Biblia Todo Logo
Bib sou entènèt

- Piblisite -




Ŋwàʼlè ə̀ Pɔ̂l sê ghɨə Lûmghè 8:15 - Ŋwàʼlè ə̀ Fèzhə̀ Mkâyn Mə̂ Fèm

15 Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Gade chapit la Kopi




Ŋwàʼlè ə̀ Pɔ̂l sê ghɨə Lûmghè 8:15
30 Referans Kwoze  

Kûmə̀ nə Zuʼ sɛ ə Zhə̀fè fo sê ghâsènì nə̀ va nə ghâsènì ə fànə̀, Zuʼ sə Fezhə̀sè pɨlə nə̂ nə ghâsènì ə nyi mə ə lwiyn kwəyn è tyaʼke, è kɔ̂ŋzè, è kɨsè sə ko kyîə sèngɨŋ sə ghasènìse.


Ghâsènì pâʼà fi zuʼse mə se ndo ə mbi, ghâsènì pɨl fi sèzuʼ sɛ ə se ndô sê Zhə̀fè kə̂ ghâsènì ə ke èfɨa vɛ ə Fe fo sê ghâsènì.


Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.


È və kwuə kə ghɨ ghə fɨnə fànə̀ va kwuze kûmə̀ nə ghɨ tè tsɨs shîŋə̀ tekɨ̂m, nyi ke kə ekɔ̂s, fànə̀ kə èkwu.


Zhə̀fè tè se nyi mə Fə ndə̀m nə Fe tə njìə ghâsènì sə və ə ghɔyn tɔynə̂ ə Njisə̀s Klâys, mə ə̀ kɔ̀ŋ kê vəyn ə saŋnə̂ ndə̀mə̀ nə zə nyi nyî.


Fâynzè va əfètə̂ èkɔ̀ŋ. Kɔ̂ŋ zɛ ə̀ nyi kàyntè èkɔ̀ŋ nyiə chûmə̀ fɨsə̂ èfâyn. Ghɨ ghɛ ə ghe fânə̀, fànə̀ kə kûmə̀ nə ə nə̀ pɔynsə̂ ghənə.


È və tsə̀mə̀ nə, “Pɛ̂pɛ, Pɨ̀a vɨm, ghɛ ghəkɨ̂m nyîə poynə̂ sê ghò. Njiə tsɨ̀se tsôs vɨ̂nə sê Mi. Pîza, nə̀yn kə ò kɔ̀ŋə̀, ə̀ vachi kə m kɔ̂ŋə̀.”


Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.


Njisə̀s ə pìə se ghənə nə, ghàyn piə tsə̂mə̀ ndò ghàyn piə nə: Pɛ̂, nə ə ghɨ ghe ə kɔʼsə̂ è zə zɛ nə ə fe fɔ̂yn vɛ ve


Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”


“Pɨ̀a vɨ̂m, o kɔ̂ŋɔ̀ o fiə wà ngəʼ zɨ̀yn ə mìə gho. Naʼapi za, nə kə ghɛ zɛ ə ze kwuəynə sê ghò, kə̂ o nə̀yn zɨme.”


Shîŋə̀ kɛ ə È nə̀ pə̂, ə Vəyn è ngɨŋə̂ Vəyn, tyəyn nə kwâʼtè tɛ ə ghɨ mbiə kyi kûmə̀ ə̀ghɛ ə piə, vachi za, ə è tyə̀yn ndom tə chichite, ə è fɨyn tyəyn èndom vɛ ə Zhə̀fè tə saʼa ghɨghe ətəyn.


Wùə ètsɨ̀ŋnə ndɛ ə̀chaʼ nə vɨ̂yn ə tɔŋɔ, ə pìə nə ə pəyn è lâm ə shɨŋə njiə ndùə, ə pfɨ̀ə ə Pɔ̂l yî Silàs əshi sè tsɨŋtə̂ kə nyi kûmə̀ nə kàyntè efâyn tè nyi mə zə ko vəyn.


Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”


Nyi, nâʼà ghɨ əkɨ̂m ə etipì endaʼ ə Njɛ̀lɛsens ə piə sê Njisə̀s nə è ndò ə ghənə əfètə̂ kûmə̀ nə ghənə tè fànə nâʼà sə ŋaŋ. Njisə̀s ə njiə ə ngwùʼ èghaʼâ sè kyiŋə se ndò.


È tè fe pə̀yn Njisə̀s nyi ə fo kyə̀ echiə ə pfɨ̀ə ə və shi ə pɨa nâʼà èkyə̀ etɛ ə piə nə, “Ò kyiŋə ghè sê mi ə Njisə̀s, Va Fèzhə̀ fɛ ə fe ngaŋte kwəyn? M chyatə̂ ndò ghò. Kə ò fo ngəʼ sê mi.”


E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.


Kèpî èghɨ, zuʼsə Fezhə̀sè pə̂ kəpi ndò se tsàmtə ghâsènì pî kə ghâsènì tɛ va tyaʼke. Ghâsènì keva kə kyi se tsə̀m, pîza ə̀ nyi sezuʼ sə səynsə ngɨŋ ə se tsə̂mə̀ sê è tsɔ̂yn zɛ ə ze tsɨ̂ə tsɛ pîzè.


Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.


M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.


Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.


Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.


M tè nyiə fânə̀, ə ndùə tɨmə àpûʼ ə ndə̀tə̀ èkɛ vɛve ətəyn. Nayne kə, kɛ vɛve vɨ̂nə̀.›


Swiv nou:

Piblisite


Piblisite