang'a bea giyeanya ea sinung' ghamwas Ng'utamiida aba ghealoonigeasu, ak ea ninyas muraneanduumeeda muuchi ak gwarukwiida ng'asheanda ASEETA nea mabeala.

Gadiyeeda Giijasoodiga 21:5

Iidu nea niisha askwearjoojigaasa, geeweayi bareanyeakaasa nea ghoadoabiiweasa sean ea gadeemga nyaawa ea diibiga nyaawa, ea gooruuteawaneasa mujiini; hean sihiti ghuuta basooda geetkunyi ak geemoashchi ASEETA nea geakghachi geat sean.

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Gadiyeeda Giijasoodiga 7:60

Ng'ata gwatkuy ak ghoahaawda nea gwayi, “Ng'utamiida, adiidu ginung' ghwanyas fiisu riing'eeni.” Iidu nea niihiit ng'asheesu, ghami.

Gadiyeeda Giijasoodiga 5:20

“Aweayeena ak ghoamiinaadi aba jeeda gheeda sibata ASEETA ak goorukusi buuneeda ng'asheega sean bea eaweesuun.”

Gadiyeeda Giijasoodiga 4:29

Asi ghamneawa, Ng'utamiida, ng'ula giimuuwda nyaawa, ak giidawi soomjoagaagu ak gwarukwiida ng'asheandaang'u aba meaynata sean,

Gadiyeeda Giijasoodiga 3:1

Ng'ata gaweay Betaro ea Yohana gheeda sibata ASEETA damanda simwaasha ASEETA nea gaba aseeta shageash.

Gadiyeeda Giijasoodiga 2:15

Aba gideaba fiisu miigaboogit, aba gidoararji, aba gideaba ghwasaan ghamneawa nea aseeta gutgaba samwagu bea sakteayda;

Lukka 22:41

Ghwanung'wa saawa heeda, ak ghwaloat geash gili ayang'da jakteayda lagheaneeda, ak ghang'uda gutung'weakaaschi ng'eanyi ak ghamwaash ASEETA, ak gwayi,

Lukka 14:26

“Siida iihidu heedeanyu nea mwasida ghwaan ea ghaamwat ea gatmoadaanyi ea diibigaaschi ea orjooga ghaamwat ea haweega ghaamwat, nea ea mwasida eaweagaaschi moamu ghoah giinealaneedeanyu.

NYIIGHEEGA 86:3

ea NG'UTAMIIDA, eaniyean bwaydanaan, aba gideaba geayeawuseey askwearda sean.

ESRA 9:5

Hita damandeaba shing'ada bea lukghumeeda ghaang'eadi heeda gwachi ealuuldeaysi geaw, sea hang'weakeasu ea gooteedeanyu bwaashaat ak geakuli gutung'weakeasu ng'eanyi nea ghaamiindi geatingeasu deageal humng'eeda heeda NG'UTAMIIDA was ASEETEANYU,

2 DAMANYOOJIGA 6:13

Nea Sulemani ea nisin measayda gharinyeanda nea wiiloadaanyi geegala geatin muut, aba baraknataanyi geegala geatin muut, aba geawundaanyi geegala geatin samwagu, aba ng'ata ghwayiin doodooda, ng'ata ghamiinaada aba uhuudaanyi. Ng'ata gwatkuy aba madeeda guuyeeda fuga Israeli, ak ghamiinda geatingaaschi nea googeal humng'eeda, ak gwayi,

1 SUGOODIGA 8:30

Aleeysiina iita mooshta siidaang'u bea gadiyeeda ea gea fugaagu bea Israeli, inyas gamusiischi nea gwayamsa geat hiji, aleaydiit aba humng'eeda heeda iibiiti; aba inyas giyiinyi, abeeda gisamsi.

DANIELI 9:4

Ak ghaamwaashchi ghawooda aba heeda NG'UTAMIIDA was ASEETEANYU ak geaduukuuni, nea geayi, “Ea NG'UTAMIIDA haw, biissa aang'waan, was dea ang'oonyi neajeeda ea bariinyeega huumwa aba heeda fuga bwariiy niny ea ghoang'waay diigheanyeekaaschi,

Marko 3:3

Iidu gwayeesha Yesu siidida aptu geatindean, “Beeni hiji bea mwadiin.”