DANIELI 11:5 - Bibliyeeda Ghaydit

⁵ “Iimuchu gayghwanyas uurda sugoocheanda mida wiilooda ng'eanyiida biyeara, gaygwandeawa uurda muuchi ea ghoadaraam niny nea gheambalmeadaanyi gajea gheambalmeeda hawi.

DANIELI 11:5 Referans Kwoze

DANIELI 11:25

Ng'ata gayghoawaam lugooda saang'a jea gang'uchi sea sugoocheanda mida wiilooda ng'eanyiida biyeara ak gang'uchi sea lugooda saang'a muuchi mideawa uurda; ak ea mayghamiinaada, aba gideaba geereengani nea geegasa eaghas niny ak ea mayghoaw.

DANIELI 11:14

“Aba damandida gayghang'eat fuga saang'a jea gang'uchi sugoocheanda mida wiilooda ng'eanyiida biyeara; sea fuga bwariiy jaliida bea ng'eanyiidaang'u gaygoodiing'u geat gideaba ghwanal giirgweatka; ak gayghwaraay.

DANIELI 11:11

Ng'ata gawa sugoocheanda mida wiilooda ng'eanyiida biyeara, ak gawa nea ninyareas, ak gayghoan gang'uchi sea sugoocheanda mida wiilooda ng'eanyiida ghayeawa; ak gayghoang'waay eemeeda saang'a, ak gajeayiin geatingaaschi.

DANIELI 11:40

“Hean hita damanda huuydean gayghang'eat sugoocheanda mida wiilooda ng'eanyiida biyeara ak gang'uchi sea niny; ak gayghafwaja badaydaanyi sugoocheanda mida wiilooda ng'eanyiida ghayeawa nea ghabeada shaarara, nea ghwaat mutukwajeega ea faraasajeega, ea maleambajeega saang'a; ak gaygawa jeesinga ng'eanyoojiga ea ghoanyiit guldeayda beega ea ghang'ata.

SAKARIYA 6:6

Gawa mutukwajeandida angiir faraasajeega duwasiin, nea gagal wiilooda ng'eanyiida ghayeawa, nea faraasajeega eashish gaweay nea gwarakta, nea giika murjeewiin gaweay nea gagal wiilooda ng'eanyiida biyeara.”