Ŋwàʼlè ə̀ Pɔ̂l sê ghɨə Lûmghè 9:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə̀ va pî əghɔ Aplàghâm ghə kɨ̂m ə ghe nyi əghɔ Fezhə̀. Zhə̀fè tè pì sê Aplàghâm nə, “Ə̀ nyì tɔynê ə feghàŋ fə Azɨ̀kfè ə ò tə kyiə ghɔ ghɔyn ghɛ ə m tè tsɨ̀ne sê gho.”

Ŋwàʼlè ə̀ Pɔ̂l sê ghɨə Lûmghè 9:7 Referans Kwoze

Ipilù 11:18

pî kə Zhə̀fè tè nyi mə fə pì se vəyn nə, “Ə̀ nyi tɔynə̂ ə Azɨ̀k ə ò tə kyiə ngwàʼ ze zə ndɛ”

Ngàleshyà 4:23

Vayn vɛ ə nyìə vəyn tè fɨaʼa sê zhwîə Aplàghâm nyi mə ə tè piə kê nâʼà endom vɛ ə wùzhɔyn nə̂ è və pɔŋə vayn, è və piə, pîza vɛ ə nyìə vəyn tè nyi zhwîə Aplàghâm e nyi mə ə piə tɔynə̂ ètsɨ̂nè zɛ ə Zhə̀fè tè tsɨ̀ne.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Tom èchùŋ kè kə Lûk tè nyaʼ 3:8

Ghàyn muə ètwɔm ə ghàyn etsɨsə̂ se tyə̀yn nə ghàyn ə kwiyne təm ghayn ghe pighe. Kə ghàyn ə kwàʼtə̀ kə nə ghàyn kàʼa ə ghàyn tə ngəʼ ə̀ Fèzhə̀ nə zɛ kè kûmə̀ nə ghàyn piə nə, ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nə̀yn, ə chi ghɨnə kɛse sə əghɔyn, ə è fo sê Aplàghâm.

Njɔyn 8:33

Ghənə ə pə̀ynsə̀ nə, “Ghàs nyi fe ghâŋfə Aplàghâmfè mə ghàs paʼà tyəm pəyn nyi àkɔs sê wùə vîvè. E tyə̂nə̀ nə ghe kə Ò pì nə, ‹Ə tə zhə̂nə̀ za ghàyn ə?›”

Tom èchùŋ kè kə Lûk tè nyaʼ 16:30

È və piə sê Aplàghâm nə, ‘Ngâŋngaŋ ə Pɛ, ə wùə pɨl ndò endaʼ ə ghɨchi fâyn ə kɛsə̂ ndùə sê ghənə, ə ghənə kwiyne təm ə ghənə ghe piə.’

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Ngàleshyà 4:28

Nyiəmə, ghɔnyì ghɨmə, ghàyn nyi ə ghɔyn ə Fezhə̀ghè kèpî kə Azɨ̀k kûmə̀ nə ə pɔŋ piə kepî ghàyn endom vɛ ə Zhə̀fè tè tsɨ̀ne nə ə tə piə ghàyn ətəyn.