Ŋwàʼlè ə̀ Pɔ̂l sê ghɨə Lûmghè 3:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 3:20 Referans Kwoze

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Ŋwàʼlè ə̀ Pɔ̂l sê ghɨə Lûmghè 3:28

Ghâsènì ə fe nə wùə nyi chichi ə Zhə̀fè ə shi kûmə̀ èpomə̂ ə vəyn sê Njisə̀s ə̀ vachi kûmə̀ è ndə̂m ə vəyn zə alàŋzè.

Ngàleshyà 2:19

Ə̀ nyi alâŋ kə ke tè zhwi mi, ə nə̀ mi nə kə mə fɨyn nyi ə kəynke etyə̂ àtyaʼ, ndam zɨmze nyi zôyn sə kɔʼsə̂ Fèzhə̀. Ə payntê mi awâmnè è Klâys,

Ŋwàʼlè ə̀ Pɔ̂l sê ghɨə Lûmghè 4:15

Ghɛ zɛ ə lâŋkè nə̀ pɨl nyi se pə̀yn ènyɔ̂ʼsè etɔŋ ə Fezhə̀zè sê ghɨghe. Pîza ə lâŋkè va, ə kəm alàŋzè ə va kepî.

Ŋwàʼlè ə̀ Pɔ̂l sê ghɨə Lûmghè 9:32

Ghənə tè vayn kàʼa chumte kûmə̀ ghè? Ghənə tè vayn kàʼa chumte kûmə̀ nə ghənə tè so m̀ndyàyn sə̂ nyi chichi ə Zhə̀fè əshi kûmə̀ èfɨaʼ zɛ ə ghənə tè nə̂, ə̀ vachi kûmə̀ epomə̂ zɛ ə ghənə tè kyi sê Zhə̀fè. Ghənə tè tɨm aghol ə ghənə̂kè ətə̂ èchi zɛ ə ghɨ tè tɨmə gholghe ətəyn, ə pfɨ̀ə əchi.

Ŋwàʼlè ə̀ Pɔ̂l sê ghɨə Lûmghè 5:20

Zhə̀fè tè pəyn è lâŋkè kə pi ndu ke èshike. Pîza nâʼàpî ghayn ə pi ndûə kə shi, fùʼ ə Fezhə̀kè tsɨ̀ə tsɛ ndò zamə.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ngàleshyà 5:4

Ghàyn ghɛ ə ghàyn kyiŋə sə̂ nyi chichi ə Zhə̀fè əshi tɔynə̂ endə̀m ə alàŋzè, ə ghà ke nə, ghànə chyâsè ngɨŋ saynse ghâynghə̀ Klâys. Ghàyn ə fɨ̀l tsɨ̀m sê fùʼ ə Fezhə̀kè.

Ŋwàʼlè ə̀ Pɔ̂l sê ghɨə Lûmghè 5:13

Ghɨghe ə mbi ə tə nə̀yn pi tsɔ̀fə kə Zhə̀fè fo lwɔ̂ŋ ə Vəynve sê ghənə. Pîza nâʼàpî ghayn ə lâŋkè va, wùə vîvè vayn kàʼa è pi nə wùə ə kəm lâŋkè.

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

Ŋwàʼlè ə̀ Pɔ̂l sê ghɨə Lûmghè 7:11

Pi ə tə tsɛ̀ epàmə àlàŋ, lɛsə̂ mi, mə nə̀ pi, pi ə̀təyn ə zhwiə mi.

1 Kɔlìŋ 15:56

Fɨl ekwuze nyi pi, pi e kyi kə vəynke nə atyaʼ tɔynə̂ alàŋ.

Ipilù 7:19

Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.