Ŋwàʼlè ə̀ Pɔ̂l sê ghɨə Lûmghè 15:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Pîza fa ŋwàʼlè, mə nyàʼ ghɛ ghɛ mə m ndəʼə̀ fânə̀ va. Ə̀ nyi kûmə̀ àfùʼ kɛ ə Zhə̀fè fo sê mi ə m nyâʼà ghɛ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 15:15 Referans Kwoze

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

1 Njɔyn 5:13

M nyâʼà ə̀ghɛ ghɨyn sê ghàyn ghɛ ə ghàyn pomə sê Vâ Fèzhə̀ kə ghàyn ə ke nə ghàyn nyîə kyi èndam zɛ ə ze tə mîə va.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.

Ipilù 13:22

M chyatə̂ ghàyn ə ghɔnyì ghɨmə nə ghàyn zɨte ghɛ zɛ ə m wâmnə̀ sê ghàyn se fo ghàyn è təm ə tɛghe. M pâʼà nyàʼ ghɛ se tsɨ̀ fa ŋwàʼlè zɨ̀yn ə m nyâʼ sê ghàyn.

Taytùs 3:1

Ò pɨ̂əytə̀ ə̀ghɨ poməghe nə ghənə tsose ngɨŋsə ghənə̂sè əchi ə zɨə sê ngômnàyn, è ghɨə ngômnàynghe. Ghənə kyi va sə̂ tɛ è tuve, nyi è pɨaʼtêzè shîŋə̀ tekɨ̂m se nə̀yn eghɛ zɛ ə ze nyi achûŋ.

2 Timotì 2:14

Pɨ̀əyte ghɨ ghɛghe è ghɛ zɨ̀nə̀, ə fo fɨ̀as se ghənə ə Zhə̀fè əshi nə kə ghənə ə pîə ə̀ghɛ saʼnə̂. Zɨnə mə nə̂ va tsâmtè zhîze, pîza ze pɨlə pofsə̂ kə ə̀ghɨ ghɛ ə zɨtə saʼnê ətəynze.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.