DANIELI 4:11 - Bibliyeeda Ghaydit

¹¹ Ak gwaheedu geeta ea gamajeegiit, ea ghwahita uhuudaanyi humng'eeda, ak geamu eadaa aba muunda ng'eanyiisean.

DANIELI 4:11 Referans Kwoze

GIIPKEATA DIIGHEANDA 9:1

“Aleaydiit ea Israeli, gigasayi aghaawana eenda Yordani askweareani, una ak giimbali eemoojiga saang'a mideawa uurjeenga ea gaburdeaweey, mujiinajeega hees sideas ghamarda nyaawa ea ghwahita humng'eeda.

Mattayo 11:23

Eara ang'iing'i Gapernaumu, gajeetiing'neey ea gula humng'eeda? Gajeahiing'neeyi ea una jeeda maloonghajeega. Aba gideaba inyeeda ghayi ng'asheega deamdeameadi sisin aba ng'eang'deang'wa geesissa mujiineeda Sodoma, gwachi mujiineedida gajea gudugwanda ea gagul ghamneawa.

GIING'EETA 11:4

Ng'ata gwayeesha geat, “Eesisiina geat mujiini, ea gidingeanda hita humng'eeda, ak abeeda geedeegu gheawungaasa, ak ea meedarsiini muunda ng'eanyiisean.”

ESEKIELI 31:5

Hean gageawiit muuchi ea ghwasuut geediga sean bea dareabeeta, nea damealgaaschi gwaheetu nea ghwasaang'ayiit, aba seang'ayda beega aba hawungaaschi.

ESEKIELI 31:12

Ea rabasta, ea fuga eemoojiga bea gharbeeda gwajaksa ng'eanyi ak ghwanung'wa heeda, aba iheenga giijeega ea jeeda moangoachihajeega sean damealgaaschi niibeada. Nea damealgaaschi ea nigiishachi aba murdeeda maparoojiga sean bea ng'eanyiida, nea buuneesean bea ng'eanyiida ea nirarang'aan, nea gwaleabu jeeda jirooneadaanyi ak ghwanung'wa heeda.