Ŋwàʼlè ə̀ Pɔ̂l sê ghɨə Lûmghè 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàyn keva nə shîŋə̀ kɛ ə ghâsènì tè fi mômè, ghâsènì tè nyì sə afɨa àmɔ̀ʼ ghasènìə ghə̀ Klâys, ə kwuə ghasènyìə ghə̀ Vəyn ə?

Ŋwàʼlè ə̀ Pɔ̂l sê ghɨə Lûmghè 6:3 Referans Kwoze

Ngàleshyà 3:27

Nâʼà ghàyn əkɨ̂m ghɛ ə tè fi môm ə Klâys ezə, nyi kə ghɨ ghɛ ə ghe nyi mə ə màʼ Klâys Njisə̀s ə ghàyn ewìyn kə sendzɨs.

Ŋwàʼlè ə̀ Pɔ̂l sê ghɨə Lûmghè 6:8

Kə ghâsènì se nyi mə ə tə kwu ghasènìghə̀ Klâys, ghâsènì pomə̂ ndò nə ə tə pə̂ ə nyi kepî ètwɔ kə Vəyn.

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

1 Kɔlìŋ 9:13

Pîə ghàyn ke ndô səmɔʼ nə ghɨ ghɛ ə ghe fɨaʼa ə ndɛ̂ ètsə̀mə kyîə èfɨaezhiə ə ghənə̂vè fumə ə Ndɛ ètsə̀mə ə? Ə chyâtə̀ èfɨa vɛ ə fo sə efo etûə alaŋ, fo və ghənəvè.

Ŋwàʼlè ə̀ Pɔ̂l sê ghɨə Lûmghè 7:1

Ghɔnyì ghɨmə, ghàyn nyiə ke kûmə̀ èlwɔ̂ŋ. Ghàyn ghɛ ke nə ghɨghe nyi ke etyə̂ àlâŋ shîŋə̀ kɛ ə ghənə pa nyi ètwɔzə?

Ŋwàʼlè ə̀ Pɔ̂l sê ghɨə Lûmghè 6:16

Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

Ətefɨ̂aʼ 19:5

Ə pə̀ kə ghənə zɨ zɨnə mə, ə fo m̀mo sê ghənə ezə ə Pɛ̂pɛ Njisə̀szè.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

Ətefɨ̂aʼ 8:16

Zuʼse Ŋwaʼase tè pa nyi ndɔ̀ʼɔ se nyiəm pəyn sê ghənə; ə̀ tè nyi mə ghənə fi kə m̀mo ə Pɛ̂pɛ Njisə̀s ezə.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

1 Kɔlìŋ 15:29

Ezhoghɛ e nyi nə ghɨ tə zômə̀ va səmɔʼ, əghɨ etɛghe ə fiə zàyn mômè əghɨ kwutəghe elùʼ, ə tɔf ətəynze ə nyi nə ghe ə? Ezhoghɛ ə ze nyi nə tə zômsə̀ va ghɨ, əghɨ ghə fiə m̀mo əghɨ kwutə nə ghɛ elùʼ kûmə̀ ghè ə?

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

1 Kɔlìŋ 9:24

Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.

1 Kɔlìŋ 10:2

Shîŋə̀ kɛ ə ghənə tè nyì fumə əfètə̂ sèmbàʼ è kɨsè ə enjwì ə fengwaŋve, ə tə fo môm se ghənə kə se chùmtè èpàm sə Mosîsè.