Njə̂m 2:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.

Njə̂m 2:19 Referans Kwoze

Tom èchùŋ kè kə Lûk tè nyaʼ 4:34

“Wə̂e! Ò kyiŋə ghè ə ghàs əfètəyn ə Njisə̀s, va wùə Nazalɛ̀t vɨ̀yn, ò pə̀yn se pofsə̂ ghàs mə? M kendô fɨa kɛ ə ò nyi kəynke. Ə̀ nyi ke nâʼà ghò wùə è Ŋwaʼa Fèzhə̀.”

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Matyò 8:29

Kè sə ashìŋə̀, kə ghənə fe Njisə̀s, ə zhə̀tə̀ se pɨa nə, “Ò kyiŋə ghè sê ghàs ə Vâ Fèzhə̀? Ò pə̂ se pɔynsê ə ghàs tsɔ̀fə kə shîŋə̀ ətəynke kwəyn mə?”

Ətefɨ̂aʼ 16:17

È ve chûmtə̀ Pɔ̂l è ghàs, pɨa pîə nə, “Ghɨ ghɨ̀nə nyi ə ghɨə fɨaʼa Fezhə̀ fɛ ə Fe ngaŋtə kwəynə. Ghənə ndaʼà se ghàyn ndom vɛ ə Zhə̀fè kàʼa ə fe sɔza ghàyn ətəyn.”

Ngàleshyà 3:20

Ə kaʼa ə ndəm ke wùə ə fètəyn ezhoghɛ ə ghɨə fə nyi əpɛ̀, pîza ə̀ nyì ke Fèzhə̀ ə fe fɨaʼà fâyn.

Ətefɨ̂aʼ 19:15

Pîza zuʼ sepi sə təynse ə pìə se ghənə nə, “M nyîə ke Njisə̀s, ke kepî kûmə̀ Pɔ̂l, pîza se ghàyn, ghàyn nyi ghə̀ nde ə?”

Ŋwàʼlè ə̀ Mâk 5:7

ə pɨa nâʼà è kyə̀ ètɛ ə pìə nə, “Ghasè ghò kyi kɨŋnê ghè ə Njisə̀s, Va Fèzhə̀ fɛ ə fe ngaŋtə kwəynə? M chyatə̂ ghò ezə ə Fezhə̀zè nə kə ò poynse mi!”

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

Ŋwàʼlè ə̀ Mâk 12:29

Njisə̀s ə pə̀ynsə̀ nə, “Lâŋ kɛ ə ke tsɨ̂ə tsɛ̂ pìə nə, ‹Ghàyn zɨte ə ghɨə Isìlâyghè, Pɛ̂pɛ Zhə̀fè ghasènìfe, ə̀ nyì ke Vəyn Pɛ̂.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Ŋwàʼlè ə̀ Pɔ̂l sê ghɨə Lûmghè 3:30

Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

1 Kɔlìŋ 8:4

E za nyi nə se pì eghɛ kûmə̀ èfɨazhiə vɛ ə màʼtə̀ kə eshyə̂ sê fɨ̂aʼsèvè, ghâsènì ke ndô nə fɨ̂aʼsèvè vachi ndɨŋndɨŋ àfɨa kyîke fa mbi. Ghâsènì ke kepî ndô nə Zhə̀fè nyì ke fèmɔ̀ʼ.

Etyə̂yn ə paynsêzè 20:10

Ə ke njìə ndə̂plè zɛ ə è tè kyìŋse ghənə ə màʼa tsose elùʼ wusve e pɛ̂ ətəyn è fɨake mə ke lɛ̂ pâŋə̀ ndò e tɔŋtə̂ nə sɔlfɔ̀. Ə̀ nyi eluʼ vɛ ə tè màʼa tsosê nyàm èpamə zɛ è kɨsè fɨ̀aʼtè àkaŋ zɛ. Nâʼà ghənə əkɨ̂m tə zɨə m̀lùŋtsuŋ fumə èchwì è tuʼve nâʼà kə ghè tə ghayn.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Ŋwàʼlè ə̀ Mâk 7:9

Njisə̀s ə fɨnə pîə nə, “Ghàyn tə alâŋ ə Fezhə̀kè endom etɔfəve kə ghàyn ke se kyiə endam endaʼ zaynze.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.