1 SAMWELI 7:9 - Bibliyeeda Ghaydit

⁹ Ng'ata gageanu Samweli dayeenda reer bea gisilleanda ak ghoadayda ghoah haleanjeeda ghadooweeda sighwarda bea NG'UTAMIIDA; ak gooyeawusa Samweli NG'UTAMIIDA aba badayda fuga Israeli, ak ghamwas NG'UTAMIIDA gidamwaash.

1 SAMWELI 7:9 Referans Kwoze

YEREMIYA 15:1

Ng'ata gwayeeshiinean NG'UTAMIIDA “Ghamneawa eara ghamiinaada Musa ea Samweli aba madeedeanyu ak gamusiischeesa fiisu, aba huumwa gurooroodeanyu may gwayamsa geawi fiisu. Ang'aamwana madeedeanyu, ak ginung'waadi gaweay!

NYIIGHEEGA 99:6

Musa ea Haruni gaba jeeda ashoohoodigaaschi, eara Samweli gaba jeedeaba fugiga guuriisa gheawungaaschiin. Damanda guursiina NG'UTAMIIDA, ghwasha ghuusiga.

NYIIGHEEGA 50:15

guurnean eaweeda sawanadeeda; gaydalealneey, ak gajaghaambiidaan.”

1 SAMWELI 7:17

Ak iissa gabiikiida Rama, aba gideaba gwanda gheanyi hoowa, ak eara aba hoowa iissa ghoahaaghwiida fuga Israeli doobiiwnata. Ak gwadeeksa NG'UTAMIIDA heeda wagiida aba hoowa.

Yakkobo 5:16

Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.

1 SAMWELI 16:2

Ng'ata gwayeesha Samweli, “Gaydabeadaan? Aba gideaba iiyiiy Sawli gaygwanuusan.” Hean gwayeesha NG'UTAMIIDA, “Una nea girjaandi meayda was haghweanda, ak giyeeni, ‘Ghaawunyi danung' ghoah lukghumeeda aba heeda NG'UTAMIIDA.’

1 SAMWELI 10:8

Ak gajasheedeawean una Gilgali; ak ging'ulayi, gaydoan headaang'u daadayda haleanjeeda ghadooweeda sighwarda ea lukghumeeda hoyyoo sighadoawanda. Gajamuukghuni askwearjooji ispwa, ea doan headaang'u ak ghaahiimneey gichea sina.”

1 SAMWELI 9:12

Ghwasha nea gwayeesha, “Gwanda hiji; ng'ula, gwanda madeadaang'u. Lamwajaada; aba gideaba gudea hinoadaanyi gil gwaleabu mujiini, aba gideaba gaygwasin buuneeda lukghumeeda askweareani aba heetiyeada sibata ASEETA.

FUGA LAJA GIRGWEAGUUTKA 6:28

Iimuchu ghang'eat ng'eat sakteayda fuga mujiini, ak ging'ulayi, heeda wagiida bea Baali sinyarja, nea aseecheeka mida murdeadaanyi goola eenyarja, nea heedeaba iyeenya ea goola eenuuksa badayda heeda wagiida gudea eesh.

FUGA LAJA GIRGWEAGUUTKA 6:26

ak gideeksi NG'UTAMIIDA was ASEATAANG'U heeda wagiida, uhuudeaba lagheaneani, aba lagheanga sijip nea geatoabiiw; ama ng'ata gigeanu heeydeaba iyeenya, ak giidaydi ghoah lukghumajeega sighwarda aba ghweenga aseecheeka ilajaadiin.”

NG'ASHEEGA LAWI 22:27

“Iisiji heeyda ghana ea gisilleanda ghana ea mbooyda, gaygwandeawa ghaamwat eawooji ispwa; ama hita eaweeteaba sis abeeda gajeamwas ghoah haleanjeeda ghadooweeda sighwarda bea NG'UTAMIIDA.

GIIPKEATA DIIGHEANDA 9:26

Ghaamwaashchi NG'UTAMIIDA, ‘Ea NG'UTAMIIDA was ASEETA, adiidu gihuydi fugaagu ea hearaniischoadaang'u ghayi ilealu aba uurdaang'u, iiruuni ng'eanyiida Misri aba geatindaang'u hoauur.

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.

1 SAMWELI 12:17

Neada askweareani ea maba lajita ngaanohi? Gaydamwaash NG'UTAMIIDA, ak abeeda ghwanung' ghwahidu giighweandandeeda ea roopta; ak abeeda gajanala nea ghoadaayi gideaba munyindeang'wa aahaw muuchi, ghayi oosinyi aba madeeda NG'UTAMIIDA, aba gideaba googasayi sugoocheanda.”