Njə̂m 3:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Njə̂m 3:17 Referans Kwoze

Njə̂m 3:15

Kyì etɔf eghaʼâ nə zɨ̂nə̀ ndò pə̂ va sê Zhə̀fè, ze ndo pə̂yn fa mbi, ze paʼà ndò pəyn sê Zuʼse Ŋwaʼase, ə̀ fo ndə̂plè è ngɨŋə̂ vəyn.

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

Matyò 5:8

Pɔsê nyì sê ghɨ ghɛ təm ə ghənə̂ghè zo, Ghənə tə fe Fèzhə̀.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Tom èchùŋ kè kə Lûk tè nyaʼ 6:36

Ghàyn e kosə̂ èsəyn sê ghɨ kè kə Pɨ̀a vâynvè.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

2 Timotì 2:24

Ò ke nə wuə èfɨ̀aʼa ə̀ Fèzhə̀ kyi va sə̂ zɔ̂. È kyi sə̂ pɔynə̂ nâʼàpî se ndè fɨnə fɛtə zaʼlə ə̀ghɨ kè nâʼà àchûŋ, kyi èwəynsê,

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

Njə̂m 2:4

piə zɨnə mə tyə̂nə̀ nə ghàyn nyîə kɔ̂ŋə̀ ə̀ghɨ əmɔ̀ʼɔghe ə ghàyn əfètəyn tsɛ̂ yîghe ə? mə ghɛ zɛ ə ze nə̂ nə ghàyn ə nə̂ nyiəmə nyi pi.

Ipilù 12:11

Ə piə chwîtə̀ wùə è wàyn, è ve zɨə ètɨ̂m fumə ashìŋə̀, saŋnə̂ va, pîza ə piə chisə̂ mɨ̂sə̀ ndò, è və zaʼlə èghɛ, zə nə̀ nə è və ndamə èndam ə chichize è pɔ̂ynè.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Ŋwàʼlè ə̀ Pɔ̂l sê ghɨə Lûmghè 15:14

Ghɔnyì ghɨmə, nâʼà mi è ngɨŋ zɨ̂mè ke ndô nə ghàyn kyi ndô təm ə chûŋghè se nə̀yn efɨaʼ zɛ ə Zhə̀fè kyiŋə nə ghàyn nəyn, ke ə̀ghɛ ə̀kɨ̂m, nyi kàʼa zaʼle ngɨŋ saynse.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

Njə̂m 4:8

Ghàyn pə̀yn paʼse sê Zhə̀fè kə fe pə̀yn paʼse sê ghàyn. Ghɨ əghɛ piə ghɨyn! Ghàyn shù gho ghaynghe əghɛ piə! Ghàyn ghɨ kaŋkaŋə nəghe, ghàyn e kwâʼtə̀ kə ə̀ghɛ ə chûŋghè!

1 Timotì 5:21

M tyəm fâyn ə Zhə̀fè əshi yî Klâys Njisə̀s, è tsì sə vəynse se tsàyn sê ghàyn nə, ghàyn ə ndə̂mə̀ ə̀ghɛ ghɨ̂yn mə ghàyn kɔ̀ŋə̀ va wùə vîvè tsɛ və mɔʼɔ, fɨnə nə̂ va ghɛze se wùə kûmə̀ nə è nyi wùə vɛ̂vè.

Ətefɨ̂aʼ 11:24

Pànapàs vɛ ə tiynse fu tè nyì ke nâʼà wùə èchùŋ, fɛte kyi èpomə, mə è və lwiyn è Zuʼ se Ŋwaʼase. Ghɨghe ə pomə Fèzhə̀ kûmə̀ vəyn tsɨ̀ə kə nyi.

Matyò 23:28

Kèpî famə endom nə vɨnə mə, ə pɨəyn ghàyn chwìtə̀ sê nâʼàpî ndè nə ghàyn nyîə zo, pîza ə fə̀təyn, ə̀ lwiyn kê èkaŋkaŋa nə ze è pi.

1 Tèsàlonikà 2:7

Ghàs tè kàʼa ə ghàs ə pfɨfə nâʼà èfɨa sê ghàyn kə ghɨətom ə Klâysghè pîza ghàs ə pɔsə̂ kɨmə̂ kə ndò. Pîza ghàs tè nyîə pɔynə̂ shîŋə̀ kɛ ə ghàs tè nyì ghâsènì kə nyìə vayn ə è tɔ̀ʼnə̀ è ghɔ vəynghe.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Taytùs 3:2

Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.

Taytùs 1:15

Ghɨ ghɛ ə təmə ghənə̂ghè zo, nâʼàpî àkè nyiə zo sê ghənə. Pîza ghɛ ə təm ə ghənə̂ghè zo va, è ghɛ ə nyi ndɔ̀ʼɔ pomə, fɨa kyîke va ə ke zo sê ghənə. E nyi nyî kûmə̀ nə kwâʼtè tə ghənə̂tè, è təm ə saʼa ə ghənə̂ghè nyi mə ə pofsê.

Ŋwàʼlè ə̀ Pɔ̂l sê ghɨə Lûmghè 12:18

Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 9:10

Ə̀ fo Fèzhə̀ ngwàʼ sê ghɨ nə zho, ə̀ fo kəpi Vəyn payn ə kwaŋke nə ə zhi, nyi kepî se nə fo kwəynsə̂ ə ngwàʼ sê ghàyn kə ghàyn zho ə ghàyn ə nə̂ ndûə kə chùŋ eshike.

Matyò 5:9

Pɔsê nyì sê ghɨ ghɛ ə fɨaʼà nə pɔ̂ynè ə nyi, Zhə̀fè tə tɔŋtə̂ ghənə nə ghɔ Və.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

1 Pità 2:18

Sê ghàyn ə ghɨfɨaʼa, ghàyn tsose ngɨŋ saynse ə chi ə zɨə ə̀pɛ̀ efɨ̀aʼ ghaynghe, ngɨmnə̂ ghənə è təm ghaynghe əkɨ̂m. Kə ghàyn ə ngɨmnə̂ kə pɛ̀ efɨ̀aʼ ghɛ ə ghe tɔ̂ʼnə̀ è ghàyn fɨnə pɔynə̂, ghàyn e ngɨmnə̂ nâʼàpî ghɛ ə ghe zɔ̂ tsɛsə̀.