DANIELI 1:4 - Bibliyeeda Ghaydit

⁴ was gheareemanga manda sirjeeda, miyaasiin ea gea geariirji mideawa fughareenga sean, biissa ea bareahi iheeni, aneali geat ng'asheega, hit aba gadiyeeda gheeda sugoocheanda, ak ghoanaal saawa ng'oorshooda ea iita fuga Galdayo.

DANIELI 1:4 Referans Kwoze

DANIELI 5:11

Gwanda jeeda sugoocheanduumeadaang'u siida mideawa guroorooda ghaydit bea aseecheeka. Aba damanda was gweanu sugoocheanda, ghoahiimu siisi gideaba gwandeawa fughareeda weaghuumeeda, urji weaghuumeeda aseecheeka, ak ghwanung' sugoocheanda siguura Nebukadinesa was gweanu, ghoah sugoocheanda haweewa beeneediga, ea deareemng'ajeega, ea fuga Galdayo, ea fuga nal searoojiga miinga,

Gadiyeeda Giijasoodiga 7:22

Musa iidu geenaal weaghuumeeda sea fuga ng'eanyiida Misri, ak ghwanyas uurda aba baloaldaanyi ea sinaweagaaschi.

GHWASIILDEANGA 22:29

Heapi nidaahi siida geariir aba gadiyeadaanyi? Nih gayghamiinaada aba madeeda sugoodiga, mayghamiinaada aba madeeda fuga hees.

2 SAMWELI 14:25

Iidu ea manda eara siyagi sam Absalomu aba alooheeda jea eaghwar aba jeeda buuneesean bea Israeli; ghang'eada baneakta geeshtaanyi ea ghwahita uhuudaanyi manda gidamuy jea eerukuna badaydaanyi.

DANIELI 2:10

Ghwasha fuga Galdayo ak gwayeesha sugoocheanda, “Manda jeeda ng'eanyiida siida jea ghoamu gwasin gidagasa sugoocheanda; aba gideaba manda sugoocheanda haw mideawa uurda niinyaashta ng'asheanda uurji nih aba heeda beeneediga ghana Galdayo.

Gadiyeeda Giijasoodiga 7:20

Musa abeeda geeji damani ak ea baleanda miy aba madeeda ASEETA. Geereersa gheanyaawa sheeh samwagu;

DANIELI 5:7

Ak gooyeawda sugoocheanda nea goojuur nea gagasa ghwahidu deareemng'ajeega, fuga Galdayo ea fuga nal searoojiga miinga. Ak gwayeesha sugoocheanda fuga weaghoodi bea Babeli, “Siida jea ghoasoamwa ng'ooruutsu, ak gwarukunean gidanyah, gajeekwealsa hang'da oomu, nea geayiin gheata surumnyeanda dahaabu, ak gayghoah siideaba samwagu jea goombaliischi aba jeedeaba sugoocheanduumeeda.”

DANIELI 4:7

Hean ghapka beeneediga, ea deareemng'ajeega, ea fuga Galdayo, ea fuga nal searoojiga miinga; ak gearukusi giirgweatka, ak ghwaraay gwarukunean danal gidawas.

REEKUSIINDA 7:19

Weaghuumeeda uurda siida mideawa weaghuumeeda, ea ghang'al fih damanamughuush hees.

FUGA LAJA GIRGWEAGUUTKA 8:18

Ng'ata goobearsa Seba ea Salmuna, “Gwanda yeenu fuga oobarsi Dabori?” Hean gwayeesha saawa, “gawuurji giduwuurjeewi ang'iing'i, giliwas sih aba saawa; gawuurji orjooga sugoocheanda.”

Efeeso 5:27

Abeeda gwanyaksa geaw ganiiseeda ghaambiidaat, mandeawana munyinda, ghana ng'asheega munyas sean, ak ea ghaydit biissa ea meerukunana badayda munyinda.

DANIELI 3:8

Hean aba damandida gayghapka fuga mwaatkwa bea Galdayo ak ghwaak badahuuka fuga Yahudi.

DANIELI 2:2

Hean ghwanung' sugoocheanda eeguursa beeneediga ea deareemng'ajeega ea fuga Galdayo ang'urooni buuneeda gwarukusa sugoocheanda giirgweatkaaschi. Ng'ata ghapka ak ghamiinaada aba madeeda ng'utamiida.

ISAYA 36:11

Hean ghwalamda Eliyakimu orjeeda Hilkiya, ea Shebna ea Yowa, ak geeyeesha shirikarajeandida hawiin, “Eaniyean abaloola fugaagu bea gadiyeeda aba ghuuta fuga Ashuru, aba gideaba geanali, adibaloolaneasa ghuuta fuga Ebraniya, aba gideaba gwayiing'shi fuga mida uhuuda ghamarda.”

YEREMIYA 5:15

Geayeenyi aniini NG'UTAMIIDA, ea gheeh Israeli, ng'ula gaydeajeagu eemeanagi leabu heeda sheagi. Eemeeda hees uurjeen, nea eemeeni gaba garayi, eemeeda moayiinyi iita nyaawa, nea majoamuusa anala gidabaloola.

DANIELI 9:1

Iimuchu aba gweayda madeeda bea sugoocheanduumeeda Dariyo orjeeda Ahasuero, bea eemeeda Midiyani, ghoah sugoocheanda ambal fuga Galdayo–

SAKARIYA 2:4

Ak gwayeesha dea gwachi bea madeeda “Fwaja, ak giyeeshi orjeedida, ‘Yerusalemu gaygoobiida buuneeda gawuurji gharang'weaka manda ghamarda, aba seang'ayda buuneeda ea dugwa mida jeedida.

GIING'EETA 41:46

Abeeda Yosefu gaba gweanyeew diktam ea damanamughuush damanda huweewa siida gadiyeeda Farao was sugoocheanda Misri. Ak ghabeawa Yosefu madeeda Farao, ak gwaneayeewa jeeda ng'eanyiisean bea Misri.