DANIELI 12:4 - Bibliyeeda Ghaydit

⁴ Asi ang'iing'i, Danieli, rada ng'asheega, ak giyiini gitaabu giirooraneeda, ea ghwahita damanda muudeanooda. Gaygwasalda fuga saang'a nea gagal hiji ea hoowa nea gayghoahaada fughareenga.”

DANIELI 12:4 Referans Kwoze

DANIELI 12:9

Ak gwayi, “Una heechea una, Danieli, aba gideaba ng'asheega sirat ak ea siiroor ea ghwahita damanda huuydean.

Giidaheechta 22:10

Ak gwayeeshean, “Adiiroori ng'asheega siramoorani bea gitaaboaniin, aba gideaba damanda nineekiit.

DANIELI 8:26

Giirgweatka shing'aduutka ea gea sakteawuutka sirugu huumwa; asi nung' ghoah makcheameeda, aba gideaba gayghang'ata askwearjoojiga saang'a nea miighoah huumwa ng'asheesu.”

DANIELI 8:17

Ng'ata ghwaan ea gwaneekiisa heeda eamiinaadawi; hean nea ghwahidu, ghaabeali ak ghaabeadi ak ghaabwadi jih ng'eanyi. Ng'ata gwayeeshiinean, “Nala, Ea orjeeda siida, aba gideaba giirgweatka gaba damanda huuydean.”

Giidaheechta 10:4

Ng'ata nyeashteaba giighweendanyeekiga asispwaan, abeeda ea neagasayi dang'waar, hean ghaayiinyi ghuuta leabu humng'eeda nea gwayi, “Aroora ng'asheesu rugu giighweendanyeekiga asispwaan, ak ea ading'waari.”

DANIELI 12:13

Asi una heechea una ea ghwahita huuydeanda; ak gayfuufa, ak gaymiinaada aba headaang'u siloat ea ghwahita muudeanooda askwearjoojiga.”

ISAYA 32:3

Ak gheanyanga nyaawa ang'wearu ea maygwadukuta, nea geayiing'shi gaygwayiing'shi muuchi.

ISAYA 8:16

Rada muwuunooni, ak giyiini giirooraneeda mida bugusta giinealangeasuun.

Mattayo 24:14

Gicha gajeerukwiida Giijasta Miy bea sugoocheanduumeeda aba ng'eanyiisean ghoah muuwuunooda aba eemoojiga sean, ama ng'ata abeeda ghwahidu muudeanooda ng'eanyiida.

ISAYA 11:9

Mayghwanyas gidamuy ghana giishealda aba uhuuda giijeedeanyu ghaydit; aba gideaba gayghwanyiit ng'eanyiida fughareeda NG'UTAMIIDA gawuurji ng'eanyiida gayghwanyiit nalooda gidanyiita beega basooda.

DANIELI 11:40

“Hean hita damanda huuydean gayghang'eat sugoocheanda mida wiilooda ng'eanyiida biyeara ak gang'uchi sea niny; ak gayghafwaja badaydaanyi sugoocheanda mida wiilooda ng'eanyiida ghayeawa nea ghabeada shaarara, nea ghwaat mutukwajeega ea faraasajeega, ea maleambajeega saang'a; ak gaygawa jeesinga ng'eanyoojiga ea ghoanyiit guldeayda beega ea ghang'ata.

DANIELI 11:33

Nea fuga weaghoodi aba jeeda buuneeda gayghwanung' ghwanal fuga saang'a, earapeadi jea eabwara mwaatkwa ng'uta, nea geaghwarda, ak geerada nea geareat haleanjeeda.

Ruumi 10:18

Ak ghanayaashti gicha, neada saawa ea mii ghwayiiy? Huumwa gil niyiiy; “Ghuusiga nyaawa nighayda aba ng'eanyiisean, nea ng'asheega nyaawa ea nihita muudeanooda ng'eanyiida.”

DANIELI 10:1

Aba gweaydeaba samwagu bea sugoocheanduumeeda Dariyo was sugoocheanda Ajemi geehiimsa Danieli ng'asheanda, was siida ghayi siguura Belteshasa. Nea ng'asheanda gaba huumwa, ak ea jaliida hawi. Ak ghwanal ng'asheanda ak gwarugu gidawas giirgweatka.

ISAYA 30:26

Ak weeshinda sheeda gaygawuurji dea daknooda, nea daknooda ghoahaada niba ispwa, gawuurji daknoomba eawooji ispwa. Ak ng'asheesu gaygapnu eaweeda jea ghoahaabwa NG'UTAMIIDA deaneaduutka fugaaschi nea ghwarat.

Giidaheechta 5:1

Hean geadeaksi geatinda dugwa bea siidida apteada aba uhuuda hoorgeeda gheambalmeedean gitaabooda sing'waar jeeda ea badayda, nea siiroor aba giirooran ispwa;

ISAYA 29:11

Ak gilisiihiimu aba badaydeaba ng'asheesu seaniin gawuurji giijasta sing'oorsa jeeda gitaabooda sirat aba giirooraneeda. Ama iyeasi siida was sean nal giisoomanda ak giyeeshi, “Asoamwana gitaabwajeanji,” gaygwayi, “Maydaamu daasoamwa aba gideaba sirat aba giirooraneeda.”

YEREMIYA 5:1

Asalda nea gooweayi mwadi ea bwadaw aba jeeda naweadinga sean bea Yerusalemu, oang'wearda nea gooshageachi, Agasa aba jeeda bugharjeandaanyi ak ghoadayi ea jea adaaha siyagi sina doobiiwnata nea gagaseadayi huumeanda; ak abeeda gaydabwayda.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 10:21

Ak gaydarukuneey gidasung'oar aba jeeda gitaabooda huumeanda: manda eara siyagi eaweecheewi aba ng'ucheeda sea fiisu geaghus Mikaeli, was malaykajeandaang'u.

DANIELI 12:5

Ak ghaang'weardi aniini Danieli, ak ging'ulayi, ghamiinaada fih iyeenya suuk, ak ghamiinaada akaleala aba mareeta ghealooda meatkweeni, ak ghamiinaada niirja aba mareeta ghealooda meatkweeda niirja.

DANIELI 8:19

Ak gwayi, “Ng'ula, gaydanung' nala gichea ghwahidu aba huuydeanda was nyarasta; aba gideaba gaba badayda damanda huuydean jea ghwahidu.