Ŋwàʼlè ə̀ Pɔ̂l sê ghɨə Lûmghè 12:1 - Ŋwàʼlè ə̀ Fèzhə̀ Mkâyn Mə̂ Fèm

¹ Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 12:1 Referans Kwoze

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:19

M pîə ə̀ghɛ nə ghɨ̂yn nâʼà ə̀kɨ̂m kə wùə msɔ̀ŋ, kûmə̀ nə ghàyn kə əghɨ msɔ̀ŋghe tɔ̂ʼɔ̀ zɨə kêva. Sə shi ghàyn tè fo sengɨŋ saynse kə ekɔ̂s, nə̂ ə̀ghɛ ə pighe è kɨsè ghɛ ə teliŋghe, nə̂ ndûə kə ə̀ghɛ ə pighe. Zôyn ghàyn kyi se fo sengɨŋ saynse əkɨ̂m kə ekɔ̂s, sə nə̂ ə̀ghɛ kə Zhə̀fè kyiŋə, ə zɨnə nəyn ə ndam zaynze ə nyi è ŋwaʼze.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ŋwàʼlè ə̀ Pɔ̂l sê ghɨə Lûmghè 6:16

Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

Ɛfesùs 5:10

Ghàyn mɔmse zaʼlê sə̂ ke fɨnə nə̂ ə̀ghɛ ghɛ ə Zhə̀fè kɔ̂ŋɔ̀.

Filìpây 2:17

Pîza, ə zhwi pî mi zôyn, ə ndə̂m mɨ̂mè sɨsə kə efo sê Zhə̀fè, kèpî kə ndom vɛ ə ghàyn nyi mə ə kɔʼsê Zhə̀fè ətəyn səmɔʼ nyi efo sê Zhə̀fè. Təm ghɨmə nyîə saŋnə̂, m saŋnə̂ kəpî se ghàyn.

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

Ŋwàʼlè ə̀ Pɔ̂l sê ghɨə Lûmghè 2:4

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

1 Pità 2:20

Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ŋwàʼlè ə̀ Pɔ̂l sê ghɨə Lûmghè 15:30

M chyatə̂ ghàyn ə ghɔnyìə ghɨmə, ezə ə Pɛ̂pɛ Njisə̀s Klâyszè, e kɔ̂ŋ zɛ ə ze pə̂ ə sezuʼ, nə ghâsènì tsɨynte se tsə̀m sə ŋaŋ nə Zhə̀fè tsamte mi.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

1 Timotì 2:3

Zɨnə mə nyîə tsɔ̂fə̀ nə̂ nə Zhə̀fè, mə za nyi sɔ̀zà ə ghâsènì, ə saŋnə̂.

1 Tèsàlonikà 5:12

Ghɔnyìə, ghàs chyatə̂ nə, ghàyn ə fɛtə ngɨmnə̂ ə̀ghɨ ghɛ ə ghe fɨ̂aʼà ə ghàyn əfètəyn, chwîtə̀ ghàyn, fɨnə təftə̂ ghàyn, endom ə Pɛ̂pɛve kə ndɔ̀ʼɔ ghàyn tə pfɨ ə pi.

Tom èchùŋ kè kə Lûk tè nyaʼ 7:47

Kûmə̀ nyi m piə sê gho nə, kɔ̂ŋ èghaʼâ zɛ è tyən sê mi tyə̂nə̀ nə Zhə̀fè ə lɛ̀sè fo ghɛ piə vəynghe nâʼà əkɨ̂m, pîza wùə vɛ ə lɛ̀sè fo vəyn kè sechə pɔŋɔ tyə̂nə̀ kə èkɔ̂ŋ se chə.”

Ipilù 13:22

M chyatə̂ ghàyn ə ghɔnyì ghɨmə nə ghàyn zɨte ghɛ zɛ ə m wâmnə̀ sê ghàyn se fo ghàyn è təm ə tɛghe. M pâʼà nyàʼ ghɛ se tsɨ̀ fa ŋwàʼlè zɨ̀yn ə m nyâʼ sê ghàyn.

1 Timotì 5:4

Pîza, ə zhwiə kwu kyi ghɔnə, kɨ̀sə ghɔ ghɔnə, o nə̀ ə ghənə zaʼle sə̂ nə̂ ə̀ghɛ ghɛ ə ghɨ ə poməghe kyi sə̂ nə̂, sə tɔ̂ʼnə̀ è sas ə ndɛ ə ghənə̂zè. Zhə̀fè nyiə kɔ̂ŋɔ̀ ashìŋə̀ kɛ ghənə nə̂ nyî, kə ze ə nyi kəpiə ghənə kɛsə̂ ndaʼà ə̀ pɨ̀a ə ghənə̂ghè è nyì ə ghənə̂ghè.

1 Tèsàlonikà 4:10

Səmɔʼ ghàyn ə tyə̀yn kɔ̂ŋ nə zɨ̂yn sê ghɔ Fezhə̀ghè əkɨ̂m endaʼ ə Màsèndonyàzè, pîza ghàs e pa chyatə̂ kə ndò ghàyn ə ghɔnyì ghasə nə, ghàyn ə kɔ̂ŋə̀ tsɛ̂ zamə.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

Filemùyn 1:10

M chyatə̂ nə ò tsamte Ònesimùs kə̂ è se nyi sê mi kə vayn vɨm. Ə̀ tè nyì kə m nyi ə ndɛ chaʼ, è ve nyi kə vayn sê mi kûmə̀ nə mə tə tsàmtè vəyn nə è kyi ndam efeze mə ze ndo sê Zhə̀fè.