DANIELI 2:21 - Bibliyeeda Ghaydit

²¹ Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

DANIELI 2:21 Referans Kwoze

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 7:25

Gaygwargu ng'asheega munyas aba badayda ASEETA Haw bea Humng'eeda, nea gwasawana fuga ghaydidi bea ASEETA Haw bea Humng'eeda, ak gayghwayam damanda ea deaweeda; ak gajeayiin geatindaanyi gilinuwaas, ea damanyooji iyeenya, ea gheadi mwahita damanda.

DANIELI 4:32

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' aga nyeega uurjeewana deeda; ak gayghang'ata gweanyeew ispwa aba headaang'u, ak gaynala gideaba ASEETA Haw bea humng'eeda goombal sugoodiga buuneeda ak iissa ghoadaw siida gasa sugoocheanduumeeda.”

AYUBU 12:18

Niny inyeesa gageandeawa sugoodiga gheambalmeeda nyaawa, ak gwarasa mananuunatka nyaawa ghealooniga fuga mida ghealooniga.

1 SUGOODIGA 4:29

Ghoadaw ASEETA Sulemani weaghuumeeda ea fughareeda haw manda gisigala, deena iseaskweanda ghuuta basooda.

Yakkobo 1:5

Asi siida wassean mida jeedeang'wa iisuunyeewa weaghuumeeda, ea damwaash ASEETA, adawi buuneesean haleanjeeda aba inyeanda jeeda, nea maygwareekusa ak gajeataw.

Lukka 21:15

aba gideaba gaydagooneegwa ng'asheega ea weaghuumeeda jea inyeesa eara weajoodigeagwa ghwaraay ng'alealeeda ghana gichea ghwashaang'da.

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

1 SUGOODIGA 3:28

Ak hean ghwayiiy fuga sean bea Israeli gidalachta sugoocheanda girgweageeda; ak gwasissa sugoocheanda mureeda, aba gideaba nijeeng'u gideaba gwanda weaghuumeeda ASEETA jeadaanyi, ak gwalaja girgweaguutka nea goodoobiiwi.

RITEAYDA 31:3

ak ea naanyiichi niny Guroorooda ASEETA, ak ghwanyas weaghuumeeda, ea giimuusta ea fughareeda ea gearinda haleanjeeda sean,

1 Goriinto 1:30

Niny gumdooda eaweegeagwa gil aba jeeda Gristo Yesu, ghayi nung' ASEETA ghoah weaghuumeedeanya, ea doobiiwnateanya ea giimiinnooda, ea lealeanooda;

DANIELI 2:9

ea gideaba iimeanung' danal giirgweatka, gaygaba siisi nyas ghoorjooda. Aba gideaba ghoamwaschi napooda ng'uyeega ea ng'asheega munyas aba madeedeanyu ea dayam fughareedeanyu. Asi arukunean giirgweatka, ak abeeda ghaanali gideaba gajarukunean gidanyah.”

1 DAMANYOOJIGA 22:12

Gagasa gagoonyi NG'UTAMIIDA weaghuumeeda ea fughareeda, ak giimbali Israeli ak giing'waanyi diigheanda NG'UTAMIIDA was ASEATAANG'U.

1 SUGOODIGA 10:24

Hean gagaseada eemeeda sean bea ng'eanyiida heeda mida Sulemani gooleeysiit weaghuumeadaanyi, ghayi adaw ASEETA ak hean ghwayiin jeeda fughareadaanyi.

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

DANIELI 11:6

Ng'ata gweanyeeka saang'a gwasin neajeeda, ak gaygawa huda sugoocheanda mida wiilooda ng'eanyiida biyeara heeda sugoocheanda mida wiilooda ng'eanyiida ghayeawa ak gwasin hoyyoo; ak ea maygwandeawa geatindaanyi uurda, nea niny ea jeacheangaaschi ea mayghoamu ghamilikghta; aba gideaba gajeatayda, sea fugaaschi bea gadiyeeda, ea jeaptaanyi, ea siida abiita gheanyi.

1 DAMANYOOJIGA 29:30

earapeadi niimbal ng'eanyiidean aba uurdaanyi, ea ng'asheega nyas niny, ea Israeli, ea sugoodiga sean bea muunda ng'eanyiida.

RITEAYDA 31:6

Ak ging'ulayi, naaloachi niny sea Oholiyabu, orjeeda Ahisamaki, bea eemeeda Dani, ak ghaadawji weaghuumeeda gurooruunatka fuga sean mideawa weaghuumeeda, ak ghoamu gwasin sean gea earukuneey:

ESTA 1:13

Ng'ata gwayeesha sugoocheanda fuga weaghoodi, ea fuga nal damanyoojiga aba gideaba giduurdooschi gil aba seareeda sugoocheanda aba fuga nal deaweeda ea girgweaksiinda,

Ruumi 13:1

Daba siisi sissa mureeda fuga ambaliischi. Aba gideaba manda sugoocheanduumeeda maleapna heeda ASEETA, ak eara giika midean earaga ghwayiin ASEETA.

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 2:20

Gwayi Danieli: “Gagasa eebadiischeesa gheawunga ASEETA damanda mamuudeana manda muudeanooda, was dea mideawa weaghuumeeda ea uurda.

DANIELI 2:23

Nea ang'iing'i, Ea ASEETA ghweanigeasu, geabadiischooweey nea geakghaambiicheey, aba gideaba nigoonyean weaghuumeeda ea uurda, ak ea ninung' danal gidasing'aleay, ak ea ninung' eanala ng'asheega ng'utamiida.”

DANIELI 10:1

Aba gweaydeaba samwagu bea sugoocheanduumeeda Dariyo was sugoocheanda Ajemi geehiimsa Danieli ng'asheanda, was siida ghayi siguura Belteshasa. Nea ng'asheanda gaba huumwa, ak ea jaliida hawi. Ak ghwanal ng'asheanda ak gwarugu gidawas giirgweatka.

DANIELI 4:14

Ak goojuur aba nyeashta haw nea gwayi, ‘Laja geeta ghoabeada ak gilajaadi damealgaaschi, abuukni seengaaschi ak gihisti haghweagaaschi; ak gihoani diyeanga ghang'amwa guumda nea ghang'amwa dariidaka damealgaaschi.

DANIELI 4:22

Siida ang'iing'i gil, Ea NG'UTAMIIDA, dea heedu ak ghwanyas uurda. Hawundaang'u niheedu ea ghwahita humng'eeda, ak gheambalmeadaang'u ea nihita muudeanooda ng'eanyiida.