Biblia Todo Logo
Bib sou entènèt

- Piblisite -




Ŋwàʼlè ə̀ Pɔ̂l sê ghɨə Lûmghè 11:33 - Ŋwàʼlè ə̀ Fèzhə̀ Mkâyn Mə̂ Fèm

33 Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

Gade chapit la Kopi




Ŋwàʼlè ə̀ Pɔ̂l sê ghɨə Lûmghè 11:33
38 Referans Kwoze  

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.


ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,


Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.


Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.


Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.


È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.


Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,


M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,


kə ghàyn ə tsɨ̂yntə̀ tɔfə kwəynə̂ ghâynghə̀ ghɨə Fezhə̀ mɔ̀ʼɔ sə̂ ke nə kɔ̂ŋ ə Klâys zə zhamə kə luʼte kɨ̂m.


Pîza ə̀ nyì sê ghâsènì ghɛ ə Zhə̀fè nyi mə fə nə̀yn Zuʼse ə Vəynse sɛ se tyə̂yn paynse ghɛ ə ndətə ə vəynghe sê ghâsènì. Ghɛ zhîze va ə Zuʼse ə Fezhə̀sè vayn kaʼa se faŋ se kê. Zuʼsə Fezhə̀sè ke kepî ndò ghɛ ghəkɨ̂m ghɛ ə Zhə̀fè tè pɨaʼte sê ghɨ ghɛ ə ghe kɔ̂ŋə̀ vəyn.


Swiv nou:

Piblisite


Piblisite