1 SAMWELI 2:9 - Bibliyeeda Ghaydit

⁹ “Gayghoahaaghwa geeshanga fugaaschi doobiiweadi; nea fuga munyas gajeesachsa jeeda misaneeda; aba gideaba siida maygwajooriischeewa uurdaanyi.

1 SAMWELI 2:9 Referans Kwoze

NYIIGHEEGA 121:3

Ak ea mayghwanung'waada geeshtaang'u eenung' goosiipta, mayghang'utaghaat dea ahaaghwaneey.

1 Betro 1:5

ak aba uurda ASEETA geefureegwa aba naweeda masaweega aba lealeanooda hidaat jea eataajiit damanda huuydean.

SAKARIYA 4:6

Hean gwayeeshiinean “Nih ng'asheanda NG'UTAMIIDA gil aba heeda Serubabeli nea mii aba giimuusta gil nea mii aba uurda gil gwasin guroorooda gwarugu NG'UTAMIIDA bea lugweega.

NYIIGHEEGA 97:10

NG'UTAMIIDA ghabwariiy fuga sit munyinda; ak ghoahaaghwa eaweega fugaaschi ghaydidi; ak ghoaghu saawa aba geatinda siida muy.

NYIIGHEEGA 94:18

Damanda eayeeni, “Ghwadarasha geeshteanyu,” hean goong'ooysean humng'eeda bariinyeagaagu bea huumwa, Ea NG'UTAMIIDA.

NYIIGHEEGA 37:28

Aba gideaba NG'UTAMIIDA ghabwariiy doobiiwnata; mayghwanung'waada fugaaschi bwariiy. Saawa geefur damanda manda muudeanooda, nea jeacheenga fuga mii doobiiweadi gajeabwar.

AYUBU 5:24

Ak gaydaaha gheang'u nea gaba seayu, nea gaysikteawana haleanjeadaang'u ak gaydaaha gwanda sean.

GIIPKEATA DIIGHEANDA 33:3

Aba huumwa ghabwariiy fugaaschi; fugaaschi ghaydidi sean gwanda geatingaaschi; nea gweadu geashtaang'u ak gaygaba nih ang'waay ng'asheega leabu headaang'u,

GHWASIILDEANGA 16:9

Siida inyeesa ghwadaawdaaw ng'asheagaaschi, ak heechea ghoala sean gayghoadoabiiw NG'UTAMIIDA.

NYIIGHEEGA 121:8

NG'UTAMIIDA gayghoahaaghwaneey damanda iriteawi ea damanda iwuni gah ghang'eada damani ak gagal mwadi ea ghoah damanda manda muudeanooda.

2 Betro 2:17

Fiisu gawuurji gheanyanga eenda manda beega, ak gawuurji gicha dung'usta ghuuta jeameeda, ak giibinda nyaawa ea siyiin heeda misana muuchi.

Mattayo 8:12

amadu orjooga sugoocheanduumeeda gajeehisa jeeda misaneeda jarooda; heeda jea gwanda shooka ea giiwiirooda geeshatka.”

SEFANIYA 1:15

Eaweeda nyarasta gajea askwearjeandida, eaweeda hirbabanda ea sawanadeeda, eaweeda nyariida ea datasta, eaweeda misaneeda ea duwunda, eaweeda shamooghuutka ea misaneeda haw,

REEKUSIINDA 9:11

Ak geabiikti dadaah aba hing'eadayda aseeta mii fuga ng'weeni gil gea adareamshachi aba ng'weega, ghana fuga meanyi gea jooriischi aba ng'ucheeda, nea mii fuga weaghoodi gil gea nyasa hamita, nea mii fuga mideawa fughareeda gil gea jea gabaruur, ghana fuga geariirji was gea jea ghwanyas alooheeda; nea damanda ea gheamamda muy gayghwanyas sean.

GHWASIILDEANGA 3:26

Aba gideaba NG'UTAMIIDA raroadaang'u gil, ak gaygafur geashtaang'u ea meaghasa.

REEKUSIINDA 5:17

Askwearjoojigaaschi sean goobiita heeda misana, nea gagiisan muuchi, nea ghabwada geeyooda ea ng'weaniidooda.

GHWASIILDEANGA 2:8

Ak gafur naweadinga fuga sina ng'asheega doobiiweadi, nea ghaghamwat naweadinga fugaaschi ghaydidi.

NYIIGHEEGA 121:5

NG'UTAMIIDA haghweadoocheandaang'u; NG'UTAMIIDA niny jirooneadaang'u bea geatinda dugwa.

Yuuda 1:13

laweajajeega hees bea basooda, jakiisa humng'eeda furghooda aba baspaseega nyaawa; miinga neay nea heeda hiing'aada gwanda misaneeda haw siitiiw ea ghwahita damanda manda muudeanooda.

Yuuda 1:3

Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

Yuuda 1:1

Yuda, soomjeanda Yesu Gristo was orjeeda geenyea Yakobo. Heeda fuga siguursa, aabwariinyi aba jeeda ASEETA was Bwaabwa ak geetiiwsa Yesu Gristo:

Ruumi 3:19

Asi sinali gideaba ng'asheega sean rugu deaweeda gwarukuna badahuuka fuga mida jeeda deaweeda, ak abeeda gearat ghuusiga sean, ak gawa ng'eanyiisean jeeda girgweageeda ASEETA;

YEREMIYA 9:23

Ng'ata gwayi NG'UTAMIIDA: “Adiidu siida weaghoot ghaghwar geaw aba weaghuumeadaanyi, nea siida haw uur adiidu ghaghwar geaw aba uurdaanyi, ak eara meanang'ocheanda adiidu ghaghwar geaw aba meanang'oocheanduumeedanyi;

YEREMIYA 8:14

Ghwasaan anda gudeepiidana hiji? Eemughuusha geat, ak geeweayi jeeda mujiinajeega mideawa hilooga ak geeshealsi hoowa, aba gideaba NG'UTAMIIDA was ASEETEANYA nimwas miyeedeanya, nea ea nigooneasa beega mideawa furooda, aba gideaba sisissi NG'UTAMIIDA riing'eeda.

AYUBU 5:16

Asi siida bwarbwar gwandeawa rarooda, ak ng'asheega munyas gajeanung' goosha.

IITOODA 6:24

“Gagasa gagoonyi NG'UTAMIIDA ghawooda nea ghoahaaghwaneey;

NYIIGHEEGA 31:17

Ea NG'UTAMIIDA, adeapwaaspwaasan aba gideaba neaguurneey, abwaaspwaasa fuga miidoobiiweadi, ak ghwasiinda aba gheeda maloonghajeega.

ISAYA 27:3

Aniini, NG'UTAMIIDA gil, ak geawooschi furiischoocheandaanyi; nea ghaayiinyi beega damanyoojiga sean. Aba gideaba adaghwadatas sih, ak geafurji eawa ea askweari;

1 SAMWELI 25:26

Asi ghamneawa ng'utamiideanyu, aba gidabiideata NG'UTAMIIDA, ea gidabiideata gurooroadaang'u, aba gideaba niheawa NG'UTAMIIDA ahiida foojeanda ak ea adiwaldi mureandooda aba geatingaagu ang'iing'i, asi nung'waada weajoodigaagu ea fugiga gasa gwasin ng'asheega munyasiin aba heeda ng'utamiideanyu gawuurji sea Nabali.

AYUBU 18:18

Gajeehoana heeda weeshinda ea gawa jeeda misaneeda, ak gajeehoan gwariteawa jeeda ng'eanyiida.

AYUBU 40:13

Funya sean duwaawi aba jeeda sigeeda, dukuta gheamamuunatka nyaawa aba heeda funyaat.

NYIIGHEEGA 1:6

Aba gideaba NG'UTAMIIDA ghwanal naweeda fuga doobiiweadi, nea naweeda fuga mii doobiiweadi gayghwaroat.

NYIIGHEEGA 105:37

Ng'ata gooruudu Israeli nea gwandeawa lapiya ea dahaabu, ak ea manda eara siyagi aba jeeda eemeeda nyaawa dea siruusa.

NYIIGHEEGA 145:20

NG'UTAMIIDA iissa ghoaghu buuneesean bwariiy niny; nea fuga sean munyas gayghwalas uhuuda.

ISAYA 47:5

Apteada ak gisiindi, ak guwi jeeda misaneeda, Ea hudeaba Galdayo; aba gideaba maygudu eeguureewaneey gatmooda was sugoocheanda.

NAHUMU 1:8

Nea aba guldeayda haw gaygwaduulu heeda abiita weajoodigaaschi, ak ghwaat geeshta weajoodigaaschi ea ghwahita jeeda misaneeda.