DANIELI 3:17 - Bibliyeeda Ghaydit

¹⁷ Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

DANIELI 3:17 Referans Kwoze

Ruumi 8:31

Asi gajeeyeenaan aba badaydeaba ng'asheesu? ASEETA iimida meatkweedeanya, abeeda gwanda ng'eaha uhuudeanya?

Lukka 1:37

Aba gideaba manda ng'asheanda jea ghwaraay ASEETA.”

Ebraniya 7:25

Nea giduurji sean ghoamu aba damanyoojiga sean gwalealu fugiga neekiissa ASEETA aba ninyiin, nea niny gwanda galeagasean nea gooduupchi saawa.

YEREMIYA 1:8

Asi adiidu gibeali, aba gideaba geendeayi nea gaydaweanyi, gwarugu NG'UTAMIIDA.”

Gadiyeeda Giijasoodiga 21:13

Ghwalamda Bawlo ak gwayeesha, “Agooga goosinyi naaha, shooka nea googasayi ang'udanaan gurooroodeanyu muuwda? Aba gideaba meakghusa gideaba geeratean, geawooschi hidaat eara eenuusan aba Yerusalemu aba gheawunga Ng'utamiida was Yesu Gristo.”

AYUBU 5:19

Niny gayghaweadaneey sawanaduut lah, ak deaba ispwa ea manda gidamuy jea ghwasanyi.

ISAYA 12:2

“Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.”

NYIIGHEEGA 115:3

ASEETEANYA gwanda humng'eeda; iissa gwasin gida wasean gasa.

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

1 SAMWELI 17:46

Askweareani gayghwayiinyi NG'UTAMIIDA geatindeanyu, ak gaydanung' abisiina ng'eanyi, ak ghaalaji gheataang'u; ak gaydaadaw muscheeka lugooda Filisti madoonyaka ea diyeanga jarooda ghwaak; ak abeeda ghwanal buuneesean bea muunda ng'eanyiida gideaba gwanda ASEETA jeeda Israeli,

1 SAMWELI 17:37

Ak gwayeesha Dawdi, “Ng'utamiida ghayi aghuuhanaan budilga ng'adiida ea budilga idamooda, gayghoaghuuhanaan geatindeaba siisi bea Filistiin.” Hean gwayeesha Sawli Dawdi, “Una ak gagasa ghoahaaghwaneey NG'UTAMIIDA!”

GIING'EETA 18:14

Neada gwanda ng'asheanda hang'waay aba heeda NG'UTAMIIDA? Iihita damandida gaydabiigu headaang'u gweanyiin doomeelda, abeeda Sara gajea ninyas baleanda.”

ISAYA 54:14

Ak gaymajeegiida aba doobiiwnata; nea gajeasheagi ghabasta aba headaang'u, aba gideaba maybeala, giyoonda gajea sheagi ak ea maygwaneekiiseey.

AYUBU 34:29

ASEETA iisiinda ghoamu ng'eaha gwanyareeksa? Ama fuy gheamamdaanyi, ghoamu ghwadaah ng'eaha niny, ii was eamwa ghana ghoah siida?–

NYIIGHEEGA 73:20

Ea NG'UTAMIIDA, gawuurji giirgweatka rooda damandeaba sakteayda, gawuurji giirgweatka damanda ng'eada siida sakteayda.

GIING'EETA 17:1

Iimuchu nea gaba Abramu gweanyeew seedam ea damashageash ghwahidu NG'UTAMIIDA heeda Abramu, ak gwayeesha, “Aniini geewooschi ASEETA Hoauur; una asheedeawanean nea meeyeateeweey ghuut.

2 Goriinto 1:10

niny ghoaghuuhaneasa jeeda washta haw bea miyeeda, ak gaygabiikta ghoaghuuheasa; nea aseasa ea sirarji niny gideaba gaygabiikta ghoaghuuheasa.

NYIIGHEEGA 37:40

Nea NG'UTAMIIDA iissa ghaweat saawa nea gwalealu; gwalealna heeda fuga munyas, ak ghoaghu saawa, aba gideaba saawa gamng'awsa headaanyi.

YEREMIYA 15:20

Nea aba madeedeaba fiisu gaydanung' huwa hilgweanda geaw bea gharinga; hean gaygang'ucheeweeyi, ak ea mayghwajoarnyi aba gideaba geendeayi sea ang'iing'i, gaydalealneey ak ghaaweacheeyi, ng'asheanji gearugu NG'UTAMIIDA.

YEREMIYA 15:21

“Gaydaweanyi aba geatinga fuga gwaneadi; ak gealealnaneey geatinga fuga munyas.”

DANIELI 3:26

Hean gawa Nebukadinesa ea gwaneekiisa ghuuta duwayda yeat muuchi ak gwayeesha, “Shadraki ea Meshaki ea Abedinego was fuga gadiyeeda ASEETA Haw bea humng'eeda, abeeni, ak ghoapkaanyi hiji!” Hean gwarina jeeda beasta Shadraki ea Meshaki ea Abedinego.

DANIELI 6:16

Ng'ata gwarukuta sugoocheanda gideaba, ayeani, ak geeyeadu Danieli ak geejaksa jeeda shoomanda mida ng'anyeeka. Ak gwayeesha sugoocheanda Danieli, “Gagasa gwalealneey ASEETA ibadayi.”

DANIELI 6:23

Ak gahoosan sugoocheanda, ak gwayeesha ooruuni Danieli aba jeeda shoomanda. Ng'ata geeruuna Danieli jeeda shoomanda, ak ea meadaaha heeda nisawana aba saseadaanyi, aba gideaba ghaghus ASEETA.

MIKA 7:7

Ak aniini, gaydang'ula NG'UTAMIIDA, nea ghaamuughu ASEETA lealeanoodeanyu; ASEETEANYU gaygooleeysean iit.

NYIIGHEEGA 37:39

Lealeanooda fuga doobiiweadi gwanda heeda NG'UTAMIIDA; niny igeambooda nyaawa gil damanda sawanadeeda.