Ŋwàʼlè ə̀ Pɔ̂l sê ghɨə Lûmghè 8:32 - Ŋwàʼlè ə̀ Fèzhə̀ Mkâyn Mə̂ Fèm

³² Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

Ŋwàʼlè ə̀ Pɔ̂l sê ghɨə Lûmghè 8:32 Referans Kwoze

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

1 Kɔlìŋ 2:12

Ghâsènì pâʼà fi zuʼse mə se ndo ə mbi, ghâsènì pɨl fi sèzuʼ sɛ ə se ndô sê Zhə̀fè kə̂ ghâsènì ə ke èfɨa vɛ ə Fe fo sê ghâsènì.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 4:25

Ə̀ nyi Njisə̀s ə Zhə̀fè tè fo nə È kwu kûmə̀ ə̀ghɛ ə piə ghasènìghe. Zhə̀fè tè zòmse vəyn kə ghâsènì kyi ndomve sə̂ nyi chichi ə Vəyn əshi.

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Etyə̂yn ə paynsêzè 21:7

Ə̀ nò zhi nâʼà pîndè, m fo fɨa vɨ̀nə sê vəyn, m mə nyi Fezhə̀ fə vəynfe, è ve nyi vayn vɨ̂m.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

Ŋwàʼlè ə̀ Pɔ̂l sê ghɨə Lûmghè 11:21

Kə Zhə̀fè tè tàʼa faŋ se pɔynsê ə ghɨ ə Njûsghè, ghənə ghɛ ə tè nyi kə sengɔyn sɛ ə se tè nyì chi sə shi, ghàyn kwàʼtə̀ nə fe nə̀ faŋə ndò se pɔynsê ə ghàyn ə?

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.