Ŋwàʼlè ə̀ Pɔ̂l sê ghɨə Lûmghè 13:2 - Ŋwàʼlè ə̀ Fèzhə̀ Mkâyn Mə̂ Fèm

² Nâʼàpî ndè vɛ ə è zɨə va se tu ə ghənə̂ ke ndaʼke, e za tyə̀nə̀ nə è kɔʼsə va pɨaʼtə̂ Fezhə̀zè.

Ŋwàʼlè ə̀ Pɔ̂l sê ghɨə Lûmghè 13:2 Referans Kwoze

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,

Taytùs 3:1

Ò pɨ̂əytə̀ ə̀ghɨ poməghe nə ghənə tsose ngɨŋsə ghənə̂sè əchi ə zɨə sê ngômnàyn, è ghɨə ngômnàynghe. Ghənə kyi va sə̂ tɛ è tuve, nyi è pɨaʼtêzè shîŋə̀ tekɨ̂m se nə̀yn eghɛ zɛ ə ze nyi achûŋ.

Njə̂m 3:1

Ghɔnyì ghɨmə, kə ghàyn əkɨ̂m ə no sə̂ nyi sètyəynsè, kûmə̀ nə ghàyn ke ndô nə Zhə̀fè tə njîə ashîŋə̀ tsɨəke se saʼa ghâsènì ghɛ ə zaʼlə tsɨ̂ə tsɛ̂ kə è tə saʼa ghɨə mɔ̀ʼɔghe.

Ŋwàʼlè ə̀ Pɔ̂l sê ghɨə Lûmghè 13:5

Kûmə̀ zɨnə, ghàyn kyi sə̂ zɨə se tu endaʼve, ə̀ vachi ke kûmə̀ nə ghàyn fanə̀ epɔynsê, pîza ghàyn ke ke pî ndò nə, təm ghaynghe nyîə tsâ se ghàyn nə ə̀ nyi zamə kə ghàyn kyi se nə̀yn.

Ŋwàʼlè ə̀ Mâk 12:40

Ghənə e kyîə fiə èfɨa ə zhwiə əkwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Tom èchùŋ kè kə Lûk tè nyaʼ 20:47

Ghənə e kyiə fiə èfɨa ə zhwiə kwuve, kaŋa tsə̂mə̀ tètsə̂m te tyâtè se tyə̀yn ewiyn. Zhə̀fè tə tsə̀fsə̀ ghənə nâʼà sə ŋaŋ.”

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Ŋwàʼlè ə̀ Pɔ̂l sê ghɨə Lûmghè 9:19

Pîza wùə èmɔ̀ʼ ə ghàyn ə fètəyn nə̀ pîə se mi nə, “Ə ze nyi nyiəmə, Zhə̀fè kàʼa ə fe ə ghamə̀ zàyn wùə vîvè ə? Ə̀ kàʼa ə tə nde se nə̀yn eghɛ zɛ ə Zhə̀fè pì nə è nəyn ə?”

Ŋwàʼlè ə̀ Pɔ̂l sê ghɨə Lûmghè 13:1

Nâʼà ghàyn ə̀kɨ̂m kyi sə̂ zɨə se tu endaʼve kûmə̀ nə tu endaʼ kyîke va mə ə̀ paʼà zàmaʼà Zhə̀fè. Tu endaʼve nyi mə ə̀ ndəm Fezhə̀ è ghənə ə fekyə̀.

Ŋwàʼlè ə̀ Pɔ̂l sê ghɨə Lûmghè 13:3

Ghɨ ghɛ ə ghe nə̂ chùŋ kyi va sə fânə̀ etu endaʼve. Pîza ghɛ ə ghe nə̂ pi, ə̀ fànə̀ ghənə ètu endaʼve. Ə ò kɔ̀ŋə̀ va sə fânə̀ atu endaʼke, ò nə̂ ə̀ghɛ ə chûŋghè. Ə ò nə̀yn nyiəmə, ə è tsite ghô.