DANIELI 4:32 - Bibliyeeda Ghaydit

³² ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' aga nyeega uurjeewana deeda; ak gayghang'ata gweanyeew ispwa aba headaang'u, ak gaynala gideaba ASEETA Haw bea humng'eeda goombal sugoodiga buuneeda ak iissa ghoadaw siida gasa sugoocheanduumeeda.”

DANIELI 4:32 Referans Kwoze

DANIELI 5:21

ak geahoana jeeda buuneeda, ak geehinda fughareadaanyi dea diyeayda, nea giibindaanyi gwandeaydooschi sea diyeanga jarooda; ak geanung' ghwaakta nyeega deeda, nea ghabwar saseadaanyi rahooda humng'eeda, bwak ea ghwanal gideaba ASEETA Haw bea Humng'eeda goombal sugoocheanduumeeda buuneeda, ak ghoadaw siida gasa goombal.

YEREMIYA 27:5

“Aniini gil dea aabwachi ng'eanyiida ea buuneeda, ea diyeanga mida badayda ng'eanyiida aba uurdeanyu ea aba geatindeanyu doabiiwaat ak inyeesa ghaadawji siida bwariiy gurooroodeanyu.

YOSHUWA 4:24

ak gayghwanal buuneesean bea badayda ng'eanyiida gideaba geatinda NG'UTAMIIDA gwandeawa uurda; ak abeeda ghoawali NG'UTAMIIDA was ASEETEANG'WA damanda manda muudeanooda.”

RITEAYDA 9:29

Ghwalamda Musa ak gwayeesha niny, “Inyas geariti dawa Mujiini, gaydamiinda geatingeasu deageal heeda NG'UTAMIIDA, abeeda gayghwasiinda gighweendandeeda, ak ghwalakta eara roopta lagheanga, ak gaynala gideaba ng'eanyiida gaba NG'UTAMIIDA.

RITEAYDA 8:10

Ak gwayeesha, “Numuji.” Aba gidarukuta Musa ak gwayeesha, “Gagasa gwasa gida inyaashi, ak gagasa nala gideaba manda nuut uurji NG'UTAMIIDA was ASEETEANYA.

ISAYA 37:20

Asi ghamneawa, Ea NG'UTAMIIDA was ASEETEANYA, lealnaneasa geatingaaschi, ak ghwanal sugoodiga sean bea badayda ng'eanyiida gideaba ang'iing'i guwoosi NG'UTAMIIDA nea gibwaageaw.”

RITEAYDA 9:14

Aba gideaba aba damani gaydeajeagu bayiigeasu sean badayda gurooroadaang'u, ea badayda fugaagu bea gadiyeeda ea buuneadaang'u, ak gaynala gideaba manda dea uurjeewanean aba badayda ng'eanyiisean.

ISAYA 45:3

Gaydagoonyi haleanjeeda siitiiw aba heeda funyaat, ea haleanjeeda mida heeda misana, ak ginali gideaba aniini geawooschi NG'UTAMIIDA was ASEETA Israeli ghayi eaguurni gheawungaagu.

2 DAMANYOOJIGA 33:13

Ng'ata ghamwaash niny, ak ghwayiiy ASEETA musiischoadaanyi aba ng'ata goodeelu Yerusalemu gicha jeeda gheambalmeadaanyi. Hean gwajeeng'u Manase gideaba NG'UTAMIIDA ASEETA gil.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

DANIELI 4:31

Damanda duu gwarina ng'asheesu ghuuta sugoocheanda, gwashuubean ghuuta leabu humng'eeda, “Ea sugoocheanda was Nebukadinesa, aleeysiina iit ng'asheega eargu: Sugoocheanduumeeda sigeandeawa headaang'u,

AYUBU 9:12

Ng'ula niny gageanda gidagasa ak gayghoamu ng'eaha ghwaadeal, ak gayghoamu ng'eaha ghoanyaash gideaba ‘gisini naaha?’

AYUBU 42:2

“Ghaanali gideaba giimuusi sina haleanjeeda sean nea gidigasayi sinooda ea manda siida jea ghoadeal.

NYIIGHEEGA 115:3

ASEETEANYA gwanda humng'eeda; iissa gwasin gida wasean gasa.

NYIIGHEEGA 135:6

NG'UTAMIIDA iissa gwasin gida wassean bwariiy, aba humng'eeda ghana aba ng'eanyiida, aba jeesinga baskweega ea bugusta beega sheagi jih.

ISAYA 40:15

Ng'ula, aba headaanyi eemoojiga gawuurji beega abituuna jeeda ghadeeda, ak gawuurji birjeanda aba uhuuda gidasiiteeniida, ng'ula darooraka neaweesa beega aba headaanyi gawuurji birjeanda asas.

ISAYA 40:17

Eemoojiga sean mawuurji gil aba madeadaanyi, nea aba headaanyi gawuurji duguuga mwadaagha marachi gil.