Njə̂m 1:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

Njə̂m 1:26 Referans Kwoze

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

1 Pità 3:10

E nyi nyî kûmə̀ nə ə nyàʼ ə Ŋwàʼlè ə̀ Fèzhə̀ nə: “Ə wùə kɔ̂ŋɔ̀ sə̂ ndamə àchûŋ, fe kə ghɛ əchûŋghè kyànə̀ sê vəyn shîŋə̀ tekɨ̂m, kə è və wâmnə̀ wâmnè epize, kə è və wâmnə̀ wâmnè akaŋze.

Ɛfesùs 5:4

E tsɔ̂fə̀ va nə ghàyn nə wâmnə̀ èwâmnè e nyələze, piə ə̀ghɛ angoghe, chɔʼə ə̀ghɛ ghe ghomə̂. Ghàyn e pɨlə fo kə àzɔ̀ŋnè sê Zhə̀fè.

Kòlosè 4:6

Wâmnè zaynze kyi sə̂ pɔynə̂ fɨnə fɔmə, ə ghàyn ə ke kepî èndom echûŋ vɛ ə ghàyn kàʼa fo pə̂ynse echûŋzè ətəyn se nâʼàpî ndè.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Tom èchùŋ kè kə Lûk tè nyaʼ 8:18

Ghàyn tɔ̂ʼnə̀ endom vɛ ə ghàyn zɨtə ətəyn. Ə̀ se kyi pi ndè, ə fo kwəynse sê vəyn, ə̀ làʼà pîndè, ə fi nâʼàpî ketətə̂ kɛ ə è kwàʼtə̀ nə è kyi ndô.”

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ngàleshyà 2:6

Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ŋwàʼlè ə̀ Mâk 7:7

Ghənə fe kə ngəʼ səndô, piə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chumtə̀ èlwɔ̂ŋ, mə ə fɛte əghɨ, ndə̀mə̀ nə ə̀ nyi elwɔ̂ŋ ə Fezhə̀vè.’

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

Matyò 15:9

Ghənə fe kə ngəʼ səndô, pîə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chûmtə̀ èlwɔ̂ŋ ə wùə m̀sɔ̀ŋve tsɛ̂ kə kɔʼsə lwɔ̂ŋ ə Fezhə̀vè əghɛ mə ə̀ fɛte əghɨ.›”

1 Kɔlìŋ 15:15

Ze pize ətəyn nyi nə, e tyə̂nə̀ nə ghàs wamə àkaŋ kûmə̀ Fèzhə̀, kûmə̀ nə ghàs ə pì nə È və tə zòmsè Klâys, pîza ə ze nyi səmɔʼ nə ə tə zômsə̀ va ghɨ kwutəghe, ə zə nyi nə è tè paʼà zòmsè Klâys

Njə̂m 2:20

Ngo afɨa kɨ̂yn! Ò kyiŋə se fe chwìə nə kyî epoməzè nyi ezom ezhoghɛ ə ze kyi va fɨ̂aʼzè ə?

Ngàleshyà 3:4

E za tyə̀nə̀ nə ghàyn tè fe etsôs nâʼà sə ŋaŋ nyî kè səndô mə? Ghàyn vayn kaʼa ghàyn fe ke ètsôs za səndô!

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.