DANIELI 2:9 - Bibliyeeda Ghaydit

⁹ ea gideaba iimeanung' danal giirgweatka, gaygaba siisi nyas ghoorjooda. Aba gideaba ghoamwaschi napooda ng'uyeega ea ng'asheega munyas aba madeedeanyu ea dayam fughareedeanyu. Asi arukunean giirgweatka, ak abeeda ghaanali gideaba gajarukunean gidanyah.”

DANIELI 2:9 Referans Kwoze

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

ISAYA 41:23

Arukuneasa gichea gapnu, ak gajeamwasa gideaba agooga goowooschi aseecheeka, asi asina gea miyaasiin ghana gea munyas abeeda gayghang'udeasa muuwda nea geehirbabanyi.

ESTA 4:11

“Fuga gadiyeeda sean bea sugoocheanda ea fuga mida darooraka sugoocheanda ghwanal gideaba gilinyoo ea ng'eedeeda gil ghana ea gatmooda inyas ghwala jeeda seamooda gheeda sugoocheanda nea miyeeguursa, abeeda gwanda deaweedeanagi; nea gideaba gajeenuus gil, geaghus diita jea ghamiin gheang'da sugoocheanda aba bileangida meeng'meeng'iin abeeda gaygoobiida. Ak aniini ea miyeeguurnean dawa gheeda sugoocheanda ghamneawa nih eaweedeaba diktam ea damanamughuush gil.”

DANIELI 5:28

DARDEAYDA, sugoocheanduumeadaang'u nidarda ak geataw fuga Medi ea fuga Ajemi.”

DANIELI 3:15

Asi ghamneawa iyoayiinyi ghuuta durumbeati, ea furiimbu, ea igeambooda, ea bayiiga, ea gidoondooriida, ea bundiida, ea gilinyoo eesarmaniida, abeeda gootkunyi ak ghoabwachi sanaamoodida sisna dahaabu ghayi easinyiin, abeeda ghwahit; ama moabwadi, abeeda gajeehisaneegwa jeeda duwayda yeat ng'waan; ak gajea ana aseet gil jea gageandeawaneegwa jeeda geatindeanyu?”

ESEKIELI 13:6

Gidanyaawa siihiimsa ng'uyeega gil muuchi, nea eara ng'asheega siramoorani ea ng'uyeega gil muuchi. Ak saawa gwayeena ‘gwayi NG'UTAMIIDA,’ nea NG'UTAMIIDA ea mii goojeakta saawa, ak saawa ghwanung' ghwarar buuneeda gideaba ng'asheanda gaygwasa.

ISAYA 44:25

Inyeessa ghaadataschi gwadeagooda fuga ng'uyeega, nea ghaanung' gwadasheahiidi fuga was meanga; nea ghaaheawi ng'asheega fuga mideawa weaghuumeeda, nea ghaayamji fughareenga nyaawa ghoah leendeeda;

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahiida ng'asheanda ASEETA; gagasa eewuurjeewana fuga mideawa doobiiwnata, was fuga adaw ASEETA gadiyeeda, aba madeeda ASEETA iissa geebalooli aba badayda Gristo.

DANIELI 5:31

Ak ghoang'waay sugoocheanduumeeda Dariyoheeda ng'eanyiida Midiyani nea gaba gweanyeew laadam ea iyeenya.

ESEKIELI 13:19

Nea agooga ea noang'udanaan ririnnyeanda aba bugusta fugeasu. Aba baneagagi bea nganooyda siguura shayiiri ea banajanga mukaate, aba gideaba ghoadeal gurooruunatka fuga mamiisiina miyeeda ak ghaghamwat goobiida gurooruunatka fuga mamiisiina giibinda ng'eanyiida aba gideaba gwareengani fugeasu aleeysiit ng'asheega ng'uyeega.

ESEKIELI 13:17

“Ak ang'iing'i orjeeda siida, yamsiina geaw fugaagu, gea ramoorani ng'asheega beachi fughareenga nyaawa nea gabwageat. Ak giramoorsi saawa.

GHWASIILDEANGA 12:19

Huumeanda gaygoobiida damanda manda muudeanooda, nea ng'uyeega gaba gheadi nuwaas.

1 SUGOODIGA 22:22

Ak gwayeesha NG'UTAMIIDA niny, ‘Gaysindaan?’ Ak gwayeesha, ‘Gaydawa, ak ghaahuuyi guroorooda ng'uyeega aba ghuusiga sibangaaschi sean.’ Hean gwayeesha, ‘Gayreengana niny, ak gaynyagaada; una ak gisindunu.’

1 SUGOODIGA 22:6

Ng'ata ghabwada geat sugoocheanda fuga Israeli aba hijagi sibanga, was fih bughalaji ang'wan, ak gwayeesha, “Gaydawa dang'uchi Ramot-gileyadi ghana jea danung'waada?” Hean gwayeesha sibanga, “Ng'eada una; aba gideaba NG'UTAMIIDA gayghwayiin geatinga sugoocheanda.”

DANIELI 2:8

Ng'ata ghwasha sugoocheanda nea gwayeesha, “Ghaanali gideaba googischi jeeda damanda, aba gideaba ghoadaayi ng'asheanda leabu heedeanyu huumwa

DANIELI 2:16

Ng'ata gawa Danieli gah ak gamus sugoocheanda damanda jea gwanyeascheewa, ak gwarukusa sugoocheanda gidarugu giirgweatka.