DANIELI 3:26 - Bibliyeeda Ghaydit

²⁶ Hean gawa Nebukadinesa ea gwaneekiisa ghuuta duwayda yeat muuchi ak gwayeesha, “Shadraki ea Meshaki ea Abedinego was fuga gadiyeeda ASEETA Haw bea humng'eeda, abeeni, ak ghoapkaanyi hiji!” Hean gwarina jeeda beasta Shadraki ea Meshaki ea Abedinego.

DANIELI 3:26 Referans Kwoze

DANIELI 3:17

Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

DANIELI 4:2

Ooleeysiina iit ng'asheega miyaasiin deamdeameadi ea gwadeagwajeega ahiimnaan ASEETA Haw bea Humng'eeda.

Giidaheechta 19:5

Hean gwarina ghuuta nyaasha jeedeaba hoorgeedida bea gheambalmeedean nea gwayi, “Eeduumsheesiina ASEETEANYA, agoogeeni sean oowooschi soomjoagaaschiin, agoogeeni oowali gheang'daanyiin, was gea manang'i ea gea hees.”

Galattiya 1:10

Neada ghoaghanyi gili eagasayi dashiit buuneeda, ghana ASEETA? Ghana eagasayi deahoosan buuneeda? Asi iidu deahoosani buuneeda, ea maydoaw soomjeanda Gristo.

Gadiyeeda Giijasoodiga 16:17

Hean ghwaat hudida geeshta Bawlo ea geeshteanya nea goojuur nea gwayeena, “Fiisu soomjooga ASEETA haw gil, ak ghapka gwarukuneegwa naweeda lealeanooda.”

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

ISAYA 52:12

Aba gideaba majarita nea ghoalamwajaadi, nea majaweayeena nea goosaldi, aba gideaba gaygoosheedeawaneegwa NG'UTAMIIDA, nea gwaduubu geeshteang'wa ASEETA Israeli gafureegwa.

YOSHUWA 4:10

Abeeda ashoohoodiga sar sandakwajeanda ghamiinaada aba bugusta Yordani, bwak ea goosha ng'asheega sean rukusa NG'UTAMIIDA Yoshuwa, jea gwarukusa buuneeda, gawuurji gidaghayi rukusiinda Musa Yoshuwa. Hean ghoaghaaw buuneeda nea ghwalamwajaada

YOSHUWA 3:17

Hean gwasik fuga Israeli sean ng'eanyiida ghajaam, nea ashoohoodiga sar sandakwajeanda neajeeda bea NG'UTAMIIDA ghamiinaada aba heeda ghajaam aba bugusta Yordani, ea gwayi bwak ea ghang'ata eemeesean aba Yordani.

Gadiyeeda Giijasoodiga 16:37

Ghwalamda Bawlo ak gwayeesha, “Aseasa geebwareasa aba madeeda buuneeda, nea meergweakseasa, ak gabiissa aseasa eawoosa fuga ng'eanyiida Rumi, hit geejakseasa ghealooniga; ak ghamneawa geegasa eesikseasa aba makcheameeda? Manda! Nung'waada ghapka saawa gwasikseasa.”

DANIELI 6:20

Damanda neekiisiina shoomanda mida jeeda Danieli, hean goojuur muuchi ak gwayeesha Danieli, “Ea Danieli, siida gadiyeeda bea ASEETA mideawa eaweega, ASEATAANG'U ibadayi ghoamu gwalealnaneey heedeaba ng'anyeeksu?”

ISAYA 28:16

asi gwayi NG'UTAMIIDA was ASEETA, “Ng'ula, gaydayiin lagheaneeda Sayuni jea ghoah sindeeta, lagheaneeda jea eegala, lagheaneeda washiin bea sheayeeda haw, lagheaneeda majeek bea sindeeta: ‘Nea siida mwas mayghang'ut muuwda’.

ESRA 5:11

Ak geasha nea geeyeeshiineasa: ‘Aseasa geewooschi fuga gadiyeeda ASEETA humng'eeda ea ng'eanyiida, ak geadeaschi gheeda ghayi sideas garayi ning'ata gweanyeeka saang'a ghayi deas sugoocheanda haw bea Israeli ak ghoahiit.

GIING'EETA 14:18

Ng'ata gweadu Melkisedeki was sugoocheanda Salemu mukaate ea difaayi; abeeda niny ashoohoocheanda ASEETA Hawi.

Gadiyeeda Giijasoodiga 27:23

Aba gideaba ghoosa eawa gwahisseani malaykajeanda ASEETA eabeayi nea geabaday, ghwahidu ak gwayi,

GIIPKEATA DIIGHEANDA 4:20

Ak ea niyeaneegwa NG'UTAMIIDA, ak gooruuneegwa jeeda duwayda gharinyeanda, aba ng'eanyiida Misri, ak ghoah fugaaschi ambal, ea ghoah ghamneawa.

1 SUGOODIGA 8:51

(aba gideaba suh fugaagu gil, ea fuga jea gwahearanyi, ghayi iiruuni ng'eanyiida Misri, jeeda duwayda gharinyeanda).

YEREMIYA 11:4

ghayi earukusi ghweanigeagwa damanda ghayi earuuni ng'eanyiida Misri, jeeda beasta gharinyeanda, nea geayeeshi, Ooleeysiiniit ng'asheegeasu, nea goosinyi gichea darukuneegwa. Ak abeeda gajahuuwa fugeasu, ak aniini ghaahuuyi ASEETEANG'WA,

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

NYIIGHEEGA 66:12

Ang'iing'i ginung' ghwadataseasa buuneeda; ak geesikchi jeeda beasta ea jeeda beega; ak ghamneawa ea niyeaneasa heeda sibeayi seayu.

DANIELI 6:21

Ghwalamda Danieli ak gwayeesha sugoocheanda, “Ea sugoocheanda, gagasa nyasa eaweega manda muudeanooda!