Ŋwàʼlè ə̀ Pɔ̂l sê ghɨə Lûmghè 9:1 - Ŋwàʼlè ə̀ Fèzhə̀ Mkâyn Mə̂ Fèm

¹ M pîə səmɔʼ kə wùə vɛ ə È pomə sê Klâys mə m wamə chîəva ndô. Təm ghɨm ghɛ ə ghe nyi etyə̂ àtyaʼ ə Sezuʼ Eŋwaʼake tsâ kəpî ndò se mi nə m wamə va kaŋke.

Ŋwàʼlè ə̀ Pɔ̂l sê ghɨə Lûmghè 9:1 Referans Kwoze

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ngàleshyà 1:20

Ghɛ zɨ̀nə̀ ə m nyâʼà sê ghàyn nyî nyì ke nâʼà səmɔʼ. Zhə̀fè ke ndô nə m wamə chîə va!

Filìpây 1:8

Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

2 Kolìŋ 11:10

Kè kə səmɔʼ ə̀ Klâys nyi ə mì ewìyn, nâʼà wùə èmɔ̀ʼ endaʼa Àkayàzè vayn tàm nə kə mə pfɨ̂nə̀ àngàŋtè.

Ŋwàʼlè ə̀ Pɔ̂l sê ghɨə Lûmghè 8:16

Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Tèsàlonikà 2:5

Ghàyn ke nə ghàs tè paʼà pə̀yn sê ghàyn wâmnə̀ efɔmsê echoze. Zhə̀fè nyi tsɛ̀ èsaʼ se ghàs nə ghàs tè paʼà nə̀yn ghɛ ghɛ ghàs tè nəyn kûmə̀ əshi ə fɨəghe, sè kyiŋə se ndə̀tè.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

1 Timotì 5:21

M tyəm fâyn ə Zhə̀fè əshi yî Klâys Njisə̀s, è tsì sə vəynse se tsàyn sê ghàyn nə, ghàyn ə ndə̂mə̀ ə̀ghɛ ghɨ̂yn mə ghàyn kɔ̀ŋə̀ va wùə vîvè tsɛ və mɔʼɔ, fɨnə nə̂ va ghɛze se wùə kûmə̀ nə è nyi wùə vɛ̂vè.

2 Kolìŋ 11:31

Pɨ̀a Pɛ̂pɛ Njisə̀s, ə Fezhə̀ fɛ ə kyi sə̂ kɔʼsə̂ shîŋə̀ tekɨ̂m nyiə ke nə m wamə va.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

Ŋwàʼlè ə̀ Pɔ̂l sê ghɨə Lûmghè 2:15

Nə̀ynè ə ghənə̂kè tyə̀ nə ghɛ zɛ ə lâŋkè kyiŋə nyi mə ə nyàʼ ə ghənə əfètə̂ ə̀təm, ghənə e ke nə təm ə ghənə̂ghè tyə̀ ndò nə ə̀ nyi nyiə kə ze kyi sə̂ nyi. Ghənə e ke nə təm ə ghənə̂ghè tsà ndò se ghənə nə ze nyi səmɔʼ. Təm ə saʼa ghənə̂ghè tyə̀ ndò nə ghɛ zɛ ə ghənə nə̂ nyi eghɛ echûŋzè kɨ̀sə ze pize.

Ŋwàʼlè ə̀ Pɔ̂l sê ghɨə Lûmghè 9:2

Təm ghɨmə tɨ̂lə̀ kə nyî, ghɛ ghe fo ngəʼ sê mi nâʼà sə ŋaŋ