DANIELI 5:6 - Bibliyeeda Ghaydit

⁶ Hean ghwayamwa oormeeda sugoocheanda, ak ghoapkaat fughareadaanyi; ak gang'arng'ariidi roobuutkaaschi, ak ghabwar geat gutung'weakaaschi.

DANIELI 5:6 Referans Kwoze

NAHUMU 2:10

Sinyarja! Nyarjeawda ea nyariida! Gurooruunatka niihiili ak gutung'weaka ea nibwar geat, ak gwasawana mananuunatka sean, ak gheamamuunatka nyaawa sean ea niweeriidi!

DANIELI 7:28

“Nih muudeanooda ng'asheega. Nea aniini, Danieli, ea niibealan ng'asheega mida uhuudeanyu, ak ghwayamwa oormeedeanyu; ak ghaayiinyi ng'asheanji jeeda uhuudeanyu.”

ESEKIELI 7:17

Gaygaba siisi ng'arng'ariidi geatinga, nea gang'arng'ariidi gutung'weakaaschi ea gawuurji beega.

DANIELI 4:5

Aniini geargweadayi giirgweatka nung' dabeal; damanda ealeewi aba bulaliida ak ghwanung' giirgweatkeasu dabeal.

ESEKIELI 21:7

Nea iisiinyaashnyi gideaba ‘ghwasaan anda gisawani?’ Abeeda gajeeshiina, ‘Aba badaydeaba ng'asheesu, aba gideaba ghwahidu ak gaygaba guroorooda nyar nea gang'ang'ariidi geatinga sean ak gaba gurooroani ahiil, nea ghoaleakghleakgh gutung'weaka sean ea gawuurji beega. Ng'ula ghwahidu, ak gaygwasa,’” gwarugu NG'UTAMIIDA was ASEETA.

NYIIGHEEGA 69:23

Gheanyanga nyaawa deenung' gamisaniidi, ak ea moang'wearda nea mananuunatka nyaawa ea deenung' gang'arng'ariidi galeaga sean.

DANIELI 4:19

Iimuchu Danieleeda siguura Belteshasa, ghahamng'eanyi gilimwanang', nea ghwayamwa fughareadaanyi. Ak gwayi sugoocheanda, “Belteshasa, adaghoabealnyi giirgweatka ghana hamang'eanyi aba gidawas.” Ghwasha Belteshasa nea gwayeesha, “Ng'utamiideanyu, gidabal gagal giirgweatka fuga sinyi nea gagal gidarugu giirgweatka heeda weajoodigaagu!

Ebraniya 12:12

Asi agatkada geatingeagwa abitu ak goommajeekchi gutung'weaka ng'arng'ari,

DANIELI 3:19

Hean ghwanyareas muuchi Nebukadinesa, ea ghwayamwa gheamamdaanyi aba badayda Shadraki, ea Meshaki, ea Abedinego. Ak ghwanung' eaghwar duwayda niba ispwa ea ghwanaawa damanda eawoojisu.

DANIELI 2:1

Gweaydeaba iyeenya bea gheambalmeeda Nebukadinesa, goorgweadi Nebukadinesa; ak gwasawana gurooroadaanyi, ea gwarooda ruweangaaschi.

ISAYA 35:3

Anung' ghwanyas uurda geatinga ng'arng'ari, ak ghoanung' gamajeegiidi gutung'eakeagwa ng'arng'ari.

ISAYA 5:27

Aba jeenyaawa manda dea nibur ghana dea ruus geaw, manda dea ng'uta ghaat ghana dea lili, nea mayghang'arng'ariit ghealooda mananuunatka nyaawa, nea mayghang'at deanga geeka nyaawa;

NYIIGHEEGA 22:14

Aniini neajageadaydi beega, ak geakeasu sean ea niheeldooschi; gurooroodeanyu niwuurji hideeda, nyar aba daghateanyu;

DANIELI 5:5

Deagheata geadaah mooringa siida aba ghamarda gheeda sugoocheanda, nea gwadeaschi sea heeda siyiina gheaboong'nyeanda; ak ghwadaah sugoocheanda geatinda nea gang'oorshi.

YEREMIYA 50:43

“Ak ghwayiiy sugoocheanda Babeli iita nyaawa, ak goosha uurda geatingaaschi; ak ghwanyas sawanadeeda ea ng'weaniidooda, uurji dea gatmooda bearji lajooda.