Njə̂m 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ze tè kyàyn nyi ə lwiynsə kə eluʼ ə Ŋwàʼlè ə̀ Fèzhə̀ vɛ ə ve tè pi nə, “Aplàghâm ə tə pomə̂ sê Zhə̀fè, fe ə njiə vəyn sə wùə chichi,” ə fɨnə tɔŋtə vəyn nə sô vəyn.

Njə̂m 2:23 Referans Kwoze

Ngàleshyà 3:6

Ghàyn fe Aplàghâm ə, ‘È tè kyi ekyî epomə̂zè sê Zhə̀fè, fə njìə vəyn sə wùə chichi.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ŋwàʼlè ə̀ Pɔ̂l sê ghɨə Lûmghè 9:17

Ə nyàʼ ə ŋwàʼlè ə̀ Fèzhə̀ nə Zhə̀fè tè pì sê fɔ̀yn Felò nə, “M tè ndəm ghô sə fɔ̀yn, kə m kaʼa m nji ghô ə m tyəyn tyaʼ kɨmke ətəyn è kɨsè nə zə zɨme kwi nga mbi èkɨ̂m.”

Tom èchùŋ kè kə Lûk tè nyaʼ 4:21

È və ke pi sê ghənə nə, “Ghɛ nə ghɨnə ə ghàyn zɨ kə m tɔŋɔ nyi ə kwəyn ndàyn.”

Ŋwàʼlè ə̀ Mâk 15:27

Ə payntə̂ kəpî ə̀ghɨ ə chɔŋɔ yîghe əpɛ̀ ə Njisə̀s əngwùŋ: èmɔ̀ʼ e nyi ə vəyn ekɔyntwɔve, è və mɔ̀ʼɔ ekɔyn ekôvè.

Ŋwàʼlè ə̀ Mâk 12:10

Ghàyn pâʼà tyə̂m tɔŋɔ ghɛ zɨ̂nə̀ ə Ŋwàʼlè ə̀ Fèzhə̀ nə: ‘Chi zɛ ə ghɨfɨaʼa tè tə ə kɛsê sə echi epòlə̀ ə ndɛze.

1 Pità 2:6

Kûmə̀ nə ə nyàʼ ə Ŋwàʼlè ə̀ Fèzhə̀ nə: “Ghàyn fe! M ndə̂mə̀ echi ə Zayɔ̀n, ə̀ nyi èchi epòlə̀ ə ndɛze kə m chɔʼ, ze tsɔ̂fə̀ nâʼà sə ŋaŋ. Ə̂ pomə pîndè sê vəyn, ə è tə tàʼa kyî eghomə̂.”

2 Timotì 3:16

Nâʼàpî èghɛ èkè zɛ ə nyaʼ ə Ŋwàʼlè ə̀ Fèzhə̀ nyi mə ə̀ fo Fezhə̀ nə ə nyaʼ, nə zaʼlê ə səmɔʼze ə fɨə ətəyn, e tsâ tètsas tə ghɨ̀tè ətəyn, chisə̂ ə̀ghɨ ətəyn, fo ètəftê endom vɛ əghɨ kyi sə̂ ndamə èndam echûŋzè ətəyn.

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Njə̂m 2:24

Ghàyn fe ndò zôyn nə, Zhə̀fè njîə wùə sə wùə chichi kûmə̀ èfɨ̂aʼ ə vəyn, ə̀ va ke kûmə̀ èkyî èpomə̂ ə vəynze.