Ŋwàʼlè ə̀ Pɔ̂l sê ghɨə Lûmghè 14:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə ò nə̀yn nə ànyì vɛ vîvè ə kyi èfɨmsê kûmə̀ àfɨa kyîke kə ò zhiə, ə ze ə nyi nə ò kiva kɔ̂ŋzè sê ànɛ̂. Kə ò tə nəyn nə fɨazhiə vɛ ə ò zhiə pofse ndam ə wûəzè mə Klâys tè kwu kûmə̀ vəyn.

Ŋwàʼlè ə̀ Pɔ̂l sê ghɨə Lûmghè 14:15 Referans Kwoze

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

Ŋwàʼlè ə̀ Pɔ̂l sê ghɨə Lûmghè 15:2

Ghâsènì kyi sə̂ nə̂ ə̀ghɛ endom vɛ ə ve nə̀ nə̂ nə ghɔnyì ə ghasènìghe nə pomə̂ ə ghənə̂zè ə tɛ.

Ŋwàʼlè ə̀ Pɔ̂l sê ghɨə Lûmghè 14:20

Kə fɨazhiəve nəyn ə ghàyn pofse fɨ̂aʼ ə Fezhə̀zè. Fɨa e zhiəve kɨ̂m zo ndò ə Zhə̀fè əshi, pîza e tsɔ̂fə̀ va nə wùə zhi fɨa kɛ ə ke nə nə̂ nə wùə mɔʼɔ pfɨ əfètə̂ pi.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

1 Kɔlìŋ 13:1

Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

Ŋwàʼlè ə̀ Pɔ̂l sê ghɨə Lûmghè 13:10

Ə wùə kɔ̀ŋə̀ ànyì ə̀ vəyn, ə è tə tàʼa nə̂ pofsê se vəyn. E za nyi nə se kɔ̂ŋ nyì se ndə̀m alâŋ àkɨ̂m.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.