Ŋwàʼlè ə̀ Pɔ̂l sê ghɨə Lûmghè 3:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Zôyn ghàs ə fe nə ghɛ ghɛ ə nyi mə ə nyàʼ ə ŋwàʼlè àlâŋ naynə̂ ə̀ghɨ ə̀kɨ̂m ghɛ ə tè fo lwɔ̂ŋ ətəyn sê ghənə. E za tyə̀ nə wùə vîvè vayn kaʼa è ŋaʼse cho ə vəynze se pì nə è və zhi saʼ, kɔ̀ŋə nyi wùə Njûs, kɔ̀ŋə nyi wùə vɛ ə̀ va wùə Njûs. Nâʼàpî ndè tə tyəmə̂ ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 3:19 Referans Kwoze

Ngàleshyà 3:10

Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”

Ŋwàʼlè ə̀ Pɔ̂l sê ghɨə Lûmghè 3:9

Ghâsènì nə sè piə nə ghe? Ghàyn kwàʼtə̀ nə ghàs ghɨə Njûsə̀ tsɛ̀ ndò ghɨ ghɛ ə̀ va əghɨ Njûsghè mə? E vachi zamə nâʼà səkɔs. Mə kâynè tyəyn nə ghɨə Njûsghè è ghɨ ghɛ ə̀ va əghɨ ə Njûsghè nyi ke èghɨ etyə̂ atyaʼ əghɛ pike.

Ngàleshyà 5:18

Pîza mə Zuʼsə Fezhə̀sè chisə ghàyn, ə ghàyn ə fɨyn va èkɔ̂s sê lâŋà.

1 Kɔlìŋ 1:29

kə wùə ə kyi va ghɛze se ghaŋse ewiyn ətəyn ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 3:23

Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè.

Ngàleshyà 4:21

Ghàyn ghɨnə ə ghàyn kyiŋə sə̂ ndamə etyə̂ Alàŋ nyî, ghàyn tsayn sê mi nə, ghàyn zɨə va ghɛ zɛ ə Lâŋà pìə mə?

Ngàleshyà 4:5

kə è zhɔyn tuə ghɨ ghɛ ə ghe tè nyi etyə̂ Alâŋ nə kɛ, se nə̀yn nə ghâsènì ə nyi əghɔyn sê Zhə̀fè.

Ŋwàʼlè ə̀ Pɔ̂l sê ghɨə Lûmghè 1:20

Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Njɔyn 8:9

Kə ghənə tè zɨ zɨnə mə, ə ndò nâʼà ə̀kɨ̂m femɔ̀ʼ femɔ̀ʼ, se zhə̀tə̀ kə ə ndumne sə shi. Njisə̀s ə faŋə fumə Və̂yn nɨŋ yî wùzhɔyn ə̀təyn, è pa tyəm ke fumə.

Ŋwàʼlè ə̀ Pɔ̂l sê ghɨə Lûmghè 3:4

E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

Njɔyn 15:25

Zɨnə tè kyi se kyàyn endom kə ghɛ zɛ ə tè nyàʼ ə ghənə alàŋ pəyn səmɔʼ nə, ‘Ə tè pàyn kê Mi sə ndô.