Ŋwàʼlè ə̀ Pɔ̂l sê ghɨə Lûmghè 2:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ə ghɨ ghɛ ə̀ va əghɨ ə Njûsghè, nyi ndɔ̀ʼɔ se nam ə ghənə̂ghè, kɔʼsə̂ èghɛ zɛ ə lâŋkè pìə, ə Zhə̀fè faŋ zayn se njì ə ghənə kə ghɨ ghɛ ə nyi mə ə se nam ə ghənə̂ghè ə?

Ŋwàʼlè ə̀ Pɔ̂l sê ghɨə Lûmghè 2:26 Referans Kwoze

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Ŋwàʼlè ə̀ Pɔ̂l sê ghɨə Lûmghè 8:4

Zhə̀fè tè nəyn zɨnə mə kə ghɨ ghɛ ə ghe chûmtə̀ va tyaʼa ghɛ ewìynke, pîza pɨlə chumtə̀ ə̀ghɛ atyaʼ ə sezuʼ sə Fezhə̀sè, ghənə tə nə̂ ə nə̂ ə̀ghɛ chichi eghɨ kə lâŋkè kyiŋə nə ghənə nəyn.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Ɛfesùs 2:11

Ghàyn ghɨ ghɛ ə̀ vachi ə̀ghɨ ə Njûsghè, kə ghàyn lɛse ghɨ ghɛ ə ghe tè nyì sə shi. Ghàyn nyi əghɨ ghɛ ə̀ vachi ə̀ghɨ Njûsghè epîə, ghɨə Njûsə̀ tɔŋtə̂ ghàyn nə, “Ghɨ ghɛ ə tàʼa se ənam əghənə̂ghè,” tɔŋtə̂ sèngɨŋ sə ghənə̂sè nə, ghɨ ghɛ ə nyi mə ə se namə ghənə̂ghè. Ghənə tɔŋtə̂ nyi pîza namə nyi nyî, ə̀ se va Zhə̀fè, ə̀ se ə̀ghɨ è gho.

Ŋwàʼlè ə̀ Pɔ̂l sê ghɨə Lûmghè 3:30

Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s.

Matyò 15:28

Njisə̀s ə ke pə̀ynsə̀ vəyn nə, “Ò nyi wùzhɔyn èpomə èghaʼê! Ghɛ zɛ ə ò kɔ̀ŋə̀, ə nə̀ nə̂ zəynze sê gho.” Kè sə ashìŋə̀ vayn èzhɔyn ə̀ vəyn ə tɛ.

Ŋwàʼlè ə̀ Pɔ̂l sê ghɨə Lûmghè 2:25

Ə ghàyn ndə̀mə̀ lâŋkè, ə se zɛ ə ghàyn se nam əghɨghè ə kyi m̀kɔʼnè ə Zhə̀fè əshi. Pîza mə ghàyn chùmtə̀ va lâŋkè, ə se ə nam zɛ ə ghàyn se ə kiva tɔf zhîze.

Ŋwàʼlè ə̀ Pɔ̂l sê ghɨə Lûmghè 2:27

Nyiəmə, ghɨ ghɛ ə ghe chûmtə̀ lâŋkè, pi kə ə̀ nyi mə ə paʼà se nam ə ghənə̂ghè, ghənə tyə̂nə̀ se ghàyn ghɨə Njûsghè nə ghɛ ghɛ ə ghàyn nə̀, ghe va chichi. Ə nyi mə ə se nam ghaynghe, ghàyn e kyi èlwɔ̂ŋ vɛ ə nyi mə ə nyàʼ ə ŋwàʼlè pîza nə̂ va kə lwɔ̂ŋ ətəynve kyiŋə

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.