Njə̂m 5:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.

Njə̂m 5:9 Referans Kwoze

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Matyò 24:33

Kè pî èghɨ, ə ghàyn fe ghɛ nə ghɨnə mə e kyanə̀ ə̀kɨ̂m, ə ghàyn ke nə Vâ wùə mòtə̀ kə nyî ə è pəyn pîza nyi mə È və tɨmsê se pə̀yn.

1 Pità 4:9

Ghàyn e fɛtə fiə ə̀ ghɔnyì ghaynghe ə ghàyn ə sendɛ, fiə kə nâʼà è təmze emɔ̀ʼ, shwinə̂ va.

Ngàleshyà 5:26

Kə ghâsènì ə ghaŋsə wiynve, kə ghâsènì ə nə̂ʼsə̀ ə̀təm ə əghɔ nyìə ə ghasènìghe pî sə̂ ghəʼə̀ ə̀ghɔ nyìə ghasènìghe.

1 Pità 4:5

Pîza, tuʼve tə pə̂ kə Zhə̀fè saʼ ghɨghe ə̀kɨ̂m, ghe twɔghe è ghe kwutəghe. Ghənə tə tsâ echo ghənə̂zè sê Zhə̀fè, ə fɛ ə fe nyi èpɨaʼtêzè se saʼ əghɨ ghɛ ə ghe nyi etwɔ, è ghɛ ə ghe nyi mə ghə kwu.

Ngàleshyà 5:14

Nâʼà elwɔ̀ŋ èkɨ̂m tsɨ̀yntə̀ pə̀ fɨə kə alàŋ amɔ̀ʼ nə, “Kɔ̀ŋ kɔ vɛve eghɨ kə ò kɔ̂ŋɔ̀ ngɨŋ zɛ̂zè.”

1 Kɔlìŋ 10:11

Ghɛ nə ghɨnə̀ ə̀kɨ̂m tè kyayn sê ghənə sə fɨ̀as kə ghɨə mɔ̀ʼɔghe fe, ə fɨnə nyâʼà ndəmə̀ ghəynghe kə fɨ̀as se ghâsènì kûmə̀ nə ghâsènì ndamə ashìŋə̀ mə mɨ̀se se nyi ke se pə̀yn.

Ŋwàʼlè ə̀ Mâk 13:29

Ə ghàyn fe ghɛ nə ghɨnə̀ e kyanə̀, ghà ə kê nə Vâ Wùə mòtə̀ kə nyî ə è pəyn, mə shîŋə̀ kə paʼsê.

2 Kolìŋ 9:7

Ə nâʼàpî ndè piə e fo ndò, è və fo kə àfɨa kɛ ə təm ə vəynghe tyə̂nə̀ nə è fo. Kə wùə nə piə è fo ndò, ə è və fo chîə èwiyn, kəpiə ə kamə ndò vəyn, kûmə̀ nə Zhə̀fè kɔ̂ŋɔ̀ wùə vɛ ə è fo è saŋnêzè.

Ŋwàʼlè ə̀ Mâk 6:19

Ɛ̀londyàs ə kyîə faŋsə̂ vəyn Njɔyn endwɔ̀, kyiŋə èndom se zhwiə vəyn, pîza fe va, kûmə̀ Ɛlɔ̀t

Etyə̂yn ə paynsêzè 3:20

Fe kə! M tyəm echo ndɛ ngɔʼtə̂, mə ə zɨ pîndè kyə̀ zɨ̂mè ə chwìə, ə m nji pəyn, ə ghasè vəyn zhiə əmɔʼ.

Njə̂m 4:12

Ə̀ nyi ke Fèzhə̀ ə fe fo saʼte fɨnə saʼa ə̀ghɨ. Ə̀ nyi ke fəynfe ə fe kàʼa ə fe sɔza ə̀ghɨ, ə̀ fɨyn nyi ke fəynfe ə fe kàʼa ə fe pofsə̂ ghənə. O nyi ndè sə̂ saʼa ə̀ghɨ ə pomə mɔ̀ʼɔ ghə ə?

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

Njə̂m 5:10

Ghɔnyì ghɨmə, ghàyn kwaʼte fɨ̀aʼtè sɛ ə se tè wàmne ə Pɛ̂pɛ ezə. Ghàyn nji ghənə kə ghɨ ə kaʼa səyne sê ghənə kə ghənə tè kol təmə zɨə ngəʼ mə ghənə wâmnə̀ va.