DANIELI 4:25 - Bibliyeeda Ghaydit

²⁵ ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 4:25 Referans Kwoze

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

YEREMIYA 27:5

“Aniini gil dea aabwachi ng'eanyiida ea buuneeda, ea diyeanga mida badayda ng'eanyiida aba uurdeanyu ea aba geatindeanyu doabiiwaat ak inyeesa ghaadawji siida bwariiy gurooroodeanyu.

NYIIGHEEGA 83:18

Nung' ghwanal saawa gideaba ang'iing'eeda was gheawungaagu NG'UTAMIIDA nea gibwaageaw, ang'iing'i guwoosi dea Haw mida Humng'eeda aba badayda ng'eanyiisean.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

NYIIGHEEGA 106:20

Ak ghwayam giigheambiita ASEETA aba giduurji deeda aga nyeega.

NYIIGHEEGA 75:7

Nea ASEETA niny ea dea laja girgweaguutka, iissa ghwahiing'u siyagi nea goodiing'u niirja.

NYIIGHEEGA 103:19

NG'UTAMIIDA niyiin hoorgeadaanyi ghaambiidaat humng'eeda, nea sugoocheanduumeadaanyi goombal haleanjeeda sean.

DANIELI 2:37

Asi, ang'iing'i Ea ng'utamiida, sugoocheanda sugoodiga, was ASEETA humng'eeda goona gheambalmeeda, ea uurda ea hawunda, ea giigheambiita,

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

DANIELI 4:2

Ooleeysiina iit ng'asheega miyaasiin deamdeameadi ea gwadeagwajeega ahiimnaan ASEETA Haw bea Humng'eeda.

DANIELI 4:16

gagasa ghwayamwa fughareadaanyi bea gealaan ak geataw niny fughareeda diyeayda; ea ghang'ata gweanyeew ispwa.