1 SAMWELI 7:3 - Bibliyeeda Ghaydit

³ Ng'ata gwayeesha Samweli fuga sean bea Israeli, “Iyoobiigu heeda NG'UTAMIIDA aba gurooruunatkeagwa sean, abeeda ghoanung'wi heeda aseecheeka rabasta ea Ashtaroti mida jeedeang'wa, ak ghoatawji gurooruunatkeagwa NG'UTAMIIDA, ak googadiyeesi niny ak ghwahit, ak gaygwalealnaneegwa geatinga fuga Filisti.”

1 SAMWELI 7:3 Referans Kwoze

Lukka 4:8

Ghwasha Yesu nea gwayeesha, “Geang'waar gideaba, ‘Ghadoawana Ng'utamiida was ASEATAANG'U, nea gigadiyeesi niny ak ghwahit.’”

GIIPKEATA DIIGHEANDA 13:4

Gajayaada geeshta NG'UTAMIIDA was ASEETEANG'WA ak ghoawalji gheang'da, eang'waanya diigheanyeekaaschi nea gooleeysiit ng'asheagaaschi, ak ghoabwachi niny nea geawooschi doobiiweadi aba headaanyi.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

GIIPKEATA DIIGHEANDA 6:13

Sisiina Mureeda NG'UTAMIIDA was ASEATAANG'U, bwada gheawungaaschi nea gajaga habeawooda aba gheawungaaschi.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

YOSHUWA 24:14

“Asi biissa asisiina mureeda NG'UTAMIIDA, ak googadiyeesi niny aba huumeanda ea doobiiwnata; oang'aamwana heedeang'wa aseecheeka ghayi gadiyeesa ghweanigeagwa aba giigheawda eenda Furati, ea aba ng'eanyiida Misri, agadiyeesiina NG'UTAMIIDA.

YOSHUWA 24:23

Ak gwayeesha, “Asi oang'aamwana bugusteang'wa aseecheeka rabasta, ak goofuursi gurooruunatkeagwa heeda NG'UTAMIIDA, was ASEETA Israeli.”

Yohaana 4:24

ASEETA guroorooda gil nea fuga ghadoawan niny gammiisa ghaghadoawan aba guroorooda ea huumwa.”

GIIPKEATA DIIGHEANDA 10:20

Awala NG'UTAMIIDA was ASEATAANG'U; gaygadiyeesiina niny, nea adiheeleewi, nea gajaga habeawooda aba gheawungaaschi.

1 SUGOODIGA 8:48

inyas gaygwaduukuuna aba jeesinga nyaawa sean eara aba gurooruunatka nyaawa aba ng'eanyiida weajoodiga nyaawa, ghayi aat saawa ghoah soomjooga, inyas gamusnyi nea googeal iheenga ng'eanyiida ghayi iidawi ghweaniga nyaawa, mujiineeda ghayi iloadi, ea gheeda aadeaschi aba gheawungaagu;

Mattayo 6:24

“Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

Mattayo 15:8

‘Fiisu iissa gwasinnean mureeda aba ghuusiga, nea gurooruunatka nyaawa ea sheageeweani;

FUGA LAJA GIRGWEAGUUTKA 10:6

Gabiikta gicha fuga Israeli gwasin ramaseanda aba madeeda NG'UTAMIIDA, ak gagadiiyeesa Baali ea Ashtaroti ea aseecheeka Shaamu ea gea Sidoni, ea gea Moabu, ea gea fuga Amoni, ea gea Filisti, nea ghwanung'wa heeda NG'UTAMIIDA, nea ea mudu gagadiiyeesa niny.

1 DAMANYOOJIGA 22:19

Asi ghamneawa nung' gagal fughareadaang'u ea gurooroadaang'u gassooda NG'UTAMIIDA was ASEATAANG'U. Asi ng'eada ak gideasi heeda ghaydit bea NG'UTAMIIDA was ASEETA, ak abeeda sandakwajeanda neajeeda bea NG'UTAMIIDA ea dabita ghaydidi bea ASEETA gajeeyeadu jeeda gheeda sideas aba gheawunga NG'UTAMIIDA.”

GIING'EETA 35:2

Ng'ata gwayeesha Yakobo fugeaba gheanyi sea fuga sean mideawa, “Ooheelleewana geat aseecheeka eemoojiga mida jeedeang'wa, ak ghoamiidu geat, ak ghoayamnyi hang'weakeagwa;

ESEKIELI 18:31

Ahisana hoowa sheagiin giidiinyeanyeekeagwa sean ghayi oosinyi ak ghoanyaschi jeeda miy ea guroorooda miy, ghwasaan anda googasayi ameawa Ea fuga Israeli?

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

GHWASIILDEANGA 16:1

Siida inyeesa ghwadawdaaw ng'asheagaaschi, nea ng'asheanda huuydean gaba NG'UTAMIIDA.

2 DAMANYOOJIGA 19:3

Ak ghamneawa gwanda gea miyaasiin sideaksa headaang'u, aba gideaba ninyarjeawayi Asherajeega aba badayda ng'eanyiida, nea ea niidoabiiw gurooroadaang'u aba gasiischooda ASEETA.”

FUGA LAJA GIRGWEAGUUTKA 10:16

Ng'ata gageanda aseecheeka mayoamba mida bugusta nyaawa ak gagadiiyeesa NG'UTAMIIDA ak gagiisan gurooroadaanyi aba sawanaduutka fuga Israeli.

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

2 DAMANYOOJIGA 30:19

siisi nyooh ghamiinda gurooroadaanyi gagaseada ASEETA, NG'UTAMIIDA was ASEETA ghweaniga nyaawa, eara ea maba giighaydidanda heeda ghaydit.”

FUGA LAJA GIRGWEAGUUTKA 2:13

Hean ghwanung'wa heeda NG'UTAMIIDA, ak gaweay gagadiiyeesa Baali ea Ashtaroti.

1 SAMWELI 31:10

Ak geayiin dabitaanyi jeeda gheeda bata aseeta Ashtaroti; ak geeng'oorsa saseadaanyi ghamarda Bet-shani.

YOSHUWA 13:31

ea Gileyadeeda silach bugusta nibiyeenya, ea Ashtaroti, ea Edreyi, mujiinajeega sugoocheanduumeeda Ogu mida Bashani; suh gealoat aba fuga Makiri was orjeeda Manase aba gideaba fuga Makiri gealach bugusta nibiyeenya aba giteena fugeaba gheanyi.

1 SUGOODIGA 11:33

aba gideaba saawa gwajaktanean, ak ghabwat Ashtoreti aseeta was gatmooda bea eemeeda Sidoni, ea Gemoshi was aseeta eemeeda Moabu, ea Milkoni was aseeta eemeeda Amoni, nea mwaada naweadingeasu, ak gwasin ng'asheega doobiiweadi aba madeedeanyu, nea ghoang'waay doobiiwnacheekeasu ea deaweedajeegeasu, gawuurji gidasinda Dawdeeda was ghwaan.

YEREMIYA 24:7

Gaydanyaksa guroorooda jea ghwanal gideaba aniini geawooschi NG'UTAMIIDA, ak gayghoah fugeasu ak eara aniini gaydoaw ASEETA nyaawa, aba gideaba gaygwayamsean geat aba gurooruunatka nyaawa.

YEREMIYA 36:3

Gwadeepa fuga Yuda ghwayiiy ng'asheega munyas sean jea dasima saawa, ak gaba nih abuut naweadingaaschi munyas ak geasamsi giidiinyeanyeeka nyaawa ea riing'eega nyaawa.”

ESEKIELI 14:6

“Aba badaydeaba nih eeshiina fuga Israeli, gwayi NG'UTAMIIDA was ASEETA; Aduukuunana, ak ghoanung'waadi badita sanaamajeegeagwa. Anung'waada sinooda gichea ghoanyareasan.

GIIPKEATA DIIGHEANDA 4:29

Nea aba hoowa gajagaassa NG'UTAMIIDA was ASEETEANG'WA ak gajanyasa iyoogasayi aba gurooruunatkeagwa sean ea aba jeesingeagwa sean.

FUGA LAJA GIRGWEAGUUTKA 2:11

Hean gwasin fuga Israeli ng'asheega munyas aba madeeda NG'UTAMIIDA ak gagadiiyeesa Baali;

2 SUGOODIGA 17:39

Geaghus aghadoawana NG'UTAMIIDA was ASEETEANG'WA dea jea aghadoawana gil, ak gayghoaghuuheagwa aba geatinda weajoodigeagwa sean.”

2 SUGOODIGA 23:15

Ng'ata gwanyarja heeda wagiida mida Beteli, ea heeda sibadiini ghadooweeda ghayi deas Yeroboamu orjeeda Nebati, ghayi nung' gwasin fuga Israeli riing'eeda, hoowa bea wagiidean gwanyarjeaweada ea heeda sibadiini ghadooweeda. Ak ghang'at ea ghoah birjeanda, nea ghaghwarda Ashera.

2 DAMANYOOJIGA 20:33

Nea heetiyeada ea miyeenyarjeaweada, nea buuneeda gurooruunatka nyaawa ea miyeekeal heeda ASEETA ghweaniga nyaawa.

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.