Njə̂m 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɔnyì ghɨmə, ghàyn kə ghɨ pomə sê Pɛ̂pɛə ghâsènì Njisə̀s Klâys vɛ ə è kyi pomsêzè kyi va sə̂ kɔ̂ŋə̀ wùə ə̀mɔ̀ʼɔ̂, pânə̀ və mɔʼɔ̂.

Njə̂m 2:1 Referans Kwoze

Njə̂m 2:9

Pîza, ə ghàyn sè njîə nə ghɨə mɔ̀ʼɔ nyiə tsɛ̀ yîghe, ə nyi nə ghàyn nə̀ pi, ə Saʼze ko ghàyn kè eghɨ kə ze ko nâʼàpî ndè vɛ ə è kəm saʼze.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Njə̂m 2:3

Ə ò tɔ̀ʼnè è vɛ ə è laf achûŋ ə pìə sê vəyn nə, “Tsɨsə fâ fekyə̀ fechûŋfè”, pîza ə pìə sê wùə àfɨf vɛ nə, “Tyəm ndù fɛ, ə̀ va zâ o pə̀ tso tsɨsə̂ əchi fa mì ə tefɨəyn,”

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

1 Timotì 5:21

M tyəm fâyn ə Zhə̀fè əshi yî Klâys Njisə̀s, è tsì sə vəynse se tsàyn sê ghàyn nə, ghàyn ə ndə̂mə̀ ə̀ghɛ ghɨ̂yn mə ghàyn kɔ̀ŋə̀ va wùə vîvè tsɛ və mɔʼɔ, fɨnə nə̂ va ghɛze se wùə kûmə̀ nə è nyi wùə vɛ̂vè.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

1 Kɔlìŋ 2:8

Nâʼà wùə e saʼa emɔ̀ʼ fa mbi tè keva tɔf eghaʼâ nə zɨ̂nə̀. Ə tè nyi nə ghənə ke, mə ghənə tè paʼà paynte Pɛ̂pɛ vɛ ə è kyi pomsê ə Fezhə̀zè.

Etyə̂yn ə paynsêzè 14:12

Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

1 Timotì 1:19

Fɛte kyi kyî epomə̂ zɛze achûŋ, ə kyîə èkwaʼtè zɛ ə ze saʼa va təm ghɛghe. Ghɨ mɔʼɔ ghə kwiynsê se zɨtê eghɛ zɛ ə ghənə ke nə ə̀ nyi eghɛ chichi. Kûmə̀ nyiəmə, ghənə fɨyn kyi va kyî epomə̂zè sê Klâys.

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ŋwàʼlè ə̀ Pɔ̂l sê ghɨə Lûmghè 1:11

M tsə̂mə̀ nyiəmə kûmə̀ nə m nyîə kɔŋə̀ nâʼà àchûŋ se pə̂ mòtè ə ghàyn, kə m kaʼa m tsamte ghàyn è pɔsê zɛ ə Zuʼse Ŋwaʼase nyiə fo sê mi.

Ətefɨ̂aʼ 24:24

Ə pə̀ kə tuʼ mîmè tsɛ̀ Felès ə pə̀ yî zhwîə vəyn Ndusilà mə ə̀ tè nyi wùə Njûs. È və tomə nə ə pəyn è Pɔ̂l ə zɨtə̂ kə è wàmnə̀ kûmə̀ èsamsê ə Klâys Njisə̀szè.

Ətefɨ̂aʼ 7:2

Shìtifɨ̀yn ə pìə nə, “Ghə̀pɨ̀a ghɨmə è ghɔnyì ghɨmə, ghàyn zɨte. Zhə̀ fɛ ə Fe kyi tyaʼke akɨ̂m tè pə̀yn sê Aplàghâm, pɨ̀a ghâsènì və shi, kə è tè ndamə apàs endaʼ ə Mèsòpòtemyàkè tsɔ̀fə kə è ndo ndu sə̂ ndamə endaʼa Alànzè.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Njə̂m 1:16

Kə wùə tə lese ghàyn ə ghɔnyì ghɨmghe kɔ̀ŋghè.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.