DANIELI 2:28 - Bibliyeeda Ghaydit

²⁸ ak gwanda ASEETA mida humng'eeda ahiimu ng'asheega funyeadi, ak ea ninung' ghwanal sugoocheanda siguura Nebukadinesa gida jea ghwahidu galanya. Giirgweatkaagu ea ng'asheega siitaheachneey aba jeeda uhuudaang'u damanda iwiili geaw aba bulaliida suh:

DANIELI 2:28 Referans Kwoze

GIING'EETA 40:8

Ghwalamda saawa ak gwayeesha, “Aseasa geergweadayi, ak ea manda siida jea gwaroobu gidawas.” Gwayeesha Yosefu saawa, “Neada roopunooda giirgweatka ea maleapuuna heeda ASEETA? Geamuscheegwa arukunean giirgweatkeagwa.”

AMOSI 4:13

Aba gideaba NG'UTAMIIDA deaghayi sin giijeega gil, ak gwasin jeameeda, ak gwarukusa siida gida ateemsheata; ak ghwanung' gamisaniit ng'eanyiida sakteayda, ak ghwala badayda ng'eanyiida heeda geawiit– NG'UTAMIIDA, was ASEETA bea lugooda gheawungaaschi.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 2:22

niny iissa ghoahiimu haleanjeeda hang'oonyi funyaat; ak ghwanal gidamida jeeda misaneeda, ak gwanda headaanyi weeshinda.

GIING'EETA 49:1

Ng'ata gaguursa Yakobo orjoagaaschi, ak gwayeesha, “Asi aghadoawana geat, ak gearukuneegwa gichea gabusseegwa aba askwearjoojiga jea ghwahidu.

ISAYA 2:2

Nea eaweeda huuydean, giijeeda gheeda NG'UTAMIIDA gajeemajeek aba uhuuda giijeega, ak gajeetiing'da uhuuda heayeeniga; ak gaygwasalsa eemoojiga sean,

GIING'EETA 41:16

Gwayeesha Yosefu Farao, “Mii aniini; gayghoadaw ASEETA Farao gitoabiiw nyaah giirgweatka.”

2 Betro 3:3

Gidamadeeda geagasayi anala ng'asheanji bea gideaba damanda huuydean gay ghapka fuga bwariiy shikooda nea gay gwashikeegwa, nea ghwaat geeshta gidagasa sasanuuka nyaawa

Mattayo 6:9

Asi amwaashtunu ASEETA: Ghweandeanya mida humng'eeda, Gheawungaagu eakghaambiida.

HOSEYA 3:5

Iing'ata gaygwayamu geat diibiga Israeli gagaseada NG'UTAMIIDA was ASEETA nyaawa, ea Dawdi was sugoocheanda nyaawa; ng'ata gayghoang'eat gwasissa mureeda NG'UTAMIIDA ea miyindaanyi aba eawoojiga muudeanooda.

DANIELI 4:5

Aniini geargweadayi giirgweatka nung' dabeal; damanda ealeewi aba bulaliida ak ghwanung' giirgweatkeasu dabeal.

DANIELI 2:18

ak gwayeesha saawa agasa baydeayda ASEETA humng'eeda aba iiteaba ng'asheanji, ak abeeda ea meabwara Danieli sea bareandaanyi sea fuga bareahi iheeni bea ng'eanyiida Babeli.

NYIIGHEEGA 115:3

ASEETEANYA gwanda humng'eeda; iissa gwasin gida wasean gasa.

Ebraniya 1:1

ASEETA ghayi goobalool ghweanigaasa aba ghuusiga sibanga aba naweadinga saang'a ea damanyoojiga saang'a;

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

ESEKIELI 38:16

Ak gaydiyeada weesiina fugeasu was Israeli, ak gaywuurjeewana shamooghooda dukuta ng'eanyiida, nea muudeanooda eaweedida gaydeaneey ng'ucheewana ng'eanyiideanyu. Ak ghwanalan eemoojiga gideaba geajeakneey ang'iing'i Gogu nea ghoahiimu ghaydidandaang'u aba madeenyaawa.

YEREMIYA 30:24

Nyarasta ng'waan bea NG'UTAMIIDA maygabiikta bwadaw Bwak ea ghoahiit gidagasa gurooroadaanyi. Nea ng'asheesu gajanala jeeda askwearjoojiga jea ghwahidu.

GIIPKEATA DIIGHEANDA 31:19

Asi ng'oara duumi ak giinaali fuga Israeli, ak giyiini jeeda ghuusiga nyaawa, ak gayghoah duumi muushoocheanda aba heedeanyu aba badayda fuga Israeli.

GIIPKEATA DIIGHEANDA 4:30

Damanda oondi jeeda hang'weanidooda, ak ghwanyasnyi ng'asheesu seaniin eawoojiga muudeanooda, gaybiiksiina NG'UTAMIIDA was ASEATAANG'U ak gaysisiina mureeda ng'asheagaaschi,

2 Dimoteo 3:1

Ak ginali ng'asheanji gideaba eawoojiga huuydean gay gwanda washta.

ESEKIELI 38:8

Iing'ata eemoojiga saang'a gajeeguurneey ng'eesiina ng'eanyiida ghayi sinung' gaweay jeeda fuga saang'a bea eemoojiga saang'a ak ghamneawa goobiida jeeda nea meemuuwa aba ng'ucheeda. Ak gaybwara giijeega Israeli ghayi mwadi was dareapcheeda ea raghoonyeanda aba damanda geaw, ak ghamneawa aba hoowa fuga sean goobiida nea gaba seayu.

YEREMIYA 48:47

Ak aba askwearjoojiga jea ghwahidu gaydeamajeek Moabu gwarugu NG'UTAMIIDA.” Asi girgweageeda Moabu gabeachi hiji.

IITOODA 24:14

Asi ghamneawa, ng'ula, aniini geawi heeda buuneedeanyu; asaha, gaydagu iita ng'asheega jea gwasima fiisu fugaagu eaweeda huuydean.”

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

GIING'EETA 41:25

Hean gwayeesha Yosefu Farao, “Giirgweatka Farao gwarugu gilagi; goohiimsa ASEETA Farao gichea ghwahidu.

YEREMIYA 10:7

Heapi mayghoawalnyi ng'eaha, Ea sugoocheanda eemoojiga? Nih gidahaguuwnyi gil, Aba jeeda fuga sean bareahi iheeni bea eemoojiga ea aba heeda gheambalmoojiga nyaawa sean manda dea jea eegalaneey.

ESEKIELI 28:3

Ng'ula, gindeawi weaghuumeeda ng'al dea Danieli, manda ng'asheanda was makcheameeda jea ghafunyaneey buuneeda.

DANIELI 1:20

Nea aba giliwas weaghuumeeda ea nalooda gilinyoo gagasa sugoocheanda aba heanyaawa, ghwadaah ghang'alda saawa niba damanamughuush aba heeda beeneediga sean ea deareemng'ajeega mida jeeda ng'eanyiidaanyi sean.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 2:45

gawuurji gididaakti lagheaneeda geeloona giijeeda nea masina geatinda siida, ak gwanyarjeaweada lagheaneeda, ea lagheaneeda oomng'i, ea sheang'weeda, ea lapiya, ea lagheaneeda meeng'meeng'i. Ninung' ASEETA haw ghwanal sugoocheanda gida galanya jea ghwahidu. Giirgweatsu huumwa gil, ak eara gidarugu ea huumwa.”