Biblia Todo Logo
Bib sou entènèt

- Piblisite -




Ŋwàʼlè ə̀ Pɔ̂l sê ghɨə Lûmghè 10:14 - Ŋwàʼlè ə̀ Fèzhə̀ Mkâyn Mə̂ Fèm

14 Pîza ghənə kaʼa tɔŋə zayn vəyn nə è fi za ghənə mə ghənə paʼà pomə̂ se vəyn ə? Ghənə kaʼa pomə zayn ezhoghɛ ghənə nyi ndɔ̀ʼɔ zɨ tomə? Ghənə kaʼa zɨ zayn tom ə̀təyn ezhoghɛ wùə va se ndàʼà zə̂ynzè se ghənə?

Gade chapit la Kopi




Ŋwàʼlè ə̀ Pɔ̂l sê ghɨə Lûmghè 10:14
22 Referans Kwoze  

Zhə̀fè ə tə nə̀yn nə ghɨghe ke tom ə̀ vəyn kè ashìŋə̀ kɛ ə Fe tè kyiŋə. Zhə̀fè Sɔ̀zà ə̀ ghâsènì ə tè tsɛ̀sè lâŋkè nə ə fo tom ə̀təyn sè mi ə mə ndaʼà.


Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.


Wùə nə vɛ ə pə̀ynsə̀ nə, “M nyi kàʼa ə m zɨ kê zàyn, ə̀ tsɛ̂ kə va mə wùə ə fɛte tsayn sê mi ə?” È və pìə za ə pîə sê Filìp nə, è kɔʼ pəyn tsɨsə ə vəyn etûə fèchyaʼ kə yî vəyn ə kwiə ndùə əmɔʼ.


Ə ghənə piə ə tsə̂mə̀ ndò ə kyîə èkyî pomə̂zè nə Pɛ̂pɛ nə̀ tsuʼə wùə ə̀təyn, ə Pɛ̂pɛ tsuʼ vəyn ə e ndwise vəyn ekwì ezafəve, ə̀ nyi pî mə è tè nəyn pi, ə lɛse fo vəyn.


Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.


E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.


Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.


ə pfɨfə sê ghənə nə, “Ghàyn ə tə fisê, Zuʼse Ŋwaʼase kə ghàyn tè pə̀yn sə əghɨ̀ epoməghe ə?” Ghənə pə̀ynsə̀ nə, “Ghàs pâʼà tyəmə zɨə pîə èghɛ kûmə̀ Sèzuʼ se Ŋwaʼase.”


Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.


Wùə ə̀təyn ə pə̀ynsə̀ nə, “Vâ wùə nə vɛ nyi nde ə Pɛ̀ àpɨəyn? Tsàyn sê mi kə m pomə sê vəyn.”


E za tyə̀nə̀ nə Klâys tè pəyn ə tsâ tom ə pɔ̂ynè kè sê ghɨ ghəkɨ̂m. È tè tsàyn sê ghàyn ghɛ ə ghàyn tè paʼsə va sê Zhə̀fè, ə fɨnə tsâ kəpî sê ghàs ghɛ ə tè paʼsə.


Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.


Swiv nou:

Piblisite


Piblisite