Biblia Todo Logo
Bib sou entènèt

- Piblisite -




DANIELI 12:6 - Bibliyeeda Ghaydit

6 Ak geayeeshi siida akwa hang'weaka miyaas, nea ghamiinaada aba badayda beega ghealooda, “Gajeeyi bwak ea ghoah eeju mudeanoodeaba ng'asheesu deamdeameadiin?”

Gade chapit la Kopi




DANIELI 12:6
16 Referans Kwoze  

Ng'ata ghaayiinyi ghuuta malaykajeanda ghaydit nea gabalool; ak gwayeesha malaykajeanda nuut ghaydit dea balool, “Gaygooyang'daan damandeaba Giirgweatsu bea iita haleanjeeda sisabwa geadi bea ghadooweedean, ea gidida was riing'eeda eadu nyariidean, gajeeyi bwak ea ghoah eeju nung'weadayda heeda ghaydit ea lugooda humng'eeda ea gheeda sibata ASEETA siilaapta ng'eanyi?”


Ak ghapka fih lah leabu meatkweeda gidaghuuta mida heetiyeada bea meatkweeda wiilooda ng'eanyiida ghayeawa, nea gaba nih mideawa dabita ng'ucheeda aba geatindaanyi. Nea aba jeenyaawa gwanda siyagi akwa hang'weaka bumbuni miyaas, nea gwandeawa jupajeanda wiinooyda sing'ooriida. Hean geeweay jeeda gheeda sibata ASEETA, ak geamiinaada aba murdeeda heeda wagiida oomu.


Ak ghayiinyi ghuuta siida aba mareecheeka Ulai, ak gaguuru, “Gabrieli, nung' ghwanal siisi giirgweatka.”


Nea ghwaat geeshta lugooda humng'eeda, nea gookwa hang'weaka bumbuni, eashish nea miyaas, ak ghwaat geeshta faraasajeega eeshish.


ak gwarina jeeda gheeda sibata ASEETA malaykaji ispwa nea gwandeawa sawanaduut ispwa, nea gookwa hang'weaka miyaasiin meeng'meeng'i, nea daghanuunatka nyaawa ea sirat aba ghealooda meeng'meeng'i.


goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”


Hean geetaheachsa saawa gideaba magadiyeesiina badahuuka nyaawa, aba badahuuka haleanjeeda ghamneawa rukuneegwa fuga ghayi rukuneegwa giijasta miy aba naweeda Guroorooda Ghaydit siicheagu leabu humng'eedean, ng'asheesu ghayi gagaseadayi malaykajeega ghwadaah.


ak aba naweeda ganiisa abeeda weaghuumeeda ASEETA mwoamu eeteen abeeda ghwanal sugoodiga ea gheambalmeeda aba jeeda darooraka humng'eeda.


Ak ea meadaahi giirooranga ASEETA; ak ghamneawa ea mudugwanda sibaneeda, nea aba jeedeanya ea manda siida nal gichea gooyang'da damanda.


Iidu nea goopteada Yesu aba uhuuda Giijeeda Saytuunajeega, gaweesa giinealangaaschi aba heeda funyaat ak geanyasa hichpa geaw ak geanyaash gideaba, “Rukuni ng'asheesu gayghoah eeju? Amadu hinoadaang'u gwanda gwadeagooda jea eadaaha ghana dea muudeanooda damanda?”


“Eaniyean rukuneasa ng'asheesu gayghoah eeju? Ak gajeeroorda naaha aba hinnoodeaba ng'asheesu.”


Ak ghaang'weardi aniini Danieli, ak ging'ulayi, ghamiinaada fih iyeenya suuk, ak ghamiinaada akaleala aba mareeta ghealooda meatkweeni, ak ghamiinaada niirja aba mareeta ghealooda meatkweeda niirja.


Ak ghayiinyi, ak ea mwaanali gidawas. Ng'ata geayeeshi, “Ea ng'utamiideanyu, huuydeandeaba ng'asheesu gaygawuurjiin?”


Swiv nou:

Piblisite


Piblisite