Ŋwàʼlè ə̀ Pɔ̂l sê ghɨə Lûmghè 10:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ E za tyə̀nə̀ nə, pomə̂zè pə̀ ashìŋə̀ kɛ ə wùə zɨ tom ə̀ Fèzhə̀, mə ghɨghe kyi se ndàʼà tom èchùŋ ə̀ Klâys kə ghɨ pomə sê vəyn.

Ŋwàʼlè ə̀ Pɔ̂l sê ghɨə Lûmghè 10:17 Referans Kwoze

Ngàleshyà 3:2

Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Tom èchùŋ kè kə Lûk tè nyaʼ 11:28

Njisə̀s ə pə̀ynsə̀ nə, “Chùŋ pɨl nyi sê ghɨ ghɛ ə ghe zɨə ghɛ Fezhə̀e, nə̂ kə̂ ze piə!”

Ŋwàʼlè ə̀ Mâk 4:24

È və piə kəpî sê ghənə nə, “Ghàyn e tɔ̂ʼnə̀ è ghɛ ghɛ ə ghàyn zɨ! Ə ghàyn nə̀yn nâʼàpî zàyn se ghɨghe, ə Zhə̀fè nə pɔŋ nəyn sê ghàyn zamə, ə è nəyn tsɛ.

Tom èchùŋ kè kə Lûk tè nyaʼ 8:21

Njisə̀s ə piə sê ghənə nə, “Nyi vɨm è ghɔnyì ghɨmə nyi ghɛ ə ghe zɨə ghɛə Fezhə̀e, nə̂ kə ze pi.”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 10:14

Pîza ghənə kaʼa tɔŋə zayn vəyn nə è fi za ghənə mə ghənə paʼà pomə̂ se vəyn ə? Ghənə kaʼa pomə zayn ezhoghɛ ghənə nyi ndɔ̀ʼɔ zɨ tomə? Ghənə kaʼa zɨ zayn tom ə̀təyn ezhoghɛ wùə va se ndàʼà zə̂ynzè se ghənə?

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

Tom èchùŋ kè kə Lûk tè nyaʼ 8:11

“Ə̀ zɨ̂nə nyi eghɛ zɛ ə ngàyn nə zɨnə zaʼlə. Ngwàʼ ətəyn nyi kə eghɛ ə Fezhə̀e.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

Ipilù 4:2

Ghâsènì se nyi mə ə zɨ tom èchùŋ kèpi èghɨ kə pɨ̀a ə ghasènìghe tè zɨ elùʼ ashəshəve. Ghənə tè zɨ nâʼà pî za, è zə tàʼa tsàmtè ghənə kûmə̀ nə ghənə tè zɨ ə tàʼa pomə̂ èkyî epomə̂zè.

Njɔyn 1:37

Chùmtè èpàm sə vəyn sɛ sèpɛ̀ ə zɨə èghɛ zɛ ə è pì ə zhə̀tə̀ chûmtə̀ Njisə̀s.