Ŋwàʼlè ə̀ Pɔ̂l sê ghɨə Lûmghè 16:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ŋwàʼlè ə̀ Pɔ̂l sê ghɨə Lûmghè 16:25 Referans Kwoze

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

2 Kolìŋ 4:3

Ə tom zɛ ə ghàs ndàʼà nyi mə ə ndə̀tè, ə nyi mə ə ndəte ke sê ghɨ ghɛ ə ghənə njisə̀ ndûə.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Timotì 2:8

Pɨ̀əyte Njisə̀s Klâys kə È tè zòmə ekwu, mə È tè fɨ ə esas ə ndɛ ə Ndàfîtzè, kè kə ə zaʼlə ə tom èchùŋ zɛ m ndaʼà.

2 Tèsàlonikà 3:3

Pîza nâʼàpî èghɛ èkè zɛ ə Pɛ̂pɛ pî nə è nə̀ nə̂, è nə̀ kə zamə, è nyi se nə fo ghàyn tyaʼa, ə è kɨŋte ghàyn nə kə Wùə ètəm ə Piə tə tàʼa nə̀yn nə ghàyn nəyn pi.

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Matyò 13:35

È tè nə̂ nyi se lwiynsê əghɛ ghɛ ə Zhə̀fè tè pi tɔynə̂ ə fɨ̀aʼtè nə, “M tə nə̂ mə wàmnə̀ sê ghənə ə sengàyn. M tə zaʼlə̂ ə̀ghɛ sê ghənə mə wùə pâʼà tyəmə̂ ke nâʼà se etuʼ vɛ ə tè pom mbi.”

Matyò 13:17

M piə sê ghàyn səmɔʼ nə fɨ̀aʼtè se ghaʼa se tsɨəse è ghɨə Fezhə̀ etsɨə tè nyîə kɔ̂ŋɔ̀ nâʼà sə ŋaŋ se fe əghɛ ghɛ ə ghàyn fe, pîza ə tàʼa fe è kɨsè se zɨ əghɛ ghɛ ə ghàyn zɨə, pîza ə tàʼa zɨ.”

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Ɛfesùs 3:11

kè eghɨ kə è tè se nyi mə è və tè pɨaʼtê ndəm nə ze kyayn tɔynə̂ ə Pɛ̂pɛ ə̀ ghâsènì Klâys Njisə̀s tsɔ̀fə è pom mbi.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

Ŋwàʼlè ə̀ Pɔ̂l sê ghɨə Lûmghè 14:4

Ò nyì nâʼà ndè sə̂ saʼa wùə èfɨ̀aʼa ə wùə ə ndò ə? Ə̀ kyi ke Pɛ̀ èfɨaʼ se pì nə ghɛ zɛ ə è nə̀yn pofə ndò, kɨ̀sə ze tsɔ̂fə̀ ndò. Pîza tyaʼa ə Pɛ̂pɛ ke nə̀ tsâmtə̀ wùə èfɨ̀aʼ nə è nəyn ghɛ echûŋzè.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

Etyə̂yn ə paynsêzè 10:7

Pîza ashìŋə̀ kɛ ə tsì zɛ ə è nə̀ nə se ndu esɛ̀mbɛ tə tɔŋɔ sɔŋ ə vəynze, ə Zhə̀fè nəyn nə ghɛ ghɛ ə è tè ndə̀te pɨaʼtê nə ghe tə kyanə̀ nji luʼve, kè kə è tè ndàʼa sê fɨ̀aʼtèsè mə ə̀ nyi əghɨ ə vəynghe fɨaʼaghe.”

Matyò 20:7

Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.