Ŋwàʼlè ə̀ Pɔ̂l sê ghɨə Lûmghè 14:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ E za nyi nə ghâsènì kyi sə̂ sô mndyàyn sə nə̂ ə̀ghɛ ghɛ ə ghe pə̂ èpɔ̂ynè, è ghɛ ghɛ ə ghe tsâmtə̀ ghâsènì nə ə fo ə̀təm sê ngɨŋ sə ghasènìse.

Ŋwàʼlè ə̀ Pɔ̂l sê ghɨə Lûmghè 14:19 Referans Kwoze

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

Ŋwàʼlè ə̀ Pɔ̂l sê ghɨə Lûmghè 12:18

Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 15:2

Ghâsènì kyi sə̂ nə̂ ə̀ghɛ endom vɛ ə ve nə̀ nə̂ nə ghɔnyì ə ghasènìghe nə pomə̂ ə ghənə̂zè ə tɛ.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ŋwàʼlè ə̀ Mâk 9:50

Ngwaŋfe nyîə tsɔ̂fə̀, pîza mə ezhoghɛ fe sè fɨnə tɔfə va, ə ò ghayn ghe è fəynfe nə fe ə fɨnə tɔfə? Ghàyn e kyi fèngwaŋ ə ghàyn ewìyn. Nâʼàpî ndè e ndamə èndam ə pɔ̂ynèzè yî ànyìə vəyn.”

Matyò 5:9

Pɔsê nyì sê ghɨ ghɛ ə fɨaʼà nə pɔ̂ynè ə nyi, Zhə̀fè tə tɔŋtə̂ ghənə nə ghɔ Və.

1 Pità 3:11

Wùə nə vɨ̂nə kyi se màʼà ewâmnè epize, è kɨsè se zamàʼà ewam akaŋze sə̂ nə̂ chùŋ. È kyi se kyiŋə tendom tèkɨ̂m se kyiə pɔ̂ynè,

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

1 Timotì 1:4

Pì nə kə ghɨ nə ghɨ̂yn nə tsɛ̂sə̀ ashîŋə̀ ghənə̂kè mɛ̂ m̀ghâŋghàŋà mə èmɨmè tɔŋtə̂ ə̀zə pɨ̀a ə pɨ̀a ə ghənə̂ghè ghe mîə va, mə m̀ pə̀ kə esaʼnêzè əfètə̂ ghɨ̀, ghâŋghàŋà mə təynmè e tsâmtə̀ va se nə̀yn nə ghɛ ə Fezhə̀zè ndu èshike, kûmə̀ nə ə̀ fɨ̂aʼ ə Fezhə̀kè kàʼa ə nə̂ kə ə̀ghɨ ghɛ ə pomə sê vəyn.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

1 Kɔlìŋ 7:15

Pîza ə wùə vɛ è tàʼa pomə, è kɔ̂ŋɔ̀ se zà ə ndomə̀ vəyn kɨ̀sə zhwi ə vəyn, è və zà kə ndò. Ə ze kyayn nyì, ə ghɛ ətəynze ə va ə wùə ndomə̀ èpomə kɨ̀sə zhwi èpomə ətu, kûmə̀ nə Zhə̀fè kyiŋə nə ghâsènì ə ndamə è pɔ̂ynè.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

1 Kɔlìŋ 10:23

Ghənə pîə nə, “Ghâsènì kàʼa ə ghayn nâʼà pîghè” kè kə ghənə nyi mə pì. Zɨnə mə nyi səmɔʼ pîza ə̀ va nâʼàpî àkè ə ke tsɔ̂fə̀. “Ghâsènì kàʼa ghayn nâʼà pîghè” Pîza ə̀ va nâʼàpî èghɛ èkè ə ze tsâmtə̀.

1 Kɔlìŋ 14:3

Pîza ghɨ ghɛ ə ghe tsâ tom ə̀ Fèzhə̀ wàmnə̀ se ghɨə, è ze tsâmtə̀ ghənə, fo ghənə è təm ə tɛ, è zɨ̀tèkè.

1 Kɔlìŋ 14:4

Ghɨ ghɛ ə wâmnə̀ wâmnè tə ndôtè ndɔ̀ʼɔ zaʼle tsàmtə̀ kə sèngɨŋ sə ghənə̂sè, pîza ghɨ ghɛ ə tsâ tom Fèzhə̀ tsàmtə̀ ndɛ ə̀ Fèzhə̀ èkɨ̂m.

1 Kɔlìŋ 14:5

M nə̀ nə m mə kɔŋə̀ nə ghàyn əkɨ̂m ə wâmnə̀ tèwâmnè tə ndôtè ndɔ̀ʼɔ zaʼle, pîza m nə̀ nə m mə pɨlə kɔ̂ŋə̀ nə ghàyn ə kyi èfo sə tsâ tom ə̀ Fèzhə̀. Ze nyi nyî kûmə̀ nə wùə vɛ ə è tsà tom ə̀ Fezhə̀ tsɨ̀ə tsɛ̂ ndò wùə vɛ ə è wàmnə̀ wâmnè tə ndôtè ndɔ̀ʼɔ ə è zaʼle, ə̀ tsɛ kə va mə wùə nyì ndo se wàmnè eghɛ ətəynze endom vɛ ə nâʼàpî ndè nə̀ zɨə ke, kə ze tsamte ndɛ ə̀ Fèzhə̀ èkɨ̂m.

Ɛfesùs 4:12

È tè nəyn nyi se pɨaʼtə əghɨ ə poməghe nə ghənə nə ke se nə̀yn efɨ̂aʼ ə Fezhə̀zè kə wiynə Klaysvè, mə za nyi ndɛ̂ Fèzhə̀ nə ndəmə̂,