Ŋwàʼlè ə̀ Pɔ̂l sê ghɨə Lûmghè 15:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə m tsə̂mə̀ nə Zhə̀ fɛ ə fe nə̂ nə ghâsènì ə kolə ə̀təm, fɨnə fo ghâsènì è təmghe, nə fe nəyn nə ghàyn ə nyi choze emɔ̀ʼ è ngɨŋ saynse kə ghàyn chùmtə̀ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 15:5 Referans Kwoze

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

Filìpây 4:2

Èyondìa è Sìntîs, m chyatə̂ nə ghàyn ə nyi sə eghɛ èmɔ̀ʼ mə ə zɔ̂ va kə ghɔnyì ghe ə Pɛ̂pɛ.

Filìpây 2:2

Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Ətefɨ̂aʼ 4:32

Nâʼà ghɨ poməghe əkɨ̂m tè nyi ke sə afɨa àmɔ̀ʼ, kyi ke èkwâʼtè èmɔ̀ʼ è təmghə əmɔ̀ʼ. Nâʼà wùə èmɔ̀ʼ tè piə va nə ə̀ fɨa kɨ̀nə kyi ke zhi, nâʼà pi ndè e njiə àfɨa, chyâtə̀ fo ànyìə vəyn.

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

Ŋwàʼlè ə̀ Pɔ̂l sê ghɨə Lûmghè 15:3

Nâʼà Klâys paʼà tîəm nəyn ghɛze sə̂ saŋnə̂ kə è ngɨŋ Vəyn. Pîza è nə̂ kə nyi mə ə nyàʼ ə Ŋwàʼlè ə Fèzhə̀ nə, “Nâʼà tèsoylè tèkɨ̂m tɛ ə ghɨ tè sòylə ghàyn ə pfɨ̀ ə mì ə tu.”

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.