DANIELI 3:25 - Bibliyeeda Ghaydit

²⁵ Gwayeesha niny, “Aniini ghaadaayi fih ang'wan nea mii radeadi, nea gwaneay aba bugusta beasta, nea mii ghwaak beasta; nea iising'ula siidida bea ang'waniin gawuurji orjeeda aseecheeka.”

DANIELI 3:25 Referans Kwoze

ISAYA 43:2

Inyas giighaawi beega gulda aniini ea ang'iing'i gajeendeayeean, ama inyas giighaawi eeniga ea mayghwaanyi, nea eara iiwi jeeda beasta ea maymurjana, nea eara ng'ushapta beasta ea mayghwaaknyi.

Gadiyeeda Giijasoodiga 28:5

Hean gwalalaksa diyeayda jeeda beasta, ak ea mii gwasima gil ichibooda.

Marko 16:18

Nea eara ghoang'waay ichipkeega ghana eara eabiiw siida gichea ghabwar, ea manda gili jea gwahissa. Nea inyeessa Gayghoang'waay iheenga fuga miyeani ak gaheaba”.

AYUBU 1:6

Ghayi eaweecha gaweay orjooga ASEETA ghabwatgeat aba madeeda NG'UTAMIIDA, ak eara Shataani gawa bugusta nyaawa.

DANIELI 3:28

Ghwalamda Nebukadinesa ak gwayeesha, “Gagasa eebadiischeesa ASEETA Shadraki, ea Meshaki, ea Abedinego, ajeagu malaykajeandaanyi ghaweat fugaaschi bea gadiyeeda, was gea ghus niny, ak gafool ng'asheanda rugu sugoocheanda, ak ghoaghaashta sasanuuka nyaawa measaamwa gideaba gayghoaghu ak ghabwat aseeta wassean geaghus ASEETA nyaawa.

NYIIGHEEGA 34:7

Malaykajeanda NG'UTAMIIDA iissa goobiida heedeaba fugiga awali gheang'daanyiin ak gwalealu saawa.

1 Betro 3:13

Ak ghamneawa gaygwasawaneegwa ng'eaha iyoomilmiliidayi aba sinooda ng'asheega doobiiweadi?

DANIELI 3:18

Ama masnu, abeeda ginali ang'iing'i Ea sugoocheanda, gideaba majeabwada aseecheeka ghana eabwada sanaamoodida sisna dahaabu imiindiin.”

AYUBU 38:7

Damanda sarmana miinga sean bea sakteayda, nea goojuur orjooga sean bea ASEETA aba hooseaneega.

Ruumi 1:4

Orjeeda ASEETA siihiimu gideaba gwandeawa uurda aba Guroorooda ea ghaydidanda aba duunoadaanyi aba jeeda miyeeda, Yesu Gristoyda was Ng'utamiideanya,

Lukka 1:35

Gwayeesha Malaykajeanda, “Gaygwashuubeeseey Guroorooda Ghaydit, nea uurda ASEETA haw gaygookwealseey jirooneeda; aba sareani baleanda jea eeji gajeeguura siida ghaydit, Orjeeda ASEETA.

GHWASIILDEANGA 30:4

Nidiyeada ng'eaha humng'eeda ak ghwararang'aan ghwahidu ng'eanyi? Niing'waay ng'eaha jeameeda aba geatindaanyi? Nirassa ng'eaha beega jeeda hang'daanyi? Gwasin ng'eaha muudeanooda ng'eanyiida? Gheawungaaschi ng'eaha? Gheawunga orjeedaanyi ng'eaha, heapi ginali?

YEREMIYA 1:8

Asi adiidu gibeali, aba gideaba geendeayi nea gaydaweanyi, gwarugu NG'UTAMIIDA.”

YEREMIYA 1:19

Ak gaygang'ucheeweeyi; nea ea mayghoamu ghwajoarnyi, aba gideaba geendeayi sea ang'iing'i nea gaydaweanyi, ng'asheanji gearugu aniini NG'UTAMIIDA.”

YEREMIYA 15:21

“Gaydaweanyi aba geatinga fuga gwaneadi; ak gealealnaneey geatinga fuga munyas.”

DANIELI 3:24

Iidu ghahamng'eanyi sugoocheanda was Nebukadinesa ak ghang'eat nea ghwalamwach. Ak gwayeesha fugaaschi hees bea girgweageeda, “Neada ea miyeehisana fih samwagu jeeda beasta?” Ghwasha ghuuta sugoocheanda nea gwayeesha, “Huumwa gil, Ea sugoocheanda.”

DANIELI 6:23

Ak gahoosan sugoocheanda, ak gwayeesha ooruuni Danieli aba jeeda shoomanda. Ng'ata geeruuna Danieli jeeda shoomanda, ak ea meadaaha heeda nisawana aba saseadaanyi, aba gideaba ghaghus ASEETA.

AYUBU 5:19

Niny gayghaweadaneey sawanaduut lah, ak deaba ispwa ea manda gidamuy jea ghwasanyi.